Naan in Katak an Kōra, O̧kwōj 2012
M̧akūtkūt ilo Tōre in Aikuj
Lukkuun jar im ekkatak kōn kein katak in im, n̄e ekkar, ekōnono kake ippān jejtōr ro kom̧ij loļo̧k. Kōjerbal kajjitōk ko n̄an jipan̄ eok kōkajoorļo̧k jejtōr ro am̧ im n̄an kōm̧m̧an bwe Doulul eo an Kōrā en m̧ōttan eo emourur tata ilo mour eo am̧i make.
Tōmak, Baam̧le, Deeor
Āinwōt rūkaki in ilo loļo̧k ro an kōrā, juon iaan jibadbad ko ad ej n̄an jipan̄ kōkajoorļo̧k baam̧le ko im im̧ōko. Sister ro jej loļo̧k er rej aikuj in maron̄ ba, “Eļan̄n̄e ewōr aō inepata, Ijeļā rūkaki in ilo loļo̧k ro an kōrā aō renaaj jipan̄ ilo jab kōttar aer kajjitōk ippāer.” N̄an maron̄ jerbal, ewōr ippād eddo eo n̄an kea kōn aikuj ko an sister ro jej loļo̧k. N̄e jej pukōt im̧we, jenaaj jeļā ekōjkan uwaake aikuj ko ilo jetōb im kanniōk an kajjojo sister ro kar jitōn̄ kōj n̄an loļo̧k. Innām, kōjerbal iien ko ad, kapeel ko, tōļan ko, jar ko an tōmak, im rejtak eo ilo jetōb im en̄jake, jemaron̄ jipan̄ leļo̧k jerbal in jipan̄ eo etenkwadik ilo iien nan̄inmej ko, mej, im jekjek ko jet rejeno̧lo̧k.1
Kōn jipan̄ eo kōn ripoot ko jān rūkaki in loļo̧k ro an kōrā, būreejtōnji eo an Doulul eo an Kōrā ej kile ro me ewōr aer aikuj ko rejeno̧lo̧k kōnke kōn nan̄inmej ko an ānbwin im en̄jake, iien idin̄ ko, ļotak ko, mej ko, utam̧we in ānbwin, ajimakeke, ak apan̄ ko jet. Innām būreejtōn eo an Doulul eo an Kōrā ej ripooti ļo̧k men ko ear loi n̄an bisop eo. Ium̧win tōl eo an, liin ej kōjeikiik jipan̄ eo.2
Āinwōt rūkaki in loļo̧k ro an kōrā emaron̄ wōr ippād “ļap unin … m̧ōņōņō” kōnke kōn “jeram̧m̧an eo kar likūt iood, bwe em̧ōj kar āik kōj kein jerbal ko ilo pein Anij n̄an bōktok n̄an likio jerbal in eļap” (Alma 26:1, 3).
Jān Jeje ko Rekwojarjar
Matu 22:37–40; Luk 10:29–37; Alma 26:1–4; Doctrine and Covenants 82:18–19
Jān Bwebwenato eo Ad
Ilo iiō ko im̧aan tata an Kabun̄ in, oran membōr eaar dik im jab aolep jikin. Membōr ro emaron̄ m̧ōkaj aer uwaak n̄e jabdewōt eaar pād ilo aikuj. Rainin oran membōr ro ad elōn̄ļo̧k jān 14 milien im rej ajeded aolepen laļ in. Katakin loļo̧k an kōrā ej m̧ōttan karōk eo an Irooj n̄an leļo̧k jipan̄ n̄an aolep ajri ro Nejin.
“Jejtōm̧ eo de eo me emaron̄ leļo̧k jipan̄ im kaenōm̧m̧an ilo aolepen juon kabun̄ ilo eļap tata ilo juon laļ eo ekanooj in ļap enaaj kōn kajjojo rikarejeran ro repaake armej ro rej pād ilo aikuj,” kar ba Būreejtōn Henry B. Erying, Rikakpilōklōk eo Kein Kajuon ilo Būreejtōnji eo Kein Kajuon.
“… Aolep bisop im aolep branch būreejtōn ewōr juon aer būreejtōn an Doulul eo an Kōrā ej pedped ioon,” eaar wōnm̧aanļo̧k im ba. “Liin ewōr an rūkaki in loļo̧k ro an kōrā, ro rejeļā mālijon̄ ko im aikuj ko an aolep sister. Liin emaron̄, kōn er, jeļā bōro ko an kajjojo im baam̧le ko. Liin emaron̄ tōpar aikuj ko im jipan̄ bisop eo ilo kūr eo an n̄an najdik kajjojo im baam̧le ko.”3
© 2012 jen Intellectual Reserve, Inc. Aolep jim̧we rej pād ippān. Kar jeje ilo Amedka. Kōmālim ilo kajin English: 6/11. Kōmālim ukook eo: 6/11. Ukook eo an Visiting Teaching Message, August 2012. Marshallese. 10368 874
Ta Eo Imaron̄ Kōm̧m̧ane?
-
Ij ke kōjerbal menin letok ko im tōlan ko aō n̄an kōjeram̧m̧an ro jet?
-
Sister ro Ij mije er rejeļā ke bwe Ij m̧ōņōņō n̄an jipan̄ er n̄e ewōr aer aikuj?