Ennaan eo an Būreejtōnji eo Kein Kajuon, Tijem̧ba 2012
Bar lo Jetōb in Kūrijm̧ōj
Iiō ko ļo̧k āinwōt juon elder edik, kar kūr eō ippān ro jet n̄an juon im̧ōn taktō ilo Salt Lake City n̄an leļo̧k kōjeram̧m̧an ko n̄an ajri ro renan̄inmej. Ke kōm̧ kar deļo̧n̄ļo̧k, kōm kar lo juon wōjke in Kūrijm̧ōj kōn tōm̧a ko remeram im em̧m̧an im kar lo pakij ko kar kanooj kalbubuiki ium̧win ra ko raan rerakrak. Innām kōm kar ilo̧k ilo hallway ko ijo ļaddik im leddik ro reddik—jet kōn korak ko ioon peier ak neer, jet kōn nan̄inmej ko me em̧ool remaron̄ kar m̧ōkaj kemouri—kar karuwaineneik kōm kōn māj ko rettōn̄ dikdik.
Juon ļaddik, edik elukkuun nan̄inmej kar kūr ļo̧k eō, “Etan āt eo etam̧?”
Iaar jiron̄ļo̧k e āt eo eta, im eaar kajjitōk, “Komaron̄ ke letok n̄an eō juon kōjeram̧m̧an?”
Kōjeram̧m̧an eo kar leļo̧k, im ke kōm kar oktakļo̧k n̄an em̧m̧akūt jān turin jikin kiki eo an, eaar ba, “Kom̧ kanooj in em̧ool tata.”
Kōm kar etetal jet bun̄tōn nee, innām iaar ron̄ an ikkūr, “O, Būratōr Monson, meri Kūrijm̧ōj n̄an kwe.” Innām juon ettōn̄ dikdik eaar waļo̧k aolepān paotokin.
Ļaddik jab in eaar wōr an jetōb in Kūrijm̧ōj. Jetōb in Kūrijm̧ōj ej juon men Ij kōjatdikdik aolepād wōj naaj wōr ilo būruwōd im mour ko ad—ejjab wōt ilo season in wōt ak barāinwōt ilo aolepān iiō eo.
N̄e ewōr ippād jetōb in Kūrijm̧ōj, jej kememej E eo ļotak eo an jej kememe ilo season in an juon iiō: “Bwe rainin e ļotak n̄an kom̧ ilo jikin kweilo̧k an Devid, Ri Lo̧mo̧o̧r, e Kraist Irooj” (Luk 2:11).
Ilo tōre in ad jetōb in leļo̧k menin leļo̧k ko ej juon men eļap ilo kememej season in Kūrijm̧ōj. Ij ļōmņak eļan̄n̄e jemaron̄ jeram̧m̧an jān kajjitōk ippād make, Ta menin leļo̧k ko Irooj enaaj kar kōm̧m̧an bwe in leļo̧k n̄an E ak n̄an ro jet ilo season in aorōk an iiō?
Imaron̄ ke kwaļo̧k bwe Jemedwōj Ilan̄ ekōņaan bwe kajjojo iaad en leļo̧k n̄an E im n̄an Nejin menin leļo̧k eo an pokake. Ij barāinwōt en̄jake bwe E enaaj kajjitōk ippād n̄an leļo̧k kōj make im jab ļōmņak kōn kōj make ak arōk ak pen m̧weien, āinwōt An eo Nejin kwaļo̧k ilo Bok in Mormon:
“Bwe em̧ool, em̧ool Ij ba n̄an kom̧, eo ewōr jetōb in jum̧ae ilo e ejjab jān Eō, ak ej jān devil, eo ej … pukwoj būruōn armej n̄an aitwerōk kōn illu, ippān doon.
“Lo, en̄in ej jab Aō unleplep in katak, n̄an pukwōj būruōn armej kōn illu, ippān doon; a en̄in ej unleplep in katak eo Aō, bwe men rot kein rej aikuj jako” (3 Nipai 11:29–30).
Ilo tarlepin tōre in bōk eddo in iien ko in ekabwilōn̄lōn̄, iien ko ad rem̧m̧an n̄an iakwe im ajeļo̧k kōj make rej ilo m̧ool ejjeļo̧k jem̧ļo̧kier, ak rej barāinwōt jab waļo̧k iien otemjeļo̧k. Rainin ewōr bōro ko n̄an kam̧ōņōņōik, naan ko rejouj n̄an ba, jerbal ko n̄an kadedeļo̧k, im jetōb ko n̄an lo̧mo̧o̧ren.
Juon eo me ekajoor ilo kalimjōkļo̧k jetōb in Kūrijm̧ōj eaar je:
N̄aij Jetōb in Kūrijm̧ōj—
Ij deļo̧n̄ ilo kapijuknen an rijerata, kōm̧m̧an bwe meram iturin mejān ajri ro n̄an lukkuun peļļo̧k, ilo bwilōn̄ ejouj.
Ij kōm̧m̧an bwe pein riarōk eo ekilōk n̄an peļļo̧k im kōn menin unoik juon jikin emeram ilo jetōb eo an.
Iaar kōm̧m̧an bwe armej ro erūtto en bar kōkāāl jodikdik eo aer im n̄an ettōn̄ ilo wāween ko an rūtto.
Ij dāpij wōt iakwe emour ilo bōro eo an juon ajri, im kōmeram ļo̧k kiki kōn ettōn̄ak ko rem̧m̧an.
Ij kōm̧m̧an bwe nee ko repojak n̄an leļo̧k jipan̄, likūt itulik bōro ko rebwilōn̄ ilo em̧m̧an ko an laļ in.
Ij kōm̧m̧an bwe nejin eo ejerwaan n̄an bōjrak jidik ilo an jebwābwe, iaļ eo an ejej tokjān im jilkinļo̧k jet men n̄an juon eo eļap iakwe me kwaļo̧k kemejaaļaļ in m̧ōņōņō—kemejaaļaļ ko me karreoik ļo̧k jekjek ko reppen an būrom̧ōj.
Ij deļo̧n̄ ļo̧k ilo ruum̧ ko an jikin kalbuuj emarok, kakememej em̧m̧aan ro rejorrāān kōn ta emaron̄ in kar im jitōn̄ļo̧k raan ko rem̧m̧an rej itok wōt.
Ij itok ilo meeoeo n̄an lowaan ineem̧m̧an, kapijuknen eo emouj kōn metak, im tie ko me relukkuun m̧ōjņo̧ n̄an kōnono rej udidddid ilo ikōn̄, kam̧oolol eļap.
Ilo taujin wāween ko, Ij kōm̧m̧an bwe laļ in em̧ōk n̄an reilo̧k n̄an mejān Anij, im n̄an jidik iien meļo̧kļo̧k men ko me reddik im waan.
N̄aij Jetōb in Kūrijm̧ōj.1
Kōm̧m̧an bwe kōj kajjojo en lo juon jetōb in Kūrijm̧ōj ekāāl—em̧ool Jetōb an Kraist
© 2012 jen Intellectual Reserve, Inc. Aolep jim̧we ko rej pād ippān. Kar jeje ilo Amedka. Kōmālim kajin English: 6/11. Kōmālim ukook eo: 6/11. Ukook eo an First Presidency Message, December 2012. Marshallese. 10372 874
Katakin jān Ennaan In
Ilo am̧ kwaļo̧k ennaan eo an Būreejtōn Monson ippān baam̧le eo, ļōmņak in āliji kajjitōk eo eaar kajjitōk kake kōn ta menin leļo̧k ko Irooj enaaj kar kōm̧m̧an bwe jān leļo̧k n̄an E ak n̄an ro jet ilo season in. Kōketak ro uwaan baam̧le eo n̄an ļo̧o̧ke kōļmenļo̧kjeņ ko im ļōmņak ko aer (ak, n̄an ajri ro reddik, n̄an jin̄aik juon pija) kōn ekōjkan n̄an “lo juon jetōb in Kūrijm̧ōj ekāāl—em̧ool Jetōb an Kraist.”