iVaqa ni Veisiko, Tiseba 2012
Siko Vuvale, e dua na Cakacaka ni Veivakabulai
Wilika ka masulaka na itukutuku oqo, ke gadrevi, mo veivosakitaka kei ira na marama o sikova. Vakayagataka na taro me vukei iko mo vaqaqacotaki ira kina na marama oqo me yaco na iSoqosoqo ni Veivukei me dua na tiki bulabula ni nomu bula vakai iko.
Vakabauta, Matavuvale, Veivukei
Na siko vuvale e solia vei ira na marama na madgi me ra raica matua, veivakaukauwataki, ka veivakatavulici vakai ira—e sa dua dina na cakacaka ni veivakabulai. Mai na siko vuvale, era sa veiqaravi na marama ena vuku ni iVakabula ka vukea nodra vakavakarau na marama me baleta na veivakalougatataki ni bula tawamudu.
“Me da ‘na vakasalataka, vakavulica, tubera, vunauca; ka sureta [na tamata kece ga] me ra lako vua na Karisito’ (V & V 20:59), me vaka a kaya na Turaga ena nona ivakatakila,” kaya o Peresitedi Spencer W. Kimball (1895–1985). Toso tale, a kaya, “Na nomu ivakadnadina e sa dua na itukutuku kaukauwa sara.”1
Ni da vakalevutaka na noda kila-ka oi keda na dausiko-vuvale ena dina ni kosipeli, ena vaqaqacotaki na noda ivakadinadina meda tokoni ira na marama era sa vakavakarau tiko me ra papitaiso ka vakadeitaki. Meda vukei ira na lewenilotu vou me ra na dei ena kosipeli. Na noda veisiko kei na loloma e vukea “nodra suka lesu mai o ira era sa lakosese tu [ka] vakatakatara na lomadra o ira era sa batabata tu ena kosipeli.2 Ka da vakauqeti ira na marama me ra lako mai vei Karisito ena curumi ni valetabu.
“O ni na vakabula na yalo,” kaya o Peresitedi Kimball kivei ira na dausiko vuvale, “o cei e rawa me tukuna ia e lewe vuqa na tamata bulabula vinaka ena Lotu nikua era bulabula baleta na nomuni a tiko ena nodra vale ka solia vei ira e dua na raiyawa vou, e dua na raivotu. O dreta lesu na ilatilati. O vakatetea na nodra vunilagi. …
“Sa raica, o sega wale ga ni vakabulai ira na marama oqo, ia e rairai o ira tale ga na turaga watidra kei na nodra vuvale.”3
Mai na iVolanikalou
Mai na Keda iTukutuku Makawa
Ena nona tauyavutaka na iSoqosoqo ni Veivukei na Parofita o Josefa Simici, a kaya ni o ira na marama era sega walega ni qaravi ira na dravudravua ia me ra vakabula yalo talega. A vakatavulica talega ni o ira na marama ena Lotu era qarava na itavi yaga ena yavu ni veivakabulai nei Tamada Vakalomalagi.4 Dusimaki mai na ivakavuvuli ka vakatavulica na Parofita o Josefa Simici, o keda na marama ena iSoqosoqo ni Veivukei e rawa meda cakacaka vata ka vakarautaki ira na marama kei na nodra matavuvale me baleta na veivakalougatataki cecere duadua ni Kalou.
“Meda veilomani vakataki keda,” kaya o Peresitedi Brigham Young (1801–77), “ka laivi [ira era] kaukauwa me ra qaravi ira vakavinaka na malumalumu me ra kaukauwa mai, ia ko ira na rai me ra tuberi ira na mataboko me yacova ni ni ra sa raica vakataki ira na sala.”5
© 2012 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me Vakavalagi: 6/11. Vakadonui me vakadewa: 6/11. Vakadewa ni Visiting Teaching Message, Tiseba 2012. Fijian. 10372 858