2013
Te Mwakuri ni Kamarurung
Maati 2013

Te Rongorongo ni Kaakawari n Reirei, Maati 2013

Te Mwakuri ni Kamarurung

Tataroakina kamatebwaian te reirei aei ao, nakon riaina, marororakinna ma aine ake kam kawaria. Kamanenai titiraki bwa e na buokiko ni kamatoatoaia aine ao ni kamatoa te Botaki n Aine bwa iteran maium. Ibukin rongorongona riki tabeua, nakon reliefsociety.lds.org.

Onimaki, Utu, Buoka

Ara burabeti, Beretitenti Thomas S. Monson, e kaungaira bwa ti na “karoko irouia te koraki ake a tangira te ibuobuoki ao n tabekiarake nakon te kawai ae rietata ao te kawai ae tamaroa. … Aio ana mwakuri te Uea, ao ngkana ti mena n ana mwakuri te Uea, … ti tauraoi ni karekea n tainako ana ibuobuoki te Uea.”1

Inanon ririki aika a mwaiti n nako LaVene Call ao toana ni kakawari a kawara te aine temanna ae aki kakaonimaki. A karebwerebwe n ana mataroa ao man kunea te aine temanna ae kunikainna n te kunikai n tebotebo. E tara ni mamara, ma a waekoa ni kunea ana kangaanga bwa ngaia mwiin te arekoro. Taan kakawari aikai a tekateka ao man maroro ma te tina ae uarereke man korakai aei.

Imwiin kitanana irouia, a taetae man taku, “Bon ngaia natin te Atua. Iai katabeara bwa ti na riai ni buokia.” Ngaia are a kakawaria n tainako. Ni katoa te tai, a kona n nora ao n namakina te bitaki nakon te tamaroa. A bubutia bwa e na ira te Botaki n Aine. Man kaitaraan aei, e bitaki ni waekoa man kaea ni katoa tai. Imwiin te kaunganano, ngaia ma kainabana ao natina te aine a kaea te taromauri. E namakina te Tamnei ae Raoiroi kainabana. E taku, “N na riai ni karaoa te bwai are e taku te bitiobu.” Ngkai a rang ni kakaonimaki n te Ekaretia ao n tia ni kabaeaki n te tembora.2

Man Koroboki aika Tabu

3 Nibwaai 18:32; Doctrine ao Covenants 84:106; 138:56

Man Ara Rongorongo ni Kawai

Buokaia te koraki ake a tia ni bua kawaia man kaokaki nakon ana euangkerio Iesu Kristo bon iteran aia mwakuri n taai nako Aomata aika Itiaki ni Boong Aika Kaitira ao membwa n te Botaki n Aine. Beretitenti Brigham Young (1801–77) e taku, “Ti riai ni iai ara tangira i bon iroura, … ao angania te koraki ake a kona n taratara ni kairia mataki ni karokoa a kona n nora te kawai i bon irouia.”3

Eliza R. Snow, te kauoman ni beretitenti n te Botaki n Aine ni Kabuta, e karabwarabwa te korakora irouia taian titita i Ogden, Utah, USA, ni kamatoaia i bon irouia. “I ataia bwa bwaai ni kabane a bane ni kanakoaki raoi [aei ni irekereke ma te mwakuri] are e aki roko n aia [rekoti] taian boki,” e taku. Ma kinakin tauan mwiina mai karawa e kawakinaki irouia titita n aia mwakuri ngkai a reitinako ni karoko nakoia te koraki are nanoia a rikirake ni mwaitoro, e taku: “Beretitenti Iotebwa Timiti e taku te botaki aei e wakinaki bwa e na kamaiu tamnei. … Te boki are teuana e kawakina am onimaki, am akoi, am mwakuri aika tamaroa, ao am taeka. … Akea ae bua mai iai.”4

© 2013 irounIntellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki te Ingiriti: 6/12. Kariaiakaki rairana: 6/12. Rairan te Visiting Teaching Message, March 2013. Kiribati. 10663 859

Bwai aika a na taraaki

  1. Thomas S. Monson, “Te Wewete n te Mwakuri ae Tabu,” Riaona, Meei 2005, 55, 56.

  2. Te Reta nakon te Beretitentii n te Botaki n Aine ni Kabuta mairoun natin LaVene Call te aine.

  3. Brigham Young, inanon Daughters in My Kingdom: The History and Work of Relief Society (2011), 107.

  4. Eliza R. Snow, inanon Daughters in My Kingdom, 83.

Tera ae I Kona ni Karaoia?

  1. I koaua raoi n titirakinaia titita aika aki kakaonimaki bwa a na kaea te Botaki n Aine ma ngai?

  2. Aine ake I tararuaia a mwengaraoi n titirakinai ibukin taekan te euangkerio?