Mulwol ko Bin ’’Somm’on e Presidency, January 2013
Laman en Somoel
Fare Doctrine nge Covenants ma pinning urngin e gidii’ u gubin fen ningar motoyilgad ko e lam ku en Somoel i Yesus Kristus (mu guy D&C 1:2, 4, 11, 34;25:16). Kan sug ko e mulwol Rok, koel chiya’, nge fel’ ayuw ni kan pii’ udakaen e thogthog ngak fapi Profet kan me’leg. Ulane fapi yi’iy nem rayog ningad nanged fan urogon Got ra fulweg e meybil ko mich udakaen e mulwol ko gagyeg, gapas, nge koel chiya’.
Nap’an e meybil rodad ngad gayed rogon ningad nanged e tin Got ba’adag ningad rin’ed, mang e ngad rin’ed ningad piry’eg e gapas nge faflaen’ nap’an e yafas ney nge bin magid ni bay yib, nge tin nibe yib ngodad. Fare Doctrine nge Covenants e kan sug ko urngin e fulweg ko fapi duwer ni kan fith e gidii’ nib fel’ nge fapi profet nap’an e meybil nib sobut’aen. I’ir e tapowiy’ ni ga’ puluwaen ninge fil ngodad urrogon ningad athapeg e fulweg ko pi duwer ni marung’agen e wa’athdad ko biney e fayleng nge e thapeg ko manemus.
Sobutaen’ nge mich i yow e kiy ko en Somoel i Yesus Kristus. Oliver Cowdery e ke thapeg e fulweg ku en Somoel ni marung’agen e a’dag ninge ayuweg ko muruwel ni piliyeg fare Babyor ku Mormon: “Mu tafnay nang ni fa’anra dariy’ e mich dabiyog ningam rin’ed ba’nen; aram fan mu fith udakaen e mich. Dam wagey ko pin’ney; dam fith ko e tin i kan dibchay ngom” (D&C 8:10).
Bayay nge bayay ulane fare Doctrine nge Covenants, en Somoel be fith ko e mich nge sobut’aen’ ou’moon ira pii’ ayuw Rok. Reb e fan ko fare’nem ni bachan e fulweg Rok darma yib urrogon woed i gadadra lemnog. Nge rib mom’aw ni nge mich u wandad riy’.
Chepan ko Galasia nge tin ko likngin e gal’ rodad e ba yip fan e tin riyul’ ney. E tituw ko tituw rok i Henry Eyring ke meybil nib polo’ ninge nang mang ira rin’ nap’an ke run’ag marun’agen fare gospel nikan sulweg nap’an e 1855. En fulweg riy’ e ke yib nap’an e lik’ay.
Ke lik’ay ni ke paer u chiya’ u tebel ko Elder Erastus Snow ko Ulung ko fare Ragag nge La’agruwi Apostle nge reb e elder ni fithingan William Brown. Elder Snow ke fil e likngin e gospel niwad nike pag reb e awa. Tomuren Elder Snow ke yog, “Udakaen e fithingan i Yesus Kristus gube motochiyal nigem ningam tawfe nage cha’ney [Elder Brown] … ra tawfenigem.”1 E tabinaew rog e kar magaeraen’raed ngak Henry Eyring ni bay e mich nge sobutaen’ rok ninge tawfe u 7:30 u kakadabul ulane gi rran u St. Louis, Missouri, USA, ko Elder Brown.
E fulweg ko meybil rok e dani yib ko lingan laman ko en Somoel. Ke yib udakaen e lik’ay nap’an e nep, woed ke buch ngak Lehi (mu guy 1 Nephi 8:2).
En Somoel ke fil ni e fulweg rayog ninge yib udakaen e tham tham. Ulane e Doctrine nge Covenants, Ke fil ngak Oliver Cowdery, “Musap gaed, Bay gu non ngom u tafney rom nge ulane gum’racha’em, udakaen e Kan ni Thothup, ni ra yib nga dakaenem nira paer ulane gum’racha’em” (D&C 8:2).
Me pining e ayuw ngak Oliver ni aray rogon: “Kug non e gapas ngak e tafney rom marung’agen pinn’ey? Bay reb fel’ e micheg rayog ningam athapeg ku Got?” (D&C 6:23).
Fare Doctrine nge Covenants, faram ko Galasia, nge tin ni kan yoloey Henry Eyring nap’an e mission rok tomuren e tawfe rok e ke fil ngog ni e fulweg ra yib woed e koel chiya’ nge e gapas.
Nap’an e April 1857, Elder Parley P. Pratt ko fare Ulung ko fare Ragag nge La’agruwi Apostle ke un ko mo’olung ulane Oklahoma, USA. Henry Eyring ke yoloey marunga’gen Elder Pratt “tafney e kan sug ko kireb ko tin ni bay yib … , dabiyog ninge nang fan e tin ni bay yib fa e rogon ninge chuw riy’ ma yan.”2 Henry e kan fapi thin nem tomuren ke yim’ fare Apostle. Elder Pratt ke yaen nga milekag rok dariy’ fan e thamtham ko chiya’, woed fare Profet Joseph e ke yaen nge Carthage.
I’ir e mich rog ni en Somoel ma fulweg e meybil nib sobutaen’ ko mich. Fare Doctrine nge Covenants nge e tin ni ke buch rodad ma fil ngodad urrogon ningad nanged fan fapi fulweg nge fol udakaen e mich, fa’anra udakaen e ayuw rok, rayog ko tin riyul’, fa e koel chiya’. Gube meybil ni gadadra motoyil magdad nanged fan laman nib t’ufeg ko en Somoel.
© 2013 ko Intellectual Reserve, Inc. Gubin ni mat’won ma bay. Kan yoloey u Merika Kan micheg nag ko thin nu Ngalis: 6/12. Micheg nag i pilyeg: 6/12. Ni pilyeg ko First Presidency Message, January 2013. Yapese. 10661 905
Rogon ni ngan Fil ko Biney e Mulwol
1. Mu lemnog ningam biy’eg uta’abang bochi guruy marung’agen e meybil ko bineye mulwol. Nap’an ngam biy’eg, mu fith urngin e chongin tabinaew ningar motoygilgaed ko urrogon Got ra fulweg e meybil. Mu lemnog ningam pii’ e micheg marung’agen mang fan e meybil i’ir e ba ga’fan.
2. Fare Doctrine nge Covenants e kan sug ko fulweg ko duwer ni kan fith e gidii’ udakaen e meybil. Mang ra buch fa’anra dabki yoloey e fulweg (ko yi’iy) ulane babyor? Ayuweg e tabinaew ningar filed mar nanged fan man fol ko ayuw ko Ya’el. Sana yaedra adag ningar yoloeyed e lem roraed marunga’gen e meybil ulane journal roraed.