Mulwol ni Ngan Fil ni Ngan Nang, April 2013

Michmicheg ko Temple

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Relief Society e bang ko yafas rom nib mangil. Ra tin ni ga ba adag ni ngam nang, man ko www.reliefsociety.lds.org.

Mich, Tabinaew, Ayuw

Yad be nang fan ni pi ga’ming ni yibe ayuweg e be yog u lane temple e be pag dad ni ngeyog ni ngad suled ko Chitamangdad u Tharmiy ko tabinaew nib manemus man paer u fithik e pi tawa’ath nge gelngin ni yib u tolang ko gubin e n’en ni kan rrin’ nge murwel.¹ ke yog i President Thomas S. Monson. Fa’anra dawrum man nga temple, rayog ningam taermedliy ko gam’ing nib thothup ko temple nap’an:

Michuwaen’um ko Chitamangdad nu Tharmiy, Yesus Kristus, nge fare Kan ni Thothup.
Chathowliy e mich ko fare Bayul ku Yesus Kristus nge gospel nikan fulweg.
Sustain nag mag fol ko fare profet ni ba fas.
Mang mat’aw ko temple recommend udakaen e pii’ e tithing, paer nibmachaelboeg, mog yog e tin nib riyul’, fol ko Thin ko Gonop, mu paer nib fel’ rogon ko fapi machib ko fare Galasia.
Pii’ e tayim rom, tin nigab salap riy, nge tirom ningan ayuweg i toey gil’lungun Somoel.
Un ko muruwel ko chep ko tabinaew rom.²

President Monson e ke fil, “Nap’an ngad pug urran e m’ag ni gadadma tay ulan [fare temple], ra gay gelingdad ningad thapgad u urngin e sikeng mara gelnagdad ko urngin e lumel.”³

Keb ko pi Chep nib Thothup

Doctrine and Covenants 14:7; 25:13; 109:22

Cheppin Rodad

“Ba pag urngin 5,000 e Gidii’en Got nikar mo’olung gad ko fare Temple u Nauvoo u tomuren nikan thothup nag. …

“Fare gelngin, nge mat’won, nge taw’ath ko fapi m’ag ko temple [duruwiy] Gidii’en Got ko Tin Tomur erran u nap’an e milekag nga [lelu’och], nap’an kar [gafgowgaed] ko olum, gwael, bilig, dariy’ salpiy, mar’, mad’ad, nge yam’.”⁴

Woed bo’or e walagdad nib ppin ko Relief Society, Sarah Richland nike pigpig ulane temple. Ke weliy marunga’gen e tin ni ke buch rok: “Fa’anra dariy’ e mich nge lowaen’ ni kan pii’ ngomad ulane fare temple nem ko … fare Ya’el ku en Somoel, ma milekag romad era woed bee’ ni ke tim’og nga ufithik e lumoer. … Machane bay michuawaen’mad ku Got ni Chitamangdad nu Tharmiy, … thamiyed ni gamad e gidii’ ni Ke me’leg … , me susune u fithik e kirebaen, machane kug thamiyed e faflaen’ ni fare rran ko thap e ke yib.”⁵

Fare exodus i’ir e gathi ba “bugurtal ufithik e lumoer” ko Gidii’en Got nib ppin ko Tin Tomur Erran nib michaen’. Kan gay e fel’ wa’athread udakaen e gam’ing ko temple.

© 2013 ko Intellectual Reserve, Inc. Gubin ni mat’won ma bay. Kan yoloey u Merika. Kan micheg nag ko thin nu Ngalis: 6/12. Micheg nag i pilyeg: 6/12. Ni pilyeg koVisiting Teaching Message, April 2013. Yapese. 10664 905

Mange Rayog Nggu Rin?

Gube liyoer ulane temple gubin ngiyal?
Gube gay rogon ni ngug ayweg e pi walageg nib ppin ningar athapeged fapi taw’ath ko temple?