Mkparawa Iren ye Iban
Ndibuana ye Ufan
Usen kiet kini nkekpebde nkpo mbenge idem nno seminary class mi, Ami mma nnyene ata inem ye sanga-sanga ntuk. Kini Ami nkokotde mbanga ukpebnkpo eke idinyenede edem usen oro, Ami mma nkut okpo iso ufan mi ke ufoknwed ndien ndinyene okposong edikere nte ke Ami mkpebuana iko ntiense mi ye enye.
Okposuk edi nte ntuk emi eketimde osio owut, idem ama enyek mi. Ami mma nkere ke ufan mi ekeme ndisin iko mi, ke ntak emi edide koro enye ibietke oruk nkaiferi emi ekpenyenede udong ndiduk Ufok Abasi nnyin.
Ami mfiak nkere mbanga utingiko eke Sister Mary N. Cook eke ofuri mbuot Nkaiferi Iban emi enye eketemede nnyin ete isin ifik inam utom inyung inyene nsongo nda.1 Ami nkoyom nditie ntre, ndien Ami ndiwet leta nno nkaiferi emi nnyung nting iko ntiense mbanga oyoho akpaniko kabanga Ufok Abasi ye ima eke ami nnyenede nno Nwed Mormon. Edem usen oro Ami ke ndibe-ndibe nda Nwed Mormon kiet, ndiana ye leta mi oro, nsin ke ekpat esie.
Ke mkpaidem mi, ufan mi ama etim enyimme gospel emi. Otongode ke usen oro, enye enyene nditing nno mi mbanga mme nkpo eke enye ekekpebde nte enye okootde ke Nwed Mormon. Esesit urua ifang ke iso, Ami mma mmen enye nwut mme missionary. Ke ata usop-usop, enye ama obo ntuk oto ke Edisana Spirit ete ke mme nkpo emi enye ekpebde abanga edi akpaniko. Ami ye mme missionary ima itua eyet kini enye eketingde mme ekikere esie ono nnyin. Ibigheke, ufan mi ama oduok mmong, ndien mme ete ye eka esie edu ke mkpaidem ndikut mme ukpuhore ekedude ke uwem esie.
Ami mmenem esit nte Ami nkekemede ndikan mme ndik mi nnyung nnwam ndida iko Abasi nsin ke uwem esie.