2013
Olweacng ke Tempuhl an
April 2013

Pweng KE Forfor Luti, Eprel 2013

Olweacng ke Tempuhl an

Lutlutkihn kuhfa inge ac, ke pacl fal, sramsramkihn yurin tahmtahel ma kowos muhtwacta nuh yohroh an. Orekmakihn kihsen siyuck an in kahsrwe kowos ahkkweye tahmtahel wiyowos an ac in oruh Rilif Sosaiti in ip utuftuf se ke moul lowos sifacna an. Nuh ke kuhtuh pac ma in etuh, som nuh ke www.reliefsociety.lds.org.

Akucl luhn Rilif Sosaiti

Luhlahlfongi, Sucu, Kahsruh

Elos kahlwem kac lah akwuck in molwelah ma eisyuck ke tempuhl ma lwelah kuht in sie pacl fohlohk nuh yurin Pahpah Lucng pa inmahsrlon sucu ma pahtpaht ac in eis mwe sang muhtahl ke mwe insewowo ac kuh lucng me oruh oasr srihpen kihsac nuhkwewa ac srihke nuhkwewa”1 Prestuhn Thomas S. Monson el fahk. Kom fin soenna som nuh tempuhl, kom kuh in ahkolah in eis akwuck muhtahl lun tempuhl uh in:

  • Luhlahlfongi ke Pahpah Lucng, Jisus Kraist, ac Nguhn Muhtahl.

  • Ahkyohkye sie fahkwack luhlahlfongi ke Iwaclah luhn Jisus Kraist ac wosasuc fohlohkyak uh.

  • Ahkkweyelah ac ukwe mwet pahluh moul.

  • In fal nuh ke sie pwepuh in lwelah nuh tempuhl ke moliyacn sie tahfuh singucul, in nwacsnwacs in mahno, oruh in suwohs, moulkihn Kahs in Lahlmwetmwet, ac moul in engan ke luti luhn Alu uh.

  • Sang pacl, talan, ac srihpac in kahsruh muhsahi tohkohsrahi luhn Leum.

  • Wi orekma ke sramsram mahtuh luhn sucu.2

Prestuhn Monson el tahfwelah in luti, “Ke kuht esam olweacng kuht orwaclah lun [tempuhl uh], kuht fah kuhi liki met ah in us ma upac nuh kwewa ac in kuhtanglah kais sie mwe sruhf.”3

Ke Ma Suhmuhslah uh

Doctrine and Covenants 14:7; 25:13; 109:22

Ke Sramsram Mahtuh Lasr

“Puhs liki Mwet Luhlahlfongi 5,000 tuhkweni ke Tempuhl Nauvoo tukun kihsaclah la ah. …

“Kuhiyac, kuh, ac mwe insewowo ke olweacng lun tempuhl uh [ahkkweyelah] Mwet Luhlahlfongi ke Lwen-sahflah uh ke pacl in fuhfahsryucsr lalos nuh [rohtoh], ke elos [kweokkihn] ohu, faht, masrinsrwacl, suhkahsruhp, mas, ongaiyac, ac misac uh.”4

Oacna tahmtahel puhs ke Rilif Sosaiti uh, Sarah Rich el kuhlwacnsap oacna sie mwet orekma ke tempuhl. El sruhmuhn ke ma el puhlakihn: “Ac fin tiac ke luhlahlfongi ac etwacack ma utuckuh nuh sesr ke tempuhl sacn sin … Nguhn luhn Leum, fuhfahsryucsr lasr luhkuhn oacna in sie ma orek ke lohsr. … Tuhsruhk oasr luhlahlfongi lasr sin Pahpah Lucng, … puhla ma kuht pa mwet sollac Lal uh … , ac sahyacn ahsor, kuht puhla enganwack lah lwen in moullac se lasr uh tuhkuh.”5

Tifoklac sac tiac sie “orekma fohs” nuh sin muhtwacn yohk Luhlahlfongi la ke Lwen-sahflah. Elos ahkkweyeyucklac ke olweacng ke tempuhl lalos..

© 2013 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/12. Ahkkweyeyucklac ke lweng: 6/12. Lwenglah luhn Visiting Teaching Message, April 2013. Kosraean. 10664 868

Mwe kahsruh

  1. Thomas S. Monson, “The Holy Temple—a Beacon to the World,” Liahona, May 2011, 92.

  2. Liye Daughters in My Kingdom: The History and Work of Relief Society (2011), 21.

  3. Thomas S. Monson, Liahona, May 2011, 93.

  4. Daughters in My Kingdom, 29–30.

  5. Sarah Rich, ke Daughters in My Kingdom, 30.

Meac Nga Kuh In Oruh Uh?

  1. Yac nga alu lun tempuhl pacl nuh kwewa?

  2. Yac nga ahkkweye tahmtahel wiyuck uh in eis mwe insewowo luhn tempuhl uh?