Mulwol ko Somm’on e Presidency, September 2012
Weliy fare Gospel u Fithik e Yul’ Yul’
Ra tay Got e gidii’ nike fal’eg rograed ko kanawo’ ko pi tapigpig Rok nike fal’eg rograed ni yaed ba’adag ni ngar weliyed fare gospel. Ke buch e binem u lane yafas rom. Rogon nibe buch e be yaen ko rogon ni kam dugliy lanin’um nge gum’ircha’em.
Bay e fager rog nima meybil ni gubin e rran ni nge mada’ nag bee’ ni ke fal’eg rogon ni nge yag fare gospel ngak. Be fek ba copy ko fare Babyor ku Mormon. Fare balayal’ um’on ko milekag nib ngoch, me lemnag ni dabi fek e copy machane me fek e card nra pinning bee’ nge rung’ag e gospel. Machane napan ni bani nge yaen, me yib ba tamilang nga laniyaen’: “Mu fek fare Babyor ku Mormon.” Me tay reb nga lane kabang rok’.
Napan ni yaen ko milekag me paer bee’ nib ppin nga to’oben ni manang, me tafney nag, “Ireray fa cha’?” Me un fare ppin ngak biyay nikan sul ko fare milekag. Me lemnag, “Urogon ni ngug tabab nag fare gospel?”
Machane, me ga’ar fare ppin ngak, “Gama pii’ e maligach ko galasia rom, fa?” Me yoeg nima rrin’. Me yoeg fare ppin ni susun ni nge pii’ e maligach ko galasia rok machane dani rin’. Me fith ni ga’ar, “Mang e rayog ni ngam weliy ngog ni marnga’agen fare Babyor ku Mormon?”
Me weliy ni re babyor nem e ba chep nib thothup, kureb e m’ag rok’ Yesus Kristus, nike pilyeg fare Profet Joseph Smith. Ma boed ni ba adag, me yan nga lane kabang rok me ga’ar, “Ke flan’nug ni nggu fek e re ke babyor ney. Gube lem nag ni fan ngom.”
Me tabab i bi’eg. Napan ni ra dar gow, me ga’ar, “Gur nge gag e ka gadow ra weliy boech mornga’agen e ran’ey.”
N’en ni dani nang e fager rog—machane Got e manang—ni ir e be gay e galasia. Got e manang ni re ppin nem e ke yaliy e fager rog me leam nag ko mangfan ni galasia rok’ e be n’anggin nge falfalen’. Got e manang ni ra fith mornga’agen fare Babyor ku Mormon ma ra m’agaen’ ni nge yib e pi tamachib ni ngar machib niged. Ke fal’eg rogon. Ku arogon e fager rog. Gur nge Gag e ku rayog ni ngad fal’egew rogdow.
Tin ni kan yarmiy nib tu’uf rodad e bay u laniyaen’ dad nge lan gum’ircha’ dad. Fare ppin e ke rung’ag me yib ngan’ fapi thin ni mornga’agen fare Babyor ku Mormon, Galasia rok Somoel nikan fulweg, nge motochiyel ni ngan pii’ e maligach ngak Got. Ma ke thamiy ko tabolngin e mich ko tin riyul’ u lan gum’ircha’en.
Ke yoeg Somoel ni Ra dag e tin riyul’ nga laniyaen’ dad nga lan gum’ircha’ dad u dakean fare Kan ni Thothup (muguy ko D&C 8:2). Oren e gidii’ ni gama guy e bay ko tabolngin ko tin ni kan mugu’uliy. Kar rung’aged ara kar bi’eged mornga’agen Got nge thin Rok’. Fa’anra ba munguy gum’ircha’ raed, ma kar thamiyed, machane ba waer, e micheg e riyul’.
Fare ppin e ke fal’eg rogon. Ku arogon e fager rog, fare chongin e Galasia ni ke fil mornga’agen fare Babyor ku Mormon. Ke thamiy nib mich mab riyul’, ma ke poey e kanawo’ ko fare Kan Thothup ni nge fek reb e copy. Ke fal’eg rogon u laniyan’ nge lan gum’ircha’en.
Got e be yarmiy e gidii’ ni ngar thapeged e mich rom ko fare riyul’ ni kan fulweg. Ba athapeg e mich rom nge mithmith rom ni ngam weliy ni dabi marwaer u wun’num ko tin nib gel puluwan ngom nge ngak e picha’ nib tu’f rom.
Mu fal’eg rogom ni ngam weliy ni ngam suguy lanin’um ni gubin e rran ko tin riyul ko fare gospel. Napan ni gara cha’ariy fapi motochiyel mag tay fan e pi m’ag rom, ma gara thamiy e mich ko fare Kan Thothup nge tu’ufeg rok Tathapeg ngom nge ngak e picha’an ni gabe mad’eg.
Fa’anra gara rrin’ e girom, ma ra yag ngom e tin mangil ban’en ni be buch rom ni gabe mad’eg e gidii’ ni ke fal’ rogon raed ni ngar rung’aged e mich rom ko fare riyul’—nike yib ko gum’ircha’ey nga reb, birom nge biroraed.
© 2012 ko Intellectual Reserve, Inc. Gubin ni mat’won ma bay. Nni yoloey u Mariken. Kan micheg nag ko thin nu Ngalis: 6/11. Micheg nag i pilyeg: 6/11. Nni pilyeg ko First Presidency Message, September 2012. Yapese. 10369 905
Rogon ni ngan Fil ko Biney e Mulwol
Mu bi’eg fare mulwol ko tabinaew mag weliy reb e buguthin ni migid ko bin tomur, gin ni weliy President Eyring e pi kanawo’ ni ngan gel nag e mich rok bee’. Mu weliy ko fare tabinaew e n’en nib ga’fan ko mich ni ngan noeg napan ni yibe weliy fare gospel. Pi bitir u lan fare tabinaew e ra pir’eg nib tu’uf ni ngan noeg e mich ngak e pi ta fager.