2012
Bezwen espesyal ak sèvis ki rann
septanm 2012

Mesaj vizit nan fwaye, Septanm 2012

Bezwen espesyal ak sèvis ki rann

Etidye materyèl sa a nan lapriyè epi, si sa apwopriye, diskite li avèk sè w ap vizite yo.Itilize kesyon yo pou ede ou fòtifye sè ou yo epi fè Sosyete Sekou jwe yon wòl aktif nan lavi pa ou.

So Sosyete Sekou a

Lafwa, Fanmi, Sekou

Prezidan Thomas S. Monson te di: “Bezwen lòt moun yo toujou prezan, epi nou chak kapab fè yon bagay pou ede yon moun. … Si nou pa lage tèt nou nan sèvi lòt moun, lavi nou pa reyèlman gen bi.”1

Antanke enstriktris nan fwaye nou kapab sensèman konnen ak renmen chak sè n ap vizite yo. Sèvi moun n ap vizite yo ap vini tou natirèlman soti nan lanmou nou pou yo (gade Jan 13:34–35).

Kijan nou ka konnen bezwen espirityèl ak tanporèl sè nou yo pou nou ka rann yo sèvis lè yo gen bezwen? Antanke enstriktris nan fwaye, nou gen dwa pou resevwa enspirasyon lè nou priye osijè moun n ap vizite yo.

Kenbe kontak regilye avèk sè nou yo enpòtan tou. Vizit pèsonèl, apèl telefòn, yon ti nòt ankourajman, e-mail, chita avèk li, yon konpliman sensè, lonje lamen ba li nan legliz la, ede l nan moman maladi oubyen nan moman bezwen, ak lòt zak sèvis ap ede nou veye youn sou lòt ak fòtifye youn lòt.2

Yo mande enstriktris nan fwaye yo pou yo bay rapò sou byennèt, ak bezwen espesyal chak sè yo, ak sou sèvis yo rann yo. Rapò sa yo ak sèvis nou rann sè nou yo ede nou demontre kalite disip nou.3

Apati ekriti yo

Jan 10:14–16; 3 Nefi 17:7, 9; Mowoni 6:3–4

Apati Istwa Nou

Sèvi youn lòt te toujou yon pwen santral enstriksyon nan fwaye. Atravè sèvis n ap rann nou pote jantiyès ak amitye ki ale odela vizit chak mwa yo. Se jan nou sousye pou yo ki konte.

Sè Mary Ellen Smooth, trèzyèm Prezidant Jeneral Sosyete Sekou an, te di: “Dezi mwen se pou priye nou menm sè yo, pou nou sispann sousye de yon apèl telefòn oswa yon vizit chak mwa oubyen chak twa mwa.” Li mande nou pou nou “pito konsantre sou nouri bèl nanm sa yo.”4

Prezidan Spencer W. Kimball (1895–1985) te anseye: “Li enpòtan pou nou youn sèvi lòt nan wayòm nan.” Men li rekonèt ke se pa tout sèvis ki ewoyik. Li di: “Byen souvan, zak sèvis nou yo ki se senp ankourajman oubyen bay yon ti bagay … ede nan tach chak jou yo. Men gwo konsekans gloriye kapab soti … nan ti aksyon delibere sa yo!”5

© 2012 pa Intellectual Reserve, Inc. Tout dwa rezève. Enprime nan Etazini Damerik. Apwobasyon Anglè: 6/11. Apwobasyon tradiksyon: 6/11. Tradiksyon Visiting Teaching Message, September 2012. Haitian Creole. 10369 036

Nòt

  1. Thomas S. Monson, “What Have I Done for Someone Today?” Liahona, Nov. 2009, 85.

  2. Gade Handbook 2: Administering the Church (2010), 9.5.1.

  3. Gade Handbook 2, 9.5.4.

  4. Mary Ellen Smoot, nan Daughters in My Kingdom: The History and Work of Relief Society (2011), 117.

  5. Teachings of Presidents of the Church: Spencer W. Kimball (2006), 82.

Kisa m Ka Fè?

  1. Èske m ap chèche enspirasyon pèsonèl pou m konnen kijan pou m reponn ak bezwen espirityèl ak tanporèl chak sè mwen gen tach pou vizite yo?

  2. Kijan sè m ap vizite yo ka konnen ke m sousye pou yo ak pou fanmi yo?