Pratham Adhyakshta ka Sandesh, February 2013
Hichkichaate Prachaarak ke Liye Salaah
Ishu Masih ke Chelon ka hamesha kartavvye raha hai ki woh Unke susamachaar ko saare jagat tak pahunchaaye (dekhiye Mark 16:15–16). Phir bhi, kabhi kabhi kathin hota hai auron ko apna muh kholkar aur batana apne vishwaas ke baare mein. Jabki kuch Girjaghar ke sadasyon ke paas ek swabhaawik gun hota hai auron se dharam ke vishay mein charcha karne ka, anye log kuch hichkichaate hai ya takleef, sharmindagi, ya ghabraahat mehsoos karte hai aysa karne ke liye.
Is kaaran, mai chaar cheezein sujhaao ke rup mein dena chahata hoon jisse Uddhaarkarta ke susamachaar ka prachaar “har ek prani se” karne ki aagya par ek insaan chal sakta hai (D&C 58:64).
Ek Raushni Banna
Assisi ke St. Francis ka ek kahawat jo mujhe pasand tha aysa kehta hai, “Susamachaar ko hamesha prachaar karo aur agar zaroorat pade, shabd istemaal karo.”1 Is kahawat mein khaas taur se nahin kaha jaata, magar iska matlab yeh hai ki zyaadatar sabse shaktishaali updesh batlaaye nahin jaate.
Jab hamare paas imaandaari ho aur hum apne aadarsh anusaar lagataar jiyenge, log dekhenge. Jab hum anand aur khushiyaali dikhlaaenge, woh aur bhi gaur karenge.
Sabhi khush rehna chahate hai. Jab hum Girjaghar ke sadasye susamachaar ke raushni ko dikhlaaenge, log hamare khushiyaali ko dekh sakenge aur Parmeshwar ke prem ko hamare jiwanon mein faelta aur ubharta pehchaan sakenge. Woh jaanna chahenge kyun. Woh samajhna chahenge kaise humne yeh haasil kiya hai.
Is kaaran woh ayse sawaal puchenge “Tum kyun itne khush ho?” ya “Kyun tum hamesha aashawadi rawaiya rakhte ho?” In sawaalon ke jawaab, nishchaye hi, Ishu Masih ke punahsthaapit susamachaar ki charcha ki or le jaayega.
Charcha Karne Waala Bano
Dharam ki charcha shuru karna—khaaskar hamare doston aur priyejanon—se daraona aur chunaotipurn lag sakta hai. Aysa nahin hona chahiye. Dhaarmik anubhavon ki baatein karna ya Girjaghar gatividhiyon ya ghatnaaon ke baare mein aam taur se baat karna aasaan aur mazedaar ho sakta hai agar hum thoda saahas aur akalmandi barte.
Meri patni, Harriet, ek achcha uddharan hai iska. Jab hum Germany mein rehte the, woh koi raasta dhoondh leti thi hamare doston aur pehchaan waalo se charcha mein Girjaghar-sambandhi vishayon ko laane ki. Uddharan ke taur par, jab koi usse saptah-ant ke baare mein puchta, woh kehti, “Is Raviwaar ko hamare saath ek prabhaaoshaali anubhav hua hamare girjaghar mein! Ek 16-varshiye jawaan purush ne saaf jiwan jine ke baare mein ek sundar bhaashan diya 200 logon ke sabha mein.” Ya, “Main ne ek 90-varshiye mahila ke baare mein sikhi jisne 500 kambal se zyaada banaya aur use Girjaghar ke humanitarian program ko diya duniya bhar ke zarooratmandon tak pahunchaane ke liye.”
Zyaadatar, jo log yeh sunte the aur janne ki ichcha karte the. Woh sawaal puchte. Aur isse mauka milta tha susamachaar ke baare mein swabhawik, saahasi, bura na lagne ke tarike se baat karne ka.
Internet aur milaap karne ke maadhyamon ke aane se, aaj aasaan ho gaya hai in cheezon ke baare mein aam rup se charcha karna pehle ke milaan mein. Kya zaroori hai ki hum mein woh saahas ho aysa karne ka.
Daya se Paripurn Bano
Durbhaagye se, kitna aasaan hai asehmat hona. Aysa aksar hota hai ki hum bahas, apmaan, aur ninda karte hai. Jab hum krodhit, bura vyavahaar, ya dard pahunchaate hai kisi ko, aakhri cheez jo woh humse chahenge woh hai hamare baare mein jaanna. Yeh jaanna namumkin hai ki kitne logon ne chahe Girjaghar choda hai ya kabhi shaamil hi nahin huwe kyunki kisi ne kuch kaha jisse use dard mehsoos hua ya bura laga ho.
Duniya mein aajkal kitna bura bartaao hai. Kyunki log Internet par likh sakte hai gumnaam rehkar, kitna aasaan ho gaya hai dardnaak ya bure shabd kehna online. Kya hamare paas jo achche Masih ke aashawadi chelein hai, ke paas uncha, zyaada dayalu aadharsh nahin hone chahiye? Dharamshaastra sikhlata hai, “Tumhara vachan sada anugrah sahit aur salona ho ki tumhe har manushye ko uchit riti se uttar dena aa jaaye” (Colossians 4:6).
Mujhe yeh raae pasand hai ki hamare shabd khushaal, imaandaar aur dayalu rahe. Kya aap kalpana kar sakte hai hamare parivaar, ward, desh, aur duniya kaisa hoga agar hum is saadharan sidhaant ko apna le?
Vishwaas se Bhare Raho
Kabhi kabhi hum khud par bahut zyaada gaurav ya bahut zyaada aarop le lete hai jab auron ki susamachaar ko apnaane ki baat hoti hai. Yeh yaad rakhna zaroori hai ki Prabhu nahin chahata ki hum unhe dharam parivartit karein.
Parivartan hamare shabdon se nahin hota magar Pavitra Aatma ke prabhaawon se. Kabhi kabhi iske liye hamare gawahi ka ek hi bol kaam karta hai ya ek anubhav se hriday narm hota hai ya ek darwaaza kholna auron ko sachchaai anubhav karata hai Aatma dwara.
Pradhaan Brigham Young (1801–77) ne kaha ki woh jaan paata tha ki susamachaar sachcha hai jab woh “dekhta ek vyakti ko jo thik se bhaashan nahin de sakta tha, ya samaaj mein bolne ke gun nahin rakhta, jo sirf kehta, ‘Main jaanta hoon, Pavitra Aatma ke dwara, ki Mormon Dharamshaastra sachcha hai, ki Joseph Smith Prabhu ka ek Bhavishyevakta hai.’” Pradhaan Young ne kaha ki jab usne us vinamra gawahi ko suna, “Pavitra Aatma us vyakti ke paas se mere samajh aur raushni, mahima aur amaranshilta[ki tarah] mere saamne thi.”2
Bhaaiyon aur bahanon, vishwaas rakho. Prabhu tumhare bole huwe shabd ko behtar kar dega aur balwaan banaega. Parmeshwar tumhe parivartit karne ko nahin kehta par apna muh kholne ko. Parivartit karna tumhara kaam nahin woh uska kaam hai jo sunta hai aur Pavitra Aatma ka.
Har Sadasye ek Prachaarak
Mere priye doston, aaj hamare paas kayi tarike hai mul kholne ke aur Ishu Masih ke susamachaar ke anandmay khabar ko auron ke saath baatne ke. Har ek ke liye ek tarika hai—hichkichaate huwe prachaarak ke liye bhi—is mahaan kaarye mein bhaag lene ka. Hum ek tarika dhoondh sakte hai apne khud ke gun aur dilchaspi se is duniya ko is mahaan kaarye ke raushni aur sachchaai se bhar dein. Jab hum aysa karenge, hum us anand ko paaenge jo vishwaasiyon aur saahasi ko milta hai “sadeo Parmeshwar ke saakshi ke rup mein khade rehne se” (Mosiah 18:9).
© 2013 Intellectual Reserve, Inc dwara. Sabhi adhikaar surakshit. USA mein chaapa gaya. Angrezi swikriti: 6/12. Anuwaad swikriti: 6/12. First Presidency Message, February 2013 ka anuwaad. Hindi (Fiji). 10662 298
Is Sandesh Mein se Shikshan
Ek prabhaaokari tarika sikhlane ka hai “chaatron ko protsaahit karna lakshye … tay karne ke liye jisse woh us sikhlaaye huwe siddhant ko ji sake” (Teaching, No Greater Call [1999], 159). Jise aap padhate hai unhein amantrit karein ki woh prathnashilta se susamachaar ko baatne ka ek lakshye banaye ek ya kayi logon ke saath is mahine. Maata-pitaaen charcha kar sakte hai ki bachche kaise madad kar sakte hai. Tum parivaar sadasyon ko samajhne mein madad kar sakte ho ya natak dwara susamachaar ko aam baatcheet mein laane ke tarike dikha sakte ho aur aane waale Girjaghar gatividhiyon ko yaad karo jismein woh ek dost ko amantrit kar sakte hai.