Fal’ Yangren

Motoyil ko pi Ayuw

Rok María Isabel Molina

Reb e nep e cousin rog ke mil’ ko tabinaew rok, ere kug papaynigeg ni ngu pir’eg. Nap’an kug waen u karo, kug meybil mug pinning e ayuw ko fare Ya’el. Gumanang ni Got ra fulweg me powiy’nigeg, mug gay rogon ningu motoyil ko ayuw ku en Ya’el. Machane nap’an dabiyog ningu rung’ag ban’en, kug tabab ningu magaf’aen mug thamiy dabki ayuwegeg e Ya’el.

Guba’adag ningu waen nib palog ningu piry’eg, machane Kug thamiy sna bay Gu soen ulane e binaw u to’oben e tabinaw ko cousin rog. Ere Kug me’leg ningu waen u karo u binaw nem ta’areb e yay. Nap’an kug taw ko reb intersection e kanawo’, Kug guy chi pinn ni ke yaen u but’. Kug piriyeg e cousin rog!

Nap’an kug chuw ko karo mug mil ngak, Kug nang fan ni fare Ya’el e ke powiy’nigeg ni ke pinning e thamiy ngog ningu soen ulane fare binaw nem. Bachan kug motoyil ko lem nib achigchig, Ke chugur ni dabgu motoyil ko e chilen rok en Ya’el. Kug nang fan ni yo’or e yay dabra rung’aged e lam, machane rayog ningaed thamiyed ulane gum’racha’dad.

Kug pinning e magar ko powiy’ ku en Ya’el. Nib Riyul’ Irma paer rodad! Woed ke yoeg e Scripture, “Fare Kan ni Thothup i’ir e fagar rom ko manemus” (D&C 121:46).

Fa’anra kam mat’aw ko ayuw ku en Ya’el ngam tiyaen’num, ram manged e talin u pa’ Got ningam gagyeg fel’ wa’athan bo’or e gidii’. Udakaen e ayuw ko fare Ya’el, rayog ningad nanged bin rogon ningad folgad riy’.