Bin Somm’on e Mulwol ko Presidency, April 2013
“Ke Fas ko Yam’”
Mich ko tin riyul’ ko fare Fas ko yam’ ni ke tay Yesus Kristus i’ir e gelngin e ayuw ko athap nge gel bugwaen. Rayog ninge yog ko demturug e bitir ku Got. Woed rogog nap’an e rran ko June 1969 nap’an ni ke yim’ e chitanag, ke yaen bo’or e duw, me yib reb ou’moon ningu mad’anag bayay.
Kirebaen’ ko dar’ ni buchi ngiyal ko yam’ e ke fek loen me pilyeg ko falfelan’. E yaeni ga’ ko athap ko mada’nag nib falfelan’. Bachane’ ke dag Somoel tin yo’or ban’en udakaen e profet Rog nge bachan fare Kan ni Thothup ni ke micheg e tin riyul’ ko Fas ko yam’ ngog, rayogningguy u laniyaen’ug ko mange ra buch u nap’an ni ngug mada’nag bayay e gidii’ nib t’uf rog ni kar machaelboeg mar fas gad ko yam’:
I yaed gubin e girdii’ niyad ra yib u nap’an fare fas ko yam’ ko tin nib mat’aw. …
I yaed e girdii’ ni kan yoloey fithingraed u tharmiy, ni bay Got nge Kristus ma pufthinagrad gubin.
I yaed e girdii’ nib machaelboeg udakaen Yesus e bayul ko e michmicheg nib be’ech, ni ke gay e bayul nib machaelboeg udakaen maap racha’en (Mu guyD&C 76:65, 68–69).
Bachane Yesus Kristus ke kirebnag e m’ag ko yam’, urngin e bitir ku Got ni Chitamangdad nu Tharmiy ni kan gargaleg u fayleng e ra fas ko yam’ u lane dowef ni darma yiim’. Ere micheg rog nge micheg rom ko n’en nib riyul’ e ra thang e kirebaen’ ko yam’ ni ke tay e chongin e tabinaew rom fa fagar rom nge fek loen e faflaen’ nge gel bugwaen.
En Somoel ni ke pii’ fare taw’ath ko fas ko yam’ ngak gubin e gidii’, nira gay e dowdad nib machaelboeg riy’ (mu guy Alma 11:42–44). Chitanag e ra sul nge fel’ yangren mab gel e magal rok, ma gafgow nikan labithir nge gafgow ko dogur e kan thang. Nira yib ngak nge ngodad nireb e taw’ath.
Machane gamad ni guba’adaged ningug paered rok ko manemus thingar ningu me’leged e tin nira thapegdad, ningad pired rok en Chitamangdad nge Fak nib T’uf Rok ufithik fel’ngin. Ni tafen e kemus e gin ni rayog ko tabinaew nira yaen ko manemus. Micheg ko riyul’ nem ni ke gelnag e tafnay rog ningu mang mat’aw nge gidii’ nib t’uef ngog ko bin thabi tolang e tafen ulangin gil’lungun e celestial udakaen fare Bayul ku Yesus Kristus nima muruwel u yafas rodad (mu guy D&C 76:70).
En Somoel ra gay e tapowiy’ ulane e milekag ko yafas nib manemus ulane meybil ko sacrament nima ayuwegeg ma rayog ni nge ayuwegem. Kan pinningdad ningad biech niged bayay e michmicheg rodad ko tawfe ulane urngin e mo’olung ko sacrament.
Gadad be miichmicheg ningad ted u wun’dad fare Tathapeg. Gali pow ko maligach Rok ra ayuwegdad ningad magaer’aen’dad ko puluwan ni Ke pii’ ninge kireb nag e kalbus ko yam’, ninge pii’ e murnguy ngodaed, me n’ag fan ko fapi denen rodad fa’anra ngad kalngaen’dad.
Gadad be micheg ningad folgad urngin e motochiyel Rok. Bi’eg fapi chep nib thothup nge fapi thin ko profet nib fas nge motoyil ko tanon nib yi’iy nap’an e mo’olung ko sacrament era pugran dad ko fapi michmicheg ningad rrin’ed. Fare Kan ni Thothup e ra pugran u laniyaen’dad nge gum’racha’dad fapi motochiyel thingar ningad folgad riy ko binem erran.
Ulane fare meybil ko sacrament, Got ke micheg ninge pii’ fare Kan ni Thothup ngodad (mu guy Moroni 4:3; 5:2; D&C 20:77, 79). Kug pir’eg ko binem e ngiyal’ rayog rok Got ninge pii’ ngog woed rogon e personal interview. Ir puluweg ngog e tin kug rin’ ni ke mat’aw u wuun’ Ngay, ba tu’uf rog ninge kalngaen’ug nge n’ag fan, nge pi fithingan nge oewchen e gidii’ ni Ire ba’adag ningu pigpig ngak ni Fan.
Tomuren boech e duw, binem e ngiyal’ ni ke thiliyeg e athap ninge mang e a’dag nge ke pinning e fel’ laniyaen’ nge murnguy ni kan pithig ufithik e gum’racha’eg udakaen e Bayul nge Fas ko yam’ ni ke tay e en Tathapeg.
Gube micheg ni Yesus i’ir en Kristus ni ke fas ko yam’, en Tathapeg rodad, nge bin thabi machaelboeg e pow nge tapowiy’ ko yafas nib manemus.
© 2013 ko Intellectual Reserve, Inc. Gubin ni mat’won ma bay. Kan yoloey u Merika. Kan micheg nag ko thin nu Ngalis: 6/12. Micheg nag i pilyeg: 6/12. Ni pilyeg ko First Presidency Message, April 2013. Yapese. 10664 905
Rogon ni ngan Fil ko Biney e Mulwol
Ngad “ta’areb nag gubin e chep nib thothup ngodaed, ni gomanga fel’ rogmaed riy nge na’ab romaed” (1 Nephi 19:23). Lemnag ningam bi’eg e gali meybil ko sacrement, ni bay u Doctrine and Covenants 20:76–79. Ma tomuren kam biy’eg e mafil ku President Eyring marngagaen fagli meybil ko sacrament, sna gaba’dag ningam pinning e gidii’ ni gama machib ngak ningar lemnog boech e rogon ni gali meybil ney era powiy’nog e yafas ma ayuwegraed ningar sulweg mar thapgad ku Got ni Chitamangdad nu Tharmiy nge Yesus Kristus bayay.