2013
Pwonen Tempel
April 2013

Poraus seni Fefin Chon Amwa, April 2013

Pwonen Tempel

Kopwe anneani ekkei mettoch iwe, nupwen mi och, kopwe aporausa ren ekkewe fefin ka churir. Kopwe aea ekkewe kapas eis ne anisuk ne apochokuna ekkewe fefin ka churir me pwan aochu manauom ren aean Fin Anisi. Ren pwan ekkis poraus, kopwe nengeni reliefsociety.lds.org.

Apungan Fin Anisi

Nuku, Famini, Aninis

“Ekkewe efeiochun ewe tempel mi mwut ngenikich sipwe niwinsefan ren Semach won Nang non ach famini feinfeino chok me sipwe angei feioch me manaman me won nang me ra weweiti epwe wor fangeno me angang,”1 Preseten Thomas S. Monson a apasa. Ika kese mo feino ngeni ewe tempel, ka tongeni ammonata ne angei efeiochun temple mi pin me ren:

  • Nuku non Semach won Nang, Jises Kraist, me ewe Ngun mi Fel.

  • Aochu eu kapasen pwaratan ewe Achasefanin Jises Kraist me ewe kapas allim mi niwinsefanito.

  • Etiwa me tapweno ewe soufos mi manau.

  • Pwisin nimenimoch pwe kopwe angei taropwen mwutatan tonong non tempel me ren om monatiw om asoren eu-ne-engon, kopwe nimenimoch, kopwe wenechar, anneasochisi ewe Kapasen Emirit, me manaueni ekkewe afanafan seni ewe Mwichefen.

  • Kopwe awora om fansoun, angoch, me tufich ne aninis ren koutan muun ewe Samon.

  • Fiti angangen uruon famini.2

Preseten Monson a pwan aiti, “Nupwen sia chechemeni ekkewe pwon sia fori me non [ewe tempel], sipwe pwan tufichin weri sossot meinisin me pworacho ngeni eu me eu sossot.”3

Seni ekkewe Pukfel

Doctrine and Covenants 14:7; 25:13; 109:22

Seni Ach Uruo

“Nap seni 5,000 Souneng ra feino ngeni ewe Tempel non Nauvoo mwirin a efeioch. …

“Pochokunan, manamanan, me efeiochun ekkewe pwonen tempel [mi amanaua] ekkewe Souneng non ar sai [notou], nupwen ra [weri] fou, pwich, echik, woungaw, aksiten, me mano.”4

Usun chommong chon Fin Anisi, Sarah Rich a angang me non ewe tempel. A poraus usun: “Ika esap punun ewe nuku me mirit a kawor ngenikem non ewe tempel me ren … ewe Ngunun ewe Samon, am sai epwe usun aua mweteno non kiroch. … Nge aua nuku non Semach won Nang, … aua mefi pwe am Noun kewe mi kefinita … , pwan me nukun netipechou, aua mefi pwapwa pwe ewe ranin ach ngaseno a feito.”5

Ewe saino esap “mweteno non kiroch” fan iten fin Souneng mi nukuchar. Ra pochokuneno me ren ar pwonen tempel.

© 2013 seni Intellectual Reserve, Inc. Meinisin pung mi kawor. A för non Amerika. Kapungunon non fosun Merika: 6/12. Kapungunon chiakun: 6/12. Chiakun Visiting Teaching Message, April 2013. Chuukese. 10664 901

Esinesin

  1. Thomas S. Monson, “The Holy Temple—a Beacon to the World,” Liahona, May 2011, 92.

  2. Nengeni Daughters in My Kingdom: The History and Work of Relief Society (2011), 21.

  3. Thomas S. Monson, Liahona, May 2011, 93.

  4. Daughters in My Kingdom, 29–30.

  5. Sarah Rich, non Daughters in My Kingdom, 30.

Met Ua Tongeni Fori?

  1. Ngang ua feino pin me non ewe tempel nupwen a tufich?

  2. Ua pesei ngeni pwii kewe ne angei efeiochun tempel?