Poraus seni Fefin Chon Amwa, January 2013

Angangen Misineri

Kopwe anneani ekkei mettoch iwe, nupwen mi och, kopwe aporausa ren ekkewe fefin ka churir. Kopwe aea ekkewe kapas eis ne anisuk ne apochokuna ekkewe fefin ka churir me pwan aochu manauom ren aean Fin Anisi. Ren pwan ekkis poraus, kopwe nengeni reliefsociety.lds.org.

Sasing

Apungan Fin Anisi

Nuku, Famini, Aninis

Souneng ir mi titino non fansoun ewe Samon ne angang non An atake faniten ewe manau ese much an aramas meinisin (nengeni D&C 138:56. Ese namwot ach sipwe wesewesen angei kokko ne fori angangen misineri ne aporausa ewe kapas allim. Ekkewe ir manauer repwe feioch ren ewe kapas allim ra pwennikicheno, iwe nupwen sia ammonakicheta, ewe Samon epwe nounou kich. Fefin chon amwa ra tongeni pwapwaiti wiser non pekin ngun me awora aninis ne esenipato ewe manausefanin me manau ese much an aramas meinisin (nengeni Moses 1:39).

Nupwen ewe Soufos Joseph Smith a efisata ewe mwichen Fin Anisi non 1842, a era pwe ekkewe fefin resap chok tumunu ekkewe mi woungaw nge repwe pwan amanaua aramas.¹ Iei mi chuen ach popun.

Preseten Dieter F. Uchtdorf, Oruan Chon Aninis non ewe Aewin Presetensi, a apasa, “Ewe Samon … epwe efeiochu ekkoch ren eu kapasen pwaratan ewe ennet ika repwe aporausa ngeni pwan ekkoch. ‘Ewe Samon a pwan mochen kich chon An Mwichefen mi ‘niwinsefanito ach sipwe suki awach non fansoun meisinin me aporausa An kapas allim ren pwapwa’ (nengeni D&C 28:16). … Fan ekkoch fitu chok kapasen pwarata ra tongeni efisi och mettoch repwe efeiochu manauen emon ren fansoun ese much.”²

Seni ekkewe Pukfel

Nengeni Doctrine and Covenants 1:20–23; 18:15; 123:12

Seni Ach Uruo

Ewe porausen Olga Kovářová i seni Czechoslovakia mi eu nenien appiru usun angangen misineri seni ach uruon Fin Anisi. Non 1970, Olga i emon chon sukkunap me a men mochen manaueni eu manau mi watte pekin ngun. A kuna emon a 75 ierin itan Otakar Vojkůvka, pwan i emon chon ei Mwichenfen. “Napanapan inisin mi fich ngeni emon a fik me nimu ierin nge netipan a usun nge ita a engon me wanu o a uren pwapwa,” a era.“Ei sokkun napanap a men sokkono nein chon Czechoslovakia non ena fansoun mi uren nukumang.”

Olga a eisini Otakar me chon an famini ifa usun ra kuna pwapwa. Ra uwei ne kapwong ngeni pwan ekkoch chon Mwichefen o ra ngeni i echo Puken Mormon. A men pwapwa ne anneani iwe a muttir ne papatais o epinano ngeni ewe Ngun mi Fel. Seni ena fansoun Olga i emon chon efisi angangen murinno non eu fonufan mi uren riaffou me esit seni aramas me mu. A angang non wisen presetenin Fin Anisi non an we pranch mi kukkun me a pwan aninis ne amanaua ngunun ekkoch seni an uweireto ngeni Kriast.³

Met Ua Tongeni Fori?

Ngang mi tapweno ekkewe memmefen ewe Ngun mi Fel nupwen ua aporausa ai kapasen pwarata ngeni pwi kewe ua churir?
Ifa usun ua anisi pwi kewe ua mamasa ne kaeo ewe kapas allim?

© 2013 seni Intellectual Reserve, Inc. Meinisin pung mi kawor. A för non Amerika. Kapungunon non fosun Merika: 6/12. Kapungunon chiakun: 6/12. Chiakun Visiting Teaching Message, January 2013. Chuukese. 10661 901