2012
Enenuh Yohk Srihpac uh ac Kuhlwacnsap Ituckyang
September 2012

Pweng ke Forfor Luti, Septempuh 2012

Enenuh Yohk Srihpac uh ac Kuhlwacnsap Ituckyang

Pruhe in lutlutkihn kuhfa inge ac, ke pacl fal an, sramsramkihn yurin tahmtahel ma kowos muhtwacta nuh yohroh an. Orekmakihn kihsen siyuck an in kahsrwe kowos ahkkweye tahmtahel wiyowos an ac in oruh Rilif Sosaiti in ip utuftuf se ke moul lowos sifacna an.

Petsac
Akucl luhn Rilif Sosaiti

Luhlahlfongi, Sucu, Kahsruh

“Enenuh luhn mwet sahyac uh ac oasr pacl nuh kwewa,” Prestuhn Thomas S. Monson el fahk, “ac kais sie sesr kuh in oruh sie ma in kahsruh sie mwet. … Tuh kuht fin tie sang kuhiyacsr in kuhlwacnsapuh mwet sahyac uh, oasr sie srihpac srihsrihk nuh ke moul lasr sifacna uh.”1

In oacna mwet forfor luti uh kuht kuh in tuhkuh nuh pwacye in etuh ac luhngse kais sie tahmtahel kuht muhtwacta yohroh uh. Kuhlwacnsap nuh sin mwet kuht muhtwacta yohroh uh ac fah fahsr fal ke luhngse lasr nuh selos uh (liye Jon 13:34–35).

Kuh kuht ac etuh fuhkah enenuh ke ma luhn nguhn ac mahno luhn tahmtahel wiyacsr uh kuht in muh kuh in sang kuhlwacnsap ke pacl enenweyuck uh? In oacna mwet forfor luti uh, lwelah nuh sesr in eis mokleyuck ke kuht pruhe ke mwet kuht muhtwacta yohroh uh.

Ahkfalyena ohsun ke pacl nuh kwewa yurin tahmtahel wiyacsr uh yohk srihpac pac. Muhtwacta la sifacna, pahng ke tacluhfon, sie mwe kahsruh in ahkkweye, e-mail uh, pihtucki yohrohl, sie kahs in kahsruh pwacye, kahsrwel ke alu ah, kahsrwel ke pacl mas kuh enenuh, ac kuhtuh pac mukwikwi in kuhlwacnsap sahyac uh nuh kwewa kahsrwe kuht in liyacacng ac ahkfokokoye sie sin sie.2

Mwet forfor luti uh siyuckyuck se in ripohrti ohiyac, kuhtwena enenuh yohk srihpac luhn tahmtahel uh, ac kuhlwacnsap ituckyang nuh selos uh. Kain ripohrt ac kuhlwacnsap nuh sin tahmtahel wiyacsr inge ac fah kahsrwe kuht ahkkahlwemye ohiyen mwet tuhma lutlut lasr uh.3

Ke Ma Suhmuhslah uh

Jon 10:14–16; 3 Nephi 17:7, 9; Moroni 6:3–4

Ke Sramsram Mahtuh Lasr

Kuhlwacnsapuh sie sin sie kwacna pa yohk srihpac ke forfor luti uh. Ke kuhlwacnsap orek inge kuht us kuhlwacng ac akawucki ma yohk likina muhtwacta ke kais sie mahlwem uh. Luhngse lasr uh pa acwac uh.

“Kena luhk pa in ngihsre sin tahmtahel wiyacsr uh in tui tilac elyah ke sie pahng ke tacluhfon kuh sie muhtwacta ke kohtoh kuh mahlwem nuh kwewa uh,” Mary Ellen Smoot el fahk, prestuhn luhlahp ahksingucul tolu ke U luhn Muhtwacn in Kahsruh uh. El siyuck sesr in “lohacng yohkna nuh ke tuhfweyacn nguhna fuhsr uh.”4

Prestuhn Spencer W. Kimball (1895–1985) el luti, “Yohk srihpac tuh kuht in kuhlwacnsapuh sie sin sie ke tohkohsrahi uh.” Tuh el akihlen lah tiac kuhlwacnsap nuh kwewa enenuh in yohk. “Puhs pacl, mukwikwi in kuhlwacnsap lasr uh oreklac ke ahkkweye fihsrwacsr kuh ke sang … kahsruh ke orekma fal uh,” el fahk, “tuhsruhk mwacta wolacna fuhkah kuh in tuhkuh … ke orekma srihk tuhsruhktuh sollac uh!”5

© 2012 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/11. Ahkkweyeyucklac ke lweng: 6/11. Lwenglah luhn Visiting Teaching Message, September 2012. Kosraean. 10369 868

Mwe kahsruh

  1. Thomas S. Monson, “What Have I Done for Someone Today?” Liahona, Nohfohmpuh 2009, 85.

  2. Liye Handbook 2: Administering the Church (2010), 9.5.1.

  3. Liye Handbook 2, 9.5.4.

  4. Mary Ellen Smoot, ke Daughters in My Kingdom: The History and Work of Relief Society (2011), 117.

  5. Teachings of Presidents of the Church: Spencer W. Kimball (2006), 82.

Meac Nga Kuh In Oruh Uh?

  1. Yac nga suk mokleyuck luhk sifacna in etuh ohiyacn top nuh ke enenuh ke ma luhn nguhn ac mahno luhn kais sie tahmtahel kuneyucki nuh sihk in karihngihn uh?

  2. Tahmtahel nga karihngihn uh etuh fuhkah lah nga luhngse elos ac sucu lalos uh?

Print