2013
Ediomo eke Temple
eke Ofiong Inang ke Isua 2013

Etop eke Visiting Teaching, Ofiong Inang ke isua 2013

Ediomo eke Temple

Bong akam kpeb nkpo emi, ndien, nte odotde, nneme ukpebnkpo emi ye ndito eka iban emi mbufo edikisede. Da mme mbume man anwam fi ndisongo ndito eka iban mbufo idem, ndien man anam Relief Society enyene eti idaha ke uwem mbufo. Ke oyomde ndifiok awak, ka ke reliefsociety.lds.org.

Idiongo nka Relief Society

Mbuotidem, Ufokidung, Unwam

President Thomas S. Monson okodoho ete ke, “Mme edinam erinyanga emi ebode ke temple eke ediyakde nnyin usen kiet ndifiak ntiene Ete nnyin ke Enyong ke nsinsi ebuana ufokidung ye ndibo mme edidiong ye odudu nto enyong ekem ke kpukpru nwaidem ye kpukpru nsinifik.”1 Edieke afo mukaha temple kanga, mbufo emekeme ndibenge idem man obo mme edisana edinam temple ke:

  • Ndinim Ete ke Enyong, Jesus Christ, ye Edisana Spirit ke akpaniko.

  • Ndinyene iko ntiense kabanga Uwa Usio Isop eke Jesus Christ ye eke retored gospel.

  • Ndibere nnyung ntiene odu-uwem prophet.

  • Ndidot man obo temple recommend ke ndikpe tithe, ndisana ke eti edu uwem, ndinam akpaniko, ndinim word of wisdom, ye ndinim mme ukpebnkpo eke ufok Abasi.

  • Ndiyak ini, eno, ye inyene man eda enwam ndibop obio ubong Jehovah.

  • Ndibuana ke utom family history.2

President Monsom akafiak ekpeb ete, “Nte nnyin itide mme ediomo emi nnyin ikenamde ke esit [temple], nnyin iyetim ikeme ndiyo ofuri idomo inyung ikan idomo kiet kiet.”3

Emi oto mme Nwed Abasi

Doctrine ye Covenants 14:7; 25:13; 109:22

Emi oto Mbuk Uwem Nnyin

“Awakde akan ibat ikot Abasi Tosin Ition ekeka Nauvoo Temple ke ema ekediong temple oro ekure. …

“Ukeme, odudu, ye mme edidiong eke ediomo temple [ama anwam] mme Latter-day Saints ke usung emi mmo ekekade [West], kini mmo [ekebode ufen] etuep, ufiop, biong, unana, udongo, mme unomo, ye mkpa.”4

Ukem nte ediwak ndito eka iban eke Relief Society, Sarah Rich ekenwam ke utom nte temple worker. Enye ama eting abanga ifiok esie: “Edieke mikpedighe ke ntak mbuotidem ye ifiok emi nnyin ikobode ke temple oto ke Spirit Jehovah, usung isang nnyin ekebiet nte nditatama ke ekim. …Edi nnyin ima inyene mbuotidem ke Ete nnyin ke Enyong, … ikere ke nnyin idi ndimek ikot Esie … , ndien ke ebiet emi ikpefuhode, nnyin iyekere idara koro usen nnyin ndiworo ke ufin ama edikem.”5

Usung isang uworo ufin ikedige “nditatama ke ekim” ino mme obuotidem iban Latter-day Saints. Edi ediomo eke temple mmo ekekpeme mmo.

© 2013 otodeIntellectual Reserve, Inc. Emenim kpukpru unen. Ekeming ke USA. Enyimme eming ke Iko Mbakara: 6/12. Enyimme Ndikabare: 6/12. Edikabere eke Visiting Teaching Message, April 2013. Efik. 10664 553

Nkpri nwed

  1. Thomas S. Monson, “Edisana Temple — Idiongo emi enode Ererimbot, “Liahona, Ofiong Ition, ke isua 2011,92.

  2. Kese Ndito Iban ke Obio Ubong Mi: Mbuk Uwem ye Utom eke Relief Society (2011), 21.

  3. Thomas S. Monson, Liahona, Ofiong Ition ke isua 2011, 93.

  4. Ndito Iban ke Obio Ubong Mi, 29–30.

  5. Sarah Rich, ke Ndito Iban ke Obio Ubong Mi, 30.

Nso ke Ami Mkpenam?

  1. Nte Ami mmeka temple ke edikem ini?

  2. Nte Ami mmenwam ndito eka iban mi ndibo mme edidiong eke temple?