Залуучуудад зориулав

Юу хэлэхээ мэдэх нь

Сайн мэдээг бусадтай хуваалцах хангалттай мэдлэггүй гэж өөрийгөө боддог бол сударт бичсэн дараах тайвшруулах амлалтуудыг сана:

“Энэ хүмүүст дуу хоолойгоо өргөгтүн; зүрх сэтгэлд тань миний тавих бодлуудыг яригтун, мөн та нар хүмүүсийн өмнө мадлагдах нь үгүй;

Учир нь тийм ээ, та нар юу хэлэх ёстой нь яг тухайн цагт та нарт өгөгдөх болно” (С ба Г 100:5–6).

“Туслагч буюу Миний нэрээр Эцэгийн илгээх Ариун Сүнс та нарт бүх зүйлийг заах бөгөөд Миний та нарт хэлсэн бүгдийг сануулах болно” (Иохан 14:26).

Эдгээр нь үнэхээр агуу амлалтууд боловч эдгээрийг хүлээн авахын тулд бид хийх ёстой зүйлээ хийх ёстой. Энэ захиаст Ерөнхийлөгч Айринг бидэнд “Өдөр бүр сайн мэдээний үнэнээр оюун бодлоо цэнэглэж, бусадтай [сайн мэдээг] хуваалцахад бэлтгэ” хэмээн заасан. Сайн мэдээний үнэнээр оюун бодлоо цэнэглэхийн тулд бид юу хийж чадах вэ?