Annak

Mangyeg iti Ragsak ti Pammakawan

Isursuro ni Presidente Uchtdorf a nasken a pakawanentayo dagiti miembro ti pamiliatayo. Kitaen no kasano nga aringan dagiti pili da Jose ken Ana ti pamiliada.

Agay-ayam ni Jose ken ti bassit nga adingna a ni Ana. Inagaw ni Ana ti abalbalay ni Jose. Ania ti nasken nga aramiden ni Jose?

Gumura ni Jose ken ni Ana. Agsangit ni Ana. Disiplinaen ti inana ni Jose gapu iti pannakiapana iti adingna a babai. Agladingit ni Jose ta nakaaramid iti saan nasayaat a pili.

Pakawanen ni Jose ni Ana ket mangbirok iti sabali nga abalbalay nga ay-ayamenna. Agkaduada nga agay-ayam a siraragsak. Maragsakan ti inada ta nasayaat ni Jose iti adingna a babai ken napagtalinaedna ti talna iti pamilia. Maragsakan ni Jose gapu ta pinilina ti mamakawan.

Idi agangay, kasapulan a tulongan da Jose ken Ana ti inada a mangisagana iti pangmalem. Saan a tumulong ni Jose. Ania ti nasken nga aramiden ni Ana?

Agreklamo ni Ana iti inana. Agkedked ni Ana a mangaramid iti trabaho nga is-isuna. Iti panangmalem saan a naragsak ti tunggal maysa gapu iti sinnuppiat.

Pakawanen ni Ana ni Jose ket tumulong iti panangmalem. Agyaman ti inada iti tulong ni Ana. Naragsak ti pamilia iti panagkakaduada iti panangmalem. Nasayaat ti rikna ni Ana ta pinilina ti mamakawan.

Kasano nga aringan dagiti piliyo a mamakawan ti panagragsak ti pamiliayo?