Jodikdik ro

Jeļā Ta n̄an Ba

Eļan̄n̄e kwoj en̄jake āinwōt kwojjab kanooj jeļā kōn ko̧jpeļ eo n̄an kwaļo̧k e ippān ro jet, bōk kaenōm̧m̧an ilo kalim̧m̧ur kein jān jeje ko rekwojarjar:

Irooj eaar ba bwe jej aikuj kotak ainikied n̄an armej rein im kōnono ļōmņak ko me enaaj likūt ilo būruwōd, im jejjamin naaj pok im̧aan armej.

Bwe ta eo jej aikuj ba naaj letok n̄an kōj ilo awa eo wōt im ilo iien eo wōt (lale D&C 100:5–6).

“A Ri Kaaenōm̧m̧an, E Jetōb Kwōjarjar, Eo Jema enaaj jilkintok ilo Eta, Enaaj katakin kom̧ men otemjej, im kakeememej men otemjej n̄an kom̧, men ko Iar ba n̄an kom̧” (Jon 14:26).

Men kein rej kalim̧m̧ur ko rem̧m̧an, bōtaab n̄an būki, jej aikuj kōm̧m̧ane ijo kuņaad. Ilo ennaan in, Būreejtōn Eyring eaar katakin kōj ekōjkan: “Pojak n̄an kwaļo̧k [ko̧jpeļ eo] kōn kanne ļōmņak eo am̧ aolep raan kōn m̧ool ko an ko̧jpeļ eo.” Ta eo komaron̄ kōm̧m̧ane n̄an kanne ļōmņak eo am̧ kōn m̧ool ko an ko̧jpeļ eo?