Fal’ Yangren

Ngan Nang e N’en ni ngan Noeg

Fa’anra gabe thamiy ni dam nang mornga’agen fare gospel ni ngam weliy ngak boech e gidii’, mag fek e gapas u fithik e pi micheg n’ey nikan dugliy u lan fapi chep nib thothup:

Ke yoeg Somoel ni ngad chubiyed lungun dad nga lang ko pi gidii’ ney man noeg e pi tafney nike ta’ nga lan gum’ircha’en dad, ma dabin mo’waer gaed u pow’chen e gidii’;

Ya n’en ni thingar di yoeged e ran pi’ ngodad u lane re awa nge re gil’ n’em (muguy ko D&C 100:5–6).

Ma en ni bay i ayuwegmed, e aram fare Kan ni Nthothup ni en ni Chitamangiy e bayi l’oeg nge yib ni owcheg, ma bayi fil urngin ban’en ngomed, me ayuwegmed nge mit ngomed, urngin e tin kug weliy ngomed” (John 14:26).

Marib ga’ pin’ey e tin nikan micheg, machane ra nge mugu’ul, ma ngad rrin’ed e birodad e murwel. U lane biney e mulwol, ma be fil President Eyring ngodad rogon: “Fal’eg rogoy ni ngan weliy [fare gospel] ni ngam suguy e tafney rom ko pi riyul’ ko fare gospel.” Mang e rayog ni ngam rin’ ni ngam suguy lanin’um ko tin riyul’ ko fare gospel?