Lamharon

Pag-alagad sa Templo

Ni Benjamin A.

Sang mag-edad ako 17, nagsugod ako sa pagpamensar sing seryoso parte sa akon palaabuton kag nagpangamuyo ako sa akon Amay nga Langitnon parte sa kon ano ang akon sarang mahimo sa paghanda sa paglakat sa misyon kag pagbaton sang Melchizedek Priesthood. Nabatyagan ko nga dapat ako magkadto sa templo sing mas masunson tungod ini amo ang balay sang Ginuo kag amo ang lugar nga sa diin mahimo ko nga mabatyagan nga pinakamalapit ako sa akon Amay nga Langitnon.

Gani nagpahamtang ako sing lalab-uton nga maghimo sing 1,000 ka bunyag sa isa ka tuig. Matuodtuod ko gid nga nabatyagan ang kakinahanglan sa pagpahamtang sining lalab-uton; nagpuasa ako agud mahibal-an kon amo gid ini ang nagakadapat ko nga himuon. Ginsabat ako sang aton Amay nga Langitnon, kag nagsugod ako sa pagkadto sa templo sa Tampico, Mexico tagsa ka Sabado.

Sang mahuman ko ang 500 ka bunyag, nagpahamtang ako sang lalab-uton nga magsiyasat sang kasaysayan sang amon kalolohan kag nanamian gid ako kaayo sa akon pagpangsiyasat sa bagay nga indi na ako makatulog tungod sa pagpangita sang mga ngalan. Nakakita ako sing 50 ka mga ngalan kag walo ka henerasyon sang kasaysayan sang akon panimalay; nagbulig ako sa paghikot sang mga buluhaton sa templo para sa ila tanan.

Nakatapos ako sa paghimo sang masobra sa 1,300 ka bunyag kag nag-gradwar ako sa seminary, nagbaton sang Melchizedeck Priethood kag subong nagaalagad na bilang isa ka full-time nga misyonero, nga amo ang isa sa akon pinakadako nga lalab-uton sa kabuhi.