2013
Mla Obult el mo er a Rubak
February 2013

Klumech er a Roldingel e Olisechakl, Ongerung el Buil 2013

Mla Obult el mo er a Rubak

Mosuub er tia el klumech, e a di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar kau. A lmuut el bebil er a omesodel, e bo er a www.reliefsociety.lds.org.

siasing/Llecheklel
Olangch er a Relief Society

Klaumerang, Telungalek, Ngeso

A rebeches el odos el mei er a Ikelesia—luldimukl er a Rengeasek el Redil el me soiseb er a Relief Society, rodos el luueta el mei—a ousbech a ngeso me a klausechelei er a roldingel e olisechakl. “A urerir a rechedal a ikelesia el kirel tiang a kmal klou a belkul el mo er tirkel luueta el mei me a dirrek tirkel diak el sal mesisiich el chedal a ikelesia el muut el mei,” ng millekoi a Elder M. Russell Ballard er a Chelechad er a Teruich me a Terung el Apostol. “A osenged er a moktek er a Relief Society … a sebechel [ta er a] kot el meisiich el teletael er a klausechelei el dobang er a chelsel a Ikelesia. Bo mereched el mesterir tirkel mesuub er chelechang me tirkel luueta el mei, e moubeltikelreng el mo er tir er a chelsel a Ikelesia lokiu a chelechad el mngarngii.”1

Me kid el chedal a Relief Society, a sebeched el ngosuterir a rebeches el chad el suub aikel betengel osisechakl er a Ikelesia, el uaia:

  • Mengedecheduch.

  • Ouchais er a klaumerang.

  • Oltirakl er a llach er a olsengerenger.

  • Melecha ongeltacher me a bebil er a uldars.

  • Meruul a ureor el kirel a reksi er a telungalek.

  • Meruul a techolbechelid e olterekokl er tirkel mla mad el chederir.

“A sekutab el sechelei a a rulterir a rebeches el chedal a ikelesia el mo smau er a chelsel a ikelesia,” ng millekoi a Elder Ballard.2 Kid el rokui, eng di oumesingd a roldingel e olisechakl, a olab a meklou a belkul ngerachel el mo mengederoder er a klausechelei lobengterir a rebeches el chedal a ikelesia el uaia rael ete mo mesisiich e “obult el mo er a Rubak” (Alma 23:6).

Ngar er a Chedaol Llechukl

2 Nephi 31:19–20; Moroni 6:4

Ngar er a Reksi er Kid

“Ngultuil er a di meleketek el iidisir a rechad el obult,” ng millekoi a President Gordon B. Hinckley (1910–2008), “eng kirel kmal mo blak a rengud el olngeseu er tir sel losiik er a rael le bo er ngii.. A dersta er tir ousbech a kldei el tekoi: sechelei, ngerachel, me a omelisiich ‘er a tekingel a Dios’ (Moroni 6:4).”3

A roldingel e olisechakl a oba deruchall el olngeseu er tirkel lomes er tir. A klausechelei a blechoel kot el duubech, el uaia dilubech el mo er a odos er a Relief Society el uleldingel er a klou er ngii el odos. Ng uaia ble el meoud el mo er ngii a klausecheli er a delongelir el mlo uriul er a le dak el terung el mengedmokl. Te mlo sechelei, e se el losaod el kirel a Klumech er a Roldingel e Olisechakl, e tir el terung el mlo mesisich lokiu a “ungil tekingel a Dios.”

A President Joseph Fielding Smith (1876–1972) a millekoi el kmo a Relief Society a “klou a belkul el telengtengil a rengedel a Dios el ngara beluulechad … e olngeseu er a re mui er a klaumerang el chedal el mo nguu a diak a ulebengelel klengar er a rengedel a Demad.”4

© 2013 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/12. Kengei er a oidel: 6/12. Oidel aVisiting Teaching Message, February 2013. Palauan. 10662 881

Uleklatk

  1. M. Russell Ballard, “Members Are the Key,” Liahona, Sept. 2000, 18.

  2. M. Russell Ballard, Liahona, Sept. 2000, 17.

  3. Gordon B. Hinckley, “Every Convert Is Precious,” Liahona, Feb. 1999, 9.

  4. Joseph Fielding Smith, er a Rengalek el Redil er a Rengedek: Reksi me a Urerel a Relief Society (2011), 97.

Ngera Sebechek el Rulii?

  1. Ngak ak meluluuch el kirel a kldemek e olengit er a Reng me lomekrael er kemam se el ki molngeseu er a rodos er kemam?

  2. Ngera el teletael er a omesiou el doruul el mo er a dersta el odos el domes er tir a ochotii el kmo kede meral omekerreu er ngii?

Print