2012
Mettoch mi Namwot me Angang mi Kawor
September 2012

Poraus seni Fefin Chon Amwa, September 2012

Mettoch mi Namwot me Angang mi Kawor

Kopwe anneani ekkei mettoch iwe, nupwen mi och, kopwe aporausa ren ekkewe fefin ka churir. Kopwe aea ekkewe kapas eis ne anisuk ne apochokuna ekkewe fefin ka churir me pwan aochu manauom ren aean Fin Anisi.

Sasing
Apungan Fin Anisi

Nuku, Famini, Aninis

“Namwoten ekkoch aramas mi chommong,” Preseten Thomas S. Monson a apasa, “me emon me emon kich sia tongeni fori och mettoch ne anisi pwan emon. … Mi kukkun popunapen pwisin manauach, chinon chok sia tiniken non ach angang ngeni ekkoch.”1

Kich an fefin chon amwa sia tongeni ennetin sinei ifa usun ne tongei emon me emon fefin sia churi. Angang ngeni ekkewe ir sia churi epwe fisioch seni pwukun ach tong fan iter (nengeni John 13:34–35).

Ifa usun sia tongeni sinei namwoten ekkewe fefin non pekin ngun me non pekin inis pwe sipwe tongeni angang ngenir nupwen mi namwot? Kich an fefin chon amwa, sia tufichin angei pwarata nupwen sia iotek usun ekkewe ir sia churi.

Mi auchea pwe sipwe pwan akkachocho ne sopweno ach poraus ren ekkewe fefin. Kopwe pwisin churi, kokkori won fon, makkei echo taropwen pesepes ngeni, makkei e-mail ngeni, mommot fengen ren, ennetin kapwong ngeni, churi non fan, anisi nupwen a samau are nupwen mi namwot, me pwan ekkoch angang ra anisikich ne mammasa me apochokuna fengenikich.2

An fefin chon amwa mi tingor ne repotuni nonnomur, namwoten ekkewe fefin, me ewe angang mi kawor ngenir. Ekkei sokkun poraus me ach angang ne anisi ekkewe fefin ra anisikich ne pwarata ach chon kuno.3

Seni ekkewe Pukfel

John 10:14–16; 3 Nifai 17:7, 9; Moronai 6:3–4

Seni Ach Uruo

Ach angang fengen nefinach mi nom nukunapan an fefin chon amwa. Seni angang mi soposop sia awora kirokiroch me chiechioch mi nomotam nap seni chok wisen churir iteitan maram. Mi auchea ach tongei.

“Ua mochen tingorei ach kewe fefin pwe resap noninen usun eu kokko won fon are chufengen iteitan maram are fan ekkoch maram,” Mary Ellen Smoot, ewe 13 presetenin Fin Anisi unusan, a apasa. A tingorei kich ne “achocho ne tumunuochu ngunun aramas.”4

Preseten Spencer W. Kimball (1895–1985) a aiti, “Mi auchea pwe sipwe angang fengen nefinach non ewe muu.” Iwe a esinna pwe ese namwot pwe meinisin angang epwe fakkun watte. “Fan chommong, ach angang mi masou ngeni kapasen pesepes are awora … aninis ren angangen ran me ran,” a apasa, “nge mi fakkun amwarar niwinin … foffor mi kukkun nge mi chok auchea!”5

© 2012 seni Intellectual Reserve, Inc. Meinisin pung mi kawor. A for non Merika. Kapungunon non fosun Merika: 6/11. Kapungunon chiakun: 6/11. Chiakun Visiting Teaching Message, September 2012. Chuukese. 10369 901

Esinesin

  1. Thomas S. Monson, “What Have I Done for Someone Today?” Liahona, Nov. 2009, 85.

  2. Nengeni Handbook 2: Administering the Church (2010), 9.5.1.

  3. Nengeni Handbook 2, 9.5.4.

  4. Mary Ellen Smoot, non Daughters in My Kingdom: The History and Work of Relief Society (2011), 117.

  5. Teachings of Presidents of the Church: Spencer W. Kimball (2006), 82.

Met Ua Tongeni Fori?

  1. Ngang ua kutta pwarata pwe upwe sinei epwe ifa usun ai foffor ngeni namwoten emon me emon fefin ua wisen mammasa non pekin ngun me non pekin inis?

  2. Ifa usun ekkewe fefin ua mammasa ra sinei pwe ua tongeir me chon ar famini?

Printini