Ennaan an Jerbal in Loļo̧k an Kōrā, Tijemba 2012
Jerbal in Loļo̧k an Kōrā, juon Jerbal in Lo̧mo̧o̧r
Lukkuun jar im ekkatak kōn kein katak in im, n̄e ekkar, ekōnono kake ippān jejtōr ro kom̧ij loļo̧k. Kōjerbal kajjitōk ko n̄an jipan̄ eok kōkajoorļo̧k jejtōr ro am̧ im n̄an kōm̧m̧an bwe Doulul eo an Kōrā en m̧ōttan eo emourur tata ilo mour eo am̧i make.
Tōmak • Baam̧le • Deeor
Jerbal in loļo̧k an kōrā ej leļo̧k n̄an kōrā ro iien em̧m̧an n̄an mije, kōkajoorļo̧k, im katakin doon—em̧ool ej juon jerbal in lo̧mo̧o̧r. Kōn jerbal in loļo̧k an kōrā, sister ro rej rikwaļo̧k ilo etan Rilo̧mo̧o̧r eo im jipan̄ kōrā ro n̄an kōjeram̧m̧an ko an mour indeeo.
“Jej ‘n̄an kakkōl, tipdiki, kōketak, im katakin, im karuwainene tok [ro jet] n̄an itok n̄an Kraist’ (D&C 20:59), āinwōt an Irooj kar ba ilo revelesōn ko an,” Būreejtōn Spencer W. Kimball (1895–1985). Eļapļo̧k, eaar ba, “Naan in kam̧ool eo am̧ ej juon wāween n̄an letok letak ennaan.”1
N̄e jej āinwōt rūkaki in loļo̧k ro an kōrā kōļāpļo̧k jeļāļo̧kjeņ eo ad kōn m̧ool ko an gospel eo, naan in kam̧ool ko ad rej kajoorļo̧k im rejtake sister ro me rej m̧aanjabpopo n̄an peptaij im kapen. Jej jipan̄ ro uwaan rekāāl erom liok titpok ilo gospel eo. Loļo̧k ko im iakwe eo ad ejipan̄ “kōrool tok ro me raar jebwābwe [im] kōmeņeņļo̧k bōro ko an ro me raar m̧ōļo ļo̧k ilo gospel eo.”2 Im jej kōketak sister ro n̄an itok n̄an Kraist kōn pād ilo tampeļ.
“Kom̧ naaj lo̧mo̧o̧ren jetōb ko,” Būreejtōn Kimball eaar ba n̄an rūkaki in loļo̧k ro an kōrā, “im wōn emaron̄ ba bōtaab ro armej ro rem̧m̧an rellōn̄ ilo Kabun̄ in rainin reniknik kōnke kwar pād ilo kapijuknen ko aer im kar leļo̧k n̄an er juon erreim̧anļo̧k ekāāl, juon kōļmenļo̧kjen ekāāl. Kwar kwaļo̧k n̄an er men ko rejaje. Kwar kaitokļo̧k peļaak ko aer. …
“Kwoj lo, kwojjab wōt lo̧mo̧o̧ren sister rein, ak em̧ool barāinwōt ļōm̧aro pāleer im kapijuknen ko aer.”3
Jān Jeje ko Rekwojarjar
Jān Bwebwenato eo Ad
Ke Rikanaan Joseph Smith eaar kajutak Doulul eo an Kōrā, eaar ba bwe kōrā ro raar jab wōt n̄an kōjparok rijeram̧ōl ak barāinwōt n̄an lo̧mo̧o̧ren jetōb ko. Eaar barāinwōt katakin bwe kōrā ro ilo Kabun̄ in rej jerbali eddo ko raorōk ilo karōk in lo̧mo̧o̧r eo an Jemedwōj Ilan̄.4 Kar tōl jān pedped ko kar katakin jān Rikanaan Joseph Smith, kōj āinwōt sister ro ilo Doulul eo an Kōrā remaron̄ jerbal ippān doon n̄an kōpooj kōrā ro im baam̧le ko aer n̄an kōjeram̧m̧an ko reļļapļo̧k an Anij.
“Kōm̧m̧an bwe en wōr ad tenkwadik ioon doon,” Būreejtōn Brigham Young eaar ba (1801–77), “im kōm̧m̧an bwe [ro me] rekajoor ren kōjparok ilo iakwe ro rem̧ōjņo̧ n̄an kōkajoorļo̧k, im kōm̧m̧an bwe ro remaron̄ lo ren tōl ro repilo m̧ae iien remaron̄ lo iaļ eo kōn er make.”5
© 2012 jen Intellectual Reserve, Inc. Aolep jim̧we ko rej pād ippān. Kar jeje ilo Amedka. Kōmālim kajin English: 6/11. Kōmālim ukook eo: 6/11. Ukook eo an Visiting Teaching Message, December 2012. Marshallese. 10372 874
Ta Eo Imaron̄ Kōm̧m̧ane?
-
Ekōjkan an Doulul eo an Kōrā kōpooj eō n̄an kōjeram̧m̧an ko an mour indeeo?
-
Ta eo imaron̄ kōm̧m̧ane n̄an kōļapļo̧k tōmak eo an ro Ij mije er?