Klumech er a Oldingel e Olisechakl, Ongedei el buil 2013

Mo melisiich

Mosuub er tia el klumech, e a di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar kau. A lmuut el bebil er a omesodel, e bo er a www.reliefsociety.lds.org.

Klaumerang, Telungalek, Ngeso

A profet er kid, el President Thomas S. Monson, a mla mengelechel er kid el “tuobed el mo er a siik er tirke el ousbech a ngeso er kid e ngosuterir el mo er a ngarbab e ungil rael. …Tiang a urerel a Rubak, e sel doruul a urerel a Rubak,… eng blingeled el ngmai a ngesou ra Rubak.”¹

Betok el rak er a memong e a LaVene Call me a kldemel a mlo oldingel er a diak el sal mesisiich er a ikelesia el odos. Te millengod er a chesimer e milsa ngika el ngeasek el chedil el di bleiull er a bail er a omelecholb. A rengrir e ng smecher, eng di te mlo medengei el kmo ngika chad er a omelim el rrom. Tirka el odos loldingel a mlo dengchokl e mengedecheduch er ngika el chebuul ngeasek el chedil.

Uriur er a lorolang, e te dilu el kmo, “Ngii a ngelekel a Dios. Ngercheled el ngoseuir.” Te mlo blechoel el mo oldingel. Bek el taem el bong, e te ulemes e ulemelchesiu a ungil omelodech. Te ulengit er ngika el odos el mo er a Relief Society. Me ng ko er a dimlak el soal, ng di mlo sebechel blechoel mong. Uriur er a tela el ongit, e ngii me a bechil me a ngelekir el redil a mocha ngara ikelesia. Ngika el sechal a mlo melchesuar Chedaol Reng. Ng dula el kmo, “Ak mo meruul aike lolekoi a bisop.” Chelecha e te kmal mesisiich el chedal a Ikelesia e mla moak el telungalek er a templo.²

Ngara Chedaol llechukl

3 Nephi 18:32; Doctrine and Covenants 84:106; 138:56

Ngara Reksi er Kid

A olengeseu er tirke el mla mo er cheroid el muut el mei er a ebangkelio er a Jesus Kristo a di mla telengtengil a klengar er a Ruriul-klebesei el Santo me a rechedal a Relif Society. A President Brigham Young (1801–77) a millekoi el kmo, “Bo el ngarngii a chubechub er kid el mo er a ta me a tang, …me tirke el sebechir el omes bo lomekrael er a remikou el dimerekmo bo el sebechir el di tir el mesa rael.”³

A Eliza R. Snow, ongeru el counselor er a cherrengelel omerreder er a Relief Society, a millekoi el kirel omereng el saul er a blakelreng er a rodos el mla er a Ogden, Utah, USA, el kirel omelisiich er a ta me a tang. “Ak kmal medengei el kmo ng klou el ngeso a mekedemokl [lokiu omesiou] el ngii a diak el llechukl er a [rekord],” ngii a millekoi. Ng di sel dodengei el kmo a rekord er a babeluades a llechukl er ngii a urerir a rodos sel lolngeseu er tirke el mekelkelta rengrir, ngii a millekoi: “A President Joseph Smith a dilu el kmo tia el chelechad a mekedmokl el mo olsobel a klengar. … E a ta er a hong a llechukl er ngii a klaumerang er kau, blekokeuii, ungil omeruul, me a cheldecheduch. … Ng diak a ngii di el ngera el remiid.”⁴

© 2013 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/12. Kengei er a oidel: 6/12. Oidel a Visiting Teaching Message, March 2013. Palauan. 10663 881

Ngera Sebechek el Rulii?

Ak blekebek el olengit er a diak el sal mesisiich el odos el mo er a Relief Society lobengkek?
Tirka el odos el kuldingel er tir te blekebek el oker a ker er ngak el kirel a ebangkelio?