2013
In Orekma
March 2013

Pweng ke Forfor Luti, Mahs 2013

In Orekma

Lutlutkihn kuhfa inge ac, ke pacl fal, sramsramkihn yurin tahmtahel ma kowos muhtwacta nuh yohroh an. Orekmakihn kihsen siyuck an in kahsrwe kowos ahkkweye tahmtahel wiyowos an ac in oruh Rilif Sosaiti in ip utuftuf se ke moul lowos sifacna an. Nuh ke kuhtuh pac ma in etuh, som nuh ke www.reliefsociety.lds.org.

Luhlahlfongi, Sucu, Kahsruh

Mwet pahluh lasr, Prestuhn Thomas S. Monson, el ahkkweye kuht in “saplakyang in kahsruh mwet suc enenuh kahsruh lasr ac sruhkuhltahlwack nuh ke inkacnek fuhlwact ac wowo uh. Esam lah orekma luhn Leum pa inge, ac ke kuht oruh kuhlwacnsap luhn Leum uh, oasr suwohs lasr nuh ke kahsruh luhn Leum.1

Yac pucspucs somlah ah LaVene Call ac companion in forfor luti se lal ah muhtwacta yurin sie tahmtahel suhkwac alu. Elos tongtong ke sruhnguhl ah ac sokwack sie ninac fuhsr ke sie nuknuk in yuyu fucsrfucsr lal. Mas atacl, tuhsruhk elos sa akihlen lah elyah lal an pa mwe sruhi. Mwet forfor luti an muhta ac sramsram yurin ninac fuhsr upac nuh se se ingacn.

Tukun elos som ah, elos fahk, “El pa sie tuhlihk nuhtin God. Oasr kunohkohn se lasr in kahsrwel.” Na elos muhtwacta fusus. Kais sie pacl, elos kuh in liye ac puhla sie eklac nuh ke ma wo. Elos siyuck tahmtahel sac in wi Rilif Sosaiti. Finne el tiac ke, el kais kuhtuh ne welah lwen nuh kwewa. Tukun ahkkweyeyuck, el ac mukul tuhmwacl ac tuhlihk muhtwacn se nahtuhl wi alu ah. Mukul sac puhla Nguhn Muhtahl. El fahk, “Nga ac oruh ma pisap el ngihsre uh.” Ingena elos fokokoi ke Alu uh ac siliyucki lun tempuhl.2

Ke Ma Suhmuhslah uh

3 Nephi 18:32; Doctrine and Covenants 84:106; 138:56

Ke Sramsram Mahtuh Lasr

Kahsruh mwet suc tuhlac in fohlohk nuh ke wosasuc luhn Jisus Kraist pa ip ke in sie Mwet Luhlahlfongi ke Lwen-sahflah lwen nuh kwewa ac sie mempucr luhn Rilif Sosaiti. Prestuhn Brigham Young (1801–77) el fahk, “Lwelah in oasr pahkomuhta lasr nuh sin kais sie, … ac lwelah elos suc kuh in kol mwet kun uh nwe ke elos kuh in sifacna liye inkacnek uh.”3

Eliza R. Snow, prestuhnsi luhlahp ahkluo luhn Rilif Sosaiti, tarilacna in akihlen kuhiyen tahmtahel fin acn Ogden, Utah, USA, in ahkkweye sie sin sie. “Nga etuh na pwacye lah sie ohiyac wowo emet pa in [ke ohiyacn kuhlwacnsap] ma tena sun puk in [sihmlac] uh,” el fahk. Tuhsruhk akihlen lah sie ma suhmuhslah inkuhsrao liyeyuckyang ke orekma luhn tahmtahel uh ke elos kahsruh insiyacn mwet suc koluklac uh, el fahk: “Prestuhn Joseph Smith el fahk lah u se inge oreklac in molwelah nguhna uh. … Sie pac puk liyacacng luhlahlfongi lom, kuhlwacng lom, orekma wowo ac kahs lom uh. … Wacngihn ma muhlkihnyucklac.”4

© 2013 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/12. Ahkkweyeyucklac ke lweng: 6/12. Lwenglah luhn Visiting Teaching Message, March 2013. Kosraean. 10663 868

Mwe kahsruh

  1. Thomas S. Monson, “The Sacred Call of Service,” Liahona, Mei 2005, 55, 56.

  2. Lwacta nuh sin prestuhnsi luhlahp luhn Rilif Sosaiti sin tuhlihk muhtwacn fin acn La Vene Call.

  3. Brigham Young, ke Daughters in My Kingdom: The History and Work of Relief Society (2011), 107.

  4. Eliza R. Snow, ke Daughters in My Kingdom, 83.

Meac Nga Kuh In Oruh Uh?

  1. Kuh nga kuh in siyuck sin sie tahmtahel suhkwac alu in wiyuc nuh ke miting luhn Rilif Sosaiti uh?

  2. Yac tahmtahel nga karihngihn uh puhla wo in siyuck kihsen siyuck sihk ke wosasuc uh?