2013
Ndikabare Esit ntiene Abasi
February 2013

Etop eke Visiting teaching, Ofiong Iba eke isua 2013

Ndikabare Esit ntiene Abasi

Bong akam kpeb nkpo emi ndien, nte odotde, nneme emi ye mme ndito eka iban emi mbufo ekesede mmo. Da mme mbume ndinwam fi osongo mme ndito eka iban mbufo idem nnyung nnam mboho Nka Iban enyene eti idaha ke uwem mbufo. Ke oyomde ndifiok awak, ka ke reliefsociety.lds.org.

Idiongo Nka Iban

Mbuotidem, Ufok idung, Unwam

Mme mbufa ndito eka iban ke Ufok Abasi —adiana ye Nkaiferi Iban ekedukde Nka Iban, ndito eka iban eke efiakde edi Ufok Abasi, ye mme mbufa owo —eyom unwam ye nsanga ufan eke mme visiting teacher. “Unwana eke mbio nnyin esinde edi ata akpan nkpo ono mbufa owo ndidu ke Ufok Abasi onyung anam mbio mfiak edem efiak edi Ufok Abasi”, Elder M. Russell Ballard eke Eboho Mme Duopeba eketing oro “Nnyene nkukit ete ke Nka Iban Ufok Abasi… ekeme ndikabare [ndi kiet] ke otu mme usung ndibuana nsongo kiet eken idem eke nnyin inyenede mi ke Ufok Abasi. Bak yom mbio emi ema ekekpeb mmo iko Abasi enyung enyimme ndien mma mmo da di sin ke Ufok Abasi to ke nka mbufo.”1

Nte mme mbio Nka Iban Ufok Abasi, nnyin imekeme ndinwam mbufa owo ekpeb mme akpan ido eke Ufok Abasi, nte:

  • Ndino uting iko.

  • Nditing iko ntiense.

  • Ndinim mbet eke utre udia.

  • Ndikpe oyoho mbak duop ye mme eno eken.

  • Ndibuana nnam utom mbuk- eset eke ufok idung.

  • Ndiduok mmong ye ndibo ndot ubok nno mbio mmo emi ekekpa.

“Oyom mme ufan eketimde ese enyen ndinwam man mme mbufa owo ekop inem enyung enyene nsongo nda ke Ufok Abasi.” Elder Ballard eketing ntre.2 Kpukpru nnyin, edi akpan-akpan mme visiting teacher, enyene akamba ubiong utom ndinam ufan ye mme mbufa owo ke ufok Abasi man oro anwam mmo ndisongo “nkabare esit ntiene Abasi” (Alma 23:6).

Emi oto ke mme Nwed Abasi

2 Nephi 31:19–20; Moroni 6:4

Emi oto Mbuk Eset Nnyin

“Dian ye mme ata ediwak owo ekedukde ufok Abasi,” President Gordon B. Hinckley (1910 –2008), okodoho ete, “nnyin inyene ndisin ifik nnam utom man inwam mbufa owo emi kini mmo ekutde usung mmo. Kpukpru mmo kiet kiet eyom mkpo ita: ufan, ubiong utom, ye ndinam mmo efon ‘oto ke eti iko Abasi’ (Moroni 6:4).”3

Mme visiting teacher edu ke idaha ndinwam mbio eke mmo esede enyen. Ndinam ufan esibe iso, nte akanamde ono nkaiferi eyeneka Nka iban kiet emi ekekesede eyeneka nnwan oro okosongde enye ke emana. Mmo eketongo ebop ufan mmo sung-sung tutu ada edisim idaha emi mmo ekenamde utom otokiet ke ndinam ebiet kiet asana. Mmo ekabare edi ufan, ndien nte mmo enemede nneme ebanga Etop eke Visiting Teaching, mmo mbiba ekop inem eto ke “nti iko Abasi.”

President Joseph Fielding Smith (1876–1972) okodoho ete ke Nka Iban eke Ufok Abasi “edi ata akpan-akpan nka kiet eke obio ubong Abasi ke isong emi ndien… ke eyenwam mme iban emi enimde mbet Abasi ndinyene nsinsi uwem ke obio ubong eke Ete nnyin.”4

© 2013 eketode Intellectual Reserve, Inc. Ekpeme kpukpru mme uneen. Ekeming ke USA. Enyimme eming ke Iko Mbakara: 6/12. Ndikabare: 6/12. Ndikabare etop eke Visiting Teaching Message, February 2013. Efik. 10662 553

Nkpri Nwed

  1. M. Russell Ballard, “Mme member Edi Ukpohore.” Liahona, eke Ofiong Usuk-kiet isua 2000, 18.

  2. M. Russell Ballard, Liahona eke Ofiong Usuk –kiet ke isua 2000, 17.

  3. Gordon B. Hinckley, “Kpukpru Mbufa Owo ke Ufok Abasi edi osong Urua” Liahona,, eke Ofiong Iba isua 1999, 9.

  4. Joseph Fielding Smith, ke Ndito Iban ke Obio Ubong Mi: Mbuk Eset ye Utom eke Nka Iban Ufok Abasi (isua 2011), 97.

Nso Nkpo Ke Ami Mkpekeme Ndinam?

  1. Nte Ami mkpobong akam nno nsanga mi nnyung mbenge Abasi nte yak Edisana Spirit ada nnyin usung nte nnyin ikworode iko Abasi ino mme ndito eka nnyin iban?

  2. Ke nso oruk usung ke nnyin ikpenwam ndito eka iban kiet kiet eke nnyin isede enyen man otodo enye ofiok ete ke nnyin imetim ikere nti nkpo ibanga mmo?