2012
An Feffin Chon Amwa, eu Angangen Manau Ese Much
December 2012

Poraus seni Fefin Chon Amwa, December 2012

An Feffin Chon Amwa, eu Angangen Manau Ese Much

Kopwe anneani ekkei mettoch iwe, nupwen mi och, kopwe aporausa ren ekkewe fefin ka churir. Kopwe aea ekkewe kapas eis ne anisuk ne apochokuna ekkewe fefin ka churir me pwan aochu manauom ren aean Fin Anisi.

Apungan Fin Anisi

Nuku, Famini, Aninis

Angangen afanafan me amwa a awora ngeni fefin ewe tufichin tutumunu, apochokuna, me aiti emon me emon—mi ennet pwe ei angang, eu angangen manua ese much. Me ren angangen afanafan me amwa, ekkewe fefin ra angang fan iten ewe Chon Amanau me anisi fefin ren ar repwe ammonata ren efeiochun manau ese much.

Wisach ach sipwe esinei mettoch mi efeiengau, pesei, me aiti me tungor ekkewe ekkoch ar repwe feito ren Kraist (Nengeni: D&C 20:59, usun ewe Samon a apasa non an pwarata, anon Preseten Spencer W. Kimball (1895–1985). Ina minne, a apasa, “Om kapasen pwarata eu tufichin sinei om nuku.”1

Nupwen sia anapano ach sinei usun ewe kapas allim, ach kapasen pwarata a pochokununo me a anisi pwich kewe ir mi ammonata ren ar repwe papatais me epinano ngeni ewe Ngun mi Fel. Sia anisi ekkewe chon ach mwichefen minafo ren ar repwe wesen pochokun non ewe kapas allim. Ach sia churir me ach tong a anisi ach achocho ne “wineni seffani ekkewe mi apwangapwang me apwichieta netipen ekkewe ra patapateno non ewe kapas allim.”2 Sia pwan auroura pwich kewe ar repwe feito ren Kraist me ren ar repwe fifiti tempel.

“Oua feino ne amanaua ngunun aramas,” anon Preseten Kimball ngeni an fefin chon amwa,” ion epwe tongeni apasa me nukun ekkewe aramas non ei Mwichefen ir mi pochokun pokiten ami feino rer non imwer me akuna ngenir eu ann minafö, eu minafö anean. Oua akuna ngenir mettoch mi auchea. Oua anagatama ar tufichin kuna. …

“Nengeni, kese chok amanaua ekkei fefin nge menni ka pwan fen amanau punuer kewe pwan tori imwer kewe.”3

Seni ekkewe Pukfel

Mesa Doctrine and Covenants 20:59; 84:106; 138:56

Seni Ach Uruo

Nupwen ewe Soufos Joseph Smith a awora ewe mwichen Fin Anisi, a pwan apasa pwe wisen fefin esap tutumunu ekkewe ir mi osupwang chok nge repwe pwan amanaua aramas non pekin ngun. A pwan aitikich pwe wisen fefin non ewe Mwichefen mi fakkun auchea non an Semach won Nang kokkotun manau ese much.4 Me ren ach kapasen emwen seni ewe Soufos Joseph Smith, kich pwipwi non ach mwichen Fin Anisi sipwe angangfengen ne anisi ekkewe ekkoch fefin me ar kewe famini ren ar repwe ammonata ren an Kot kewe feioch mi nap.

“Sipwe tongofengen,” anon Preseten Brigham Young (1801–77), “sipwe pwan mut ngeni [ekkewe ir mi] pochokun ar repwe ateneki ekkewe ir mi apwapwang ar repwe pwan pochokun, me mut ngeni ekkewe ir mi tongeni kuna ar repwe emweni ekkewe ir mi chuun tori fansoun repwe tongeni pwisin kuna ewe ann.”5

© 2012 seni Intellectual Reserve, Inc. Meinisin pung mi kawor. A for non Merika. Kapungunon non fosun Merika: 6/11. Kapungunon chiakun: 6/11. Chiakun Visiting Teaching Message, December 2012. Chuukese. 10372 901

Esinesin

  1. Spencer W. Kimball, non Daughters in My Kingdom: The History and Work of Relief Society (2011), 116.

  2. Eliza R. Snow, non Daughters in My Kingdom, 83.

  3. Spencer W. Kimball, non Daughters in My Kingdom,117.

  4. Nengeni Joseph Smith, non Daughters in My Kingdom,171–72.

  5. Brigham Young, non Daughters in My Kingdom,107.

Met Ua Tongeni Fori?

  1. Ifa ussun ewe mwichen Fin Anisi a tongeni ammonataei ren ekkewe feiochun manau ese much?

  2. Met upwe tongeni fori ren ai upwe apochokuna ewe nuku an ekkewe ir ua wisen tutumunu?