Etop eke First Presidency, Ofiong Inang ke isua 2013
Enye Emeset
Iko ntiense kabanga eti Eriset ke Mkpa eke Jesus Christ edi ntongo ono idorenyin ye nsinifik. Ndien oro ekeme ndidi ntre nno eyen Abasi ekededi. Ekedi ukem oro ono mi ke usen kiet ke ini ndaeyo ke Ofiong Itiokiet ke isua 1969 kini eka mi akakpade, osuk edi ntre ke kpukpru mme isua se ibede, ndien eyesuk edi ntre tutu Ami mfiak nkut enye.
Inemesit ama ososop ada itie mfuho okpong ekpri ubahade ke esesit ini. Oro ama okpon akan idorenyin eke inem edifiak nsobo. Koro Jehovah ama ayara ediwak nkpo ono mme prophet Esie ke ntak koro Edisana Spirit ama osongo akpaniko kabanga Eriset ke Mkpa ono mi, Ami mmokut ke ekikere mi nte editiede ndifiak nsobo ye mme ndisana ndima mbio nnyin emi edisetde ke mkpa:
“Mbio emi edi mmo emi edidukde ke eriset ke mkpa eke nti owo. …
“Mbio emi edi mmo emi ema ekewet enying mmo ke enyong, emi Abasi ye Christ edide mme andikpe ofuri ikpe.
“Mbio emi mme nti owo emi nte Jesus etie ubiong eke obufa ediomo ama akanam esana oto ke nsana mma uwa usio isop ke ndiduok iyip esie” D&C 76:65,68 – 69.
Koro Jesus Christ ama obung mme okpono mkpa, kpukpru ndito eke Ete ke Enyong emi ekemanade eduk ererimbot emi eyeset ke mkpa ye ikpokidem eke midikpagha aba. Ntem iko ntiense mi ye eke mbufo kabanga inem akpaniko oro eyemen ubiak edinana edima owo ufokidung ye ufan onyong ono oyoho idara idorenyin ye osongo nsinifik.
Jehovah ama ono kpukpru nnyin eno eriset ke mkpa, oro edi ntak emi spirit nnyin odude ke ikpokidem eke idem misanake (kese Alma 11:42 – 44 ). Eka mi eyeforo nkaiferi onyung ayama, emen unomo eke usong ye isua ndutuho ke obukidem efeb. Oro eyedi ono enye ye nnyin nte eno.
Edi ubak nnyin eke iyomde ndidu ye enye ke nsinsi inyene ndinam mme ndumek man idot ye oruk ebuana oro, man idung ke ebiet eke Ete ye Edima eriset Eyen Esie edude ke ubong. Emi edi nkukure itie emi uwem ufokidung ekemede ndika iso ke nsinsi. Iko ntiense kabanga akpaniko oro anam nsinifik mi okori man ami ye mbio eke ami mmade idot ke ndiduk mkponkan ebiet ke obio ubong eke celestial oto ke Uwa Usio Isop eke Jesus Christ anamde utom ke uwem nnyin (kese D&C 76:70 ).
Jehova ono nnyin ndausung ke ndungode emi kabanga nsinsi uwem ke akam udia Obong ete anwam mi ndien ekeme ndinwam fi. Ema ekot nnyin ete ididemede ediomo baptism nnyin ke kpukpru sacrament meeting.
Nnyin imenwongo nditi Adinyanga kpukpru ini. Mme idiongo nwaidem Esie anwam nnyin ndidara adanga ekomurua emi Enye ekekpede man obung mme okpono mkpa, man okut mbom nnyin, onyung efen ke kpukpru idioknkpo nnyin edieke nnyin imekde nditua mkpafiok.
Nnyin imenwongo ndinim mme mbet Esie. Ndikot mme nwed Abasi ye mme iko eke mme odu-uwem prophet ye ndikpang utong nno nti eting iko ke mme sacrament meeting nnyin eyeti nnyin abanga mme ediomo nnyin ndinam oro. Edisana Spirit eyeda mme mbet eke nnyin inyenede ndinam ke usen oro esin ke ekikere ye esit nnyin.
Ke akam udia Obong, Abasi ama onwongo ndino Edisana Spirit man edidu ye nnyin (kese Moroni 4:3; 5:2; D&C 20:77, 79). Ami mmokut ke ndondo oro ke Abasi ekeme ndino mi se ebietde nte afo edisobo iso ye iso ye Enye. Enye owut mi nkpo eke Ami nkenamde emi ekenemde Enye esit, udong mi ono nditua mkpofiok ye erifen nno, mme enying ye iso eke mme owo emi Enye okpoyomde ete ami nnwam nno Enye.
Ediwak mme isua ekebede, ndifiak nti mme ukpebnkpo oro ama akabare idorenyin esin ke ekikere eke ata ima onyung osongo ete ke Uwa Usio ye Eriset mkpa eke Andiyanga okokpohore mbom ono mi.
Ami nting iko ntiense nte Jesus edi Christ emi ekesetde ke mkpa, Andiyanga nnyin, eti uwutnkpo ye adausung nnyin nka nsinsi uwem.
© 2013 by Intellectual Reserve, Inc. Emenim kpukpru unen. Ekeming ke USA. Enyimme eming ke Iko Mbakara: 6/12. Enyimme Ndikabare: 6/12 edikabare eke First Presidency Message, April 2013. Efik. 10664 553
Ukpebnkpo eketode Etop Emi.
Nnyi inyene “ndidu uwem nte kpukpru nwed Abasi etemede nnyin, man mmo edi eti utip ye ukpeb eno nnyin” (1 Nephi 19:23). Kere banga ndikot akam udia Obong, emi ikutde ke Doctrine ye Covenants 20:76–79. Ke ama ekekot ukpebnkpo eke President Eyring kabanga mme akam udia Obong, mbufo emekeme ndikot mbio emi mbufo ekpebde nkpo ete ekere ebanga mme usung emi akam emi edidade usung ke uwem mmo nnyung nnwam mmo ndifiak nkodu ini kiet efen ye Ete ke Enyong ye Jesus Christ.