Mulwol ko Bin Somm’on e Presidency, August 2012
Pong rok fare Tathapeg ni ngan Pigpig
Picha’an nike fil mornga’agen e math’eg e manang ko mang e common denominator. Ko pi Gidii’en Got ko Tin Tomur e Rran, bay e common denominator nima m’ag daed nga ta’abang. Re common denominator nem e pong ni ra bagdad ma yag ngak ni nge rin’ e pi murwel u lan gil’ilungun Got u roy u dakean e fayleng.
Ma kireb ko tafney rom ni ngam moning napan nike taw e pong ngom? Fa gama feek u fithik e magaer ni ngam ayuweg e pi walagem ni pumo’on nge ppin, ni ga manang ni ra fal’eg e Chitamangdad nu Tharmiy wa’athan e picha’an ni Ke pining?
Gube athapeg ni dabi thil e tafney rodad ko pi kanawo’ nib falel’ ni ngad pigpiggaed. Binem e tafney, ra n’em nikan dugliy nib manemus, e ta’aborogon ko bin ni yoeg Somoel ma kan pir’eg u lane Pearl of Great Price. Chitamangiy nu Tharmiy e ke yoeg ni murwel rok nge rir— e nge pii’ e yafas ni darma mus ngak e gidii’.1
Tafneyed gadad ko ra upong nem ni gadad chonngin Fare Galasia ku Yesus Kristus ni Fan ko Gidii’en Got ko Tin Tomur e Rran e gathi ba upong ko gapas machane mad ko murwel. Murwel rodaed, ni ngad ayuwegned gadad, e ngad gagyeg niged reb e gidii’ i yaen ko fare celestial kingdom ku Got.
Ran yaen ko kanawo’ ko murwel rok Got, ma dabin pired ko gin ni bay Cardinal Wolsey ko Shakespeare riy’. Ke mam’a yilen napan ni murwel ko pilung rok, me ga’ar u fithik e kirbaen’:
Fa’an kug tapigpig ngak e Got rog ko balay e n’en ni guba adag ni ngug rin’
Kug tapigpig ko pilung rog, Ma dabi u yangreg
Make digeyeg ni dariy e maed rog ngak e to’ogor rog.2
Miti mang e murwel e bay t’uf u tharmiy? Somoel, u dakean fare profet i Joseph Smith, e yoeg nib tu’uf gumircha’ey nge tafney nib athamgil ma ra athamgil nem ma yibe fol e ra kay e tin mangil u dakean e nam nu Zion u lane pi tomur i rran ney.3
Ku tal napan ni gu leam nag e pi thin rok President John Taylor (1808–87) ni ga’ar: “Fa’anra dam dag e pi pong rom, ma ra tem Got nib mil fan ngom e picha’an ni susun e ram ayuweg raed ni ngam rin’ e murwel rom.”4
Yafas rok Yesus e boed e magael nib ga’ ram’en u fithik e falel’ e napan ni Ke machib ngak e gidii’. “Gubay u fithik med napan ni ram pigpig,”5 ke yoeg Yesus napan ni pi’ gelngin bee’ nin dabyog ni nge yaen, fal’eg owchen e ma’aw, fal’eg tel e biling, me pi’ e yafas nge e yam’.
Ko fare fanathin ko fare Samaritan nib mangil, fare Masta e fil ngodad ni ngad tu’ufeged e cha’ nib chuchgur ngodaed ni boed gadad.6 Fulweg Rok ngak fare cha’ nib fal’ab, e fil ngodad ni ngad paged e fal’ ngak.7 Ko laal i biyu’ ni duruw’ir raed, e fil ngodaed ni ngad guyed e tin nib tu’uf rok boech e gidii’.8 Nge fare Machib u dakean e Burey, Ke fil ngodaed ni ngad gayed e bin somm’on gil’ilungun Got.9
U lane Bin Bi’ech e Fayleng, ma ke ga’ar Somoel, “Gimed manang e pin’en ni thingar mu rin’ed u lan e galasia rog; ya pi muruwel ni kam guyed ni kug rin’ e ireram e pi muruwel ni nam rin’ed; ya pin’en ni kam guyed gag ni kug rin’ e ireram e pin’en ni ngam rin’ed.”10
Gadad be fal’eg wa’athan boech e gidii’ napan ni gadad ra pigpig ko rogon ni rin’ “Yesus nu Nazareth … ni yaen nibe rin’ e tin mangil.”11 Ma fal’eg Got wa’athan daed ni ngad pir’eged e falfalen’ ni ngad pigpig niged e Chitamangdad nu Tharmiy napan ni gadad ra ayuweg pifaak u fayleng.
© 2012 ko Intellectual Reserve, Inc. Gubin ni mat’won ma bay. Nni yoloy u Mariken. Kan micheg nag ko thin nu Ngalis: 6/11. Micheg nag i pilyeg: 6/11. Ni pilyeg ko First Presidency Message, August 2012. Yapese. 10368 905
Rogon ni ngan Fil ko Biney e Mulwol
“[En Somoel] e dabi pag dad ni ngad mul gaed fa’anra gadad ra rin’ e birodad e murwel. Ra dag ngodad mus nib falel’ ko tin ni gadad ba salap riy. … Reb e n’en ni rib falel’ ni rarayog ni nge yib ngak bee’” (Ezra Taft Benson, u lane Teaching, No Greater Call [1999], 20). Mu weliy e n’en nike buch rom napan ni gur fa bee’ ni gamanang nike thamiy nike dag Somoel e tin nib salap riy. Pining e tabinaew ni nge weliy boech e n’en nike buch roraed nib mangil napan ni kar fulweg ged ko “fare pong rok fare Tathapeg ni ngan pigpig.”