2013
Telbiil er a Templo
Ongeua el Buil 2013

Klumech er a Oldingel e Olischakl, Ongeua el Buil 2013

Telbiil er a Templo

Mosuub er tia el klumech, e a di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar kau. A lmuut el bebil er a omesodel, e bo er a www.reliefsociety.lds.org.

Olangch er a Relief Society

Klaumerang, Telungalek, Ngeso

“A chedaol ruoll el mengai er a chelsel a templo el uchul eng mo sebeched el lemuut el mo er a Demad er a Babeluades el mo dmak el telungalek el mo er a ulebongel e mo ngmai a klengeltengat me a klisiich er bab a moktek er a ikel ringel me a blak el reng er kid.1 Alsekum eng dirkak bo er a templo, eng sebechem el mengedmokl er kau el mo ngmai aika el chedaol ruoll er a :

  • Moumerang er a Chedam er a Babeluades, me a Jesus Kristo, me a Chedaol Reng.

  • Momekeroul er a klaumerang er kau er a Tngakireng er a Jesus Kristo me a mla moluut el ebangkelio.

  • Oldubech e oltirakl er a ngar el profet.

  • Bol sebechem el mo nguu a babilengem er a mo er a templo lokiu a mui el melecha ongeltacher, klikiid er a tekoi er a deleboes, mui er a klaumerang, oltirakl er a Llach er a Ulekerreuil a Bedenged, e kiei el oltirakl a osisechakl er a Ikelesia.

  • Mchoit a temem, duch er kau, me a ikel ngarngii er kau el kirel a teketekel a rengedel a Rubak.

  • Bo mongedmokl a ureor el kirel a reksi er a telungalek.2

A President Monson a millemolem el lolisechakl el kmo, “Sel dolbedebek aike el telbiil el deruul er a chelsel a [templo], eng uchul eng mo sebeched el otekangel a ongarm e mo mesisiich er a bek el ongetikaik.”3

Ngara Chedaol Llechukl

Mesa Doctrine and Covenants 14:7; 25:13; 109:22

Ngara Reksi er Kid

“Betok er a eim el telael el Santo a silkedii a Templo er a Nauvoo ruriul er a le moterekokl. …

“A klisiich, me a klengeltengat, er a telbiil er a templo a [millisiich] er a Ruriul-klebesei el Santo er a omerollir el mo er a [dims], el mlo [chuarm] er a kelekolt, kleald, sengerenger, chelebuul, secher, kerior, me a kodall.”4

Meng uaia rebetok el odos er a Relief Society, e a Sarah Rich a ulereor er a chelsel a templo. Ng milsaod el kirel a teletael dilubech: “Omko ng diak el klaumerang me a klemedengei el ki mngilai er a templo lokiu … a Reng er a Rubak, e a omerollam a mlo uaia ki morael er a chelsel a iilkolk. …Eng di ng mla er ngii a klaumera er kemam er a Demad er a Babelaudes, … el omelchesiu el ngellitel el Chedal … , meng bai dimlak el mekngit a rengmam, aki bai mlo omelchesiu el ngara deureng er sel sils el ki mtilobed.”5

Tia el tebedall a dimlak el “omerael er a iilkolk” el mo er tirkal mesisiich a klaumerang er tir el redil er a Uriul-klebesei. Te mle mesisiich el telbiielir er a templo a uchul.

© 2013 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/12. Kengei er a oidel: 6/12. Oidel a Visiting Teaching Message, April 2013. Palauan. 10664 881

Uleklatk

  1. Thomas S. Monson, “Chedaol Templo—Olangch el mo er a Beluulechad,” Liahona, May 2011, 92.

  2. Mesa Rengalek el Redil er a Rengedek: Reksi me a Urerel a Relief Society (2011), 21.

  3. Thomas S. Monson, Liahona, May 2011, 93.

  4. Rengalek el Redil er a Rengedek, 29–30.

  5. Sarah Rich, er a Rengalek el Redil er a Rengedek, 30.

Ngera Sebechek el Rulii?

  1. Ngak ak blechoel el ngara omengull er a chelsel a templo?

  2. Ngak a kumeksemeriar er a rodos er ngak el mo ngmai a klengeltengat er a templo?