Etop eke Visiting Teaching, Ofiong Ition Isua 2013

“ Di tiene Mi”

Emi otode President Henry B. Eyring

Akpa Ono- item ke First Presidency

Ke mme iko ye uwutnkpo Esie, Christ ama owut nnyin usung nte ikpesangade ikpere Enye.

Ami mmenem esit ndidu ye mbufo ke mboho eke ufok Abasi Jesus Christ eke mme Latter-day Saints. Emi edi ufok Abasi Esie Nnyin ida enying Esie idot ke idem nnyin nte nnyin idukde obio ubong Esie Enye edi Abasi, Andibot,onyung edi edisana. Nnyin idi owo eke iyohode ye mkpa ye idioknkpo. Edi ke ima Esie kabanga nnyin ye mme ufok nnyin,Enye okot nnyin ete isanga ikpere Enye. Emi edi mme iko Esie: “Sanga kpere mi ndien Ami nyesanga nkpere fi, tim yom mi ndien mbufo eyekut mi; bup, ndien mbufo eyebo; kong, ndien eyeberede usung eno mbufo.”¹

Ema eti nnyin kini Easter emi ebanga ntak emi nnyin imade Enye ye ewongo emi Enye anamde ono mme nte anditiene Enye man ekabare edi ndima ufan Esie. Andinyanga akanam enwongo oro onyung eting ono nnying ete, ke ntak utom unwam eke nnyin inode Enye, Enye eyedi etiene nnyin. Uwutnkpo kiet edi ke eriyararee emi enode Oliver Cowdery kini enye anamde nkpo ono Jehovah ye Prophet, Joseph Smith ke ndikabare Nwed Mormon: “Sese, afo edi Oliver, ndien Ami nting iko nno fi ke ntak udong eke afo enyenede; ke ntre tim mme iko emi nnim ke esit fo. Buotidem ke nditim nnim mme mbet Abasi, Ami nyewang fi ke ubok ima mi.”²

Ami mma nkop idaresit ke ndikpere Andinyanga ye nte Enye ekperede mi ediwak ini kini nsuhore ibuot nno mme mbet.

Afo emesinyene oruk ukpeb oro. Ekeme edidi kini afo ekemekde ndika sacrament meeting. Eketibe ono mi ke usen ederi kini Ami nkedide ata eyenowong. Kini oro nnyin ikesidia udia obong ke esop mbubreyo. Se ami nketi usen kiet ke nkpo nte okponde akan isua Ata ye Ition ke edem, kini Ami nkenimde mbet ndibogho otokiet ye ufok nnyin ye mme Saints, osuk adada mi ekpere Andinyanga.

Anwa esien ama ekim onyung etuebe. Ami nti nte nkekopde unwana ye ufiob mbubreyo oro ke esist chapel oro ye mme ete ye eka mi. Nnyin ima idia udia obong, emi mme andikama Itie Oku eke Aaron ekenamde, inam ediomo ye Ete nnyin ke Heaven nditi Eyen Esie kpukpru ini nnyung nnim mbet Esie.

Ke utit esop oro nnyin ima ikwo “Di Dang ye Ami; Tutu Usiere.” Ye mme iko emi ke esit ikwo oro “O Andinyanga, du ke okoneyo emi ye ami.”³

Ami mma nkop ima eke Andinyanga ye nte Enye ekperede mi mbubreyo oro. Ndien Ami nkop ndongesit nto Edisana Spirit.

Ami mma nyom ndifiak nnyene ima eke Andiyanga ye ndikpere Enye nte nkekopde ke sacrament meeting oro kini uyen mi ini kiet efen. Ntre ibighike Ami mma nnim mbet efen. Ami ndungo ke mme nwed Abasi. Ke esit nwed Abasi oro, Ami ndidiongo ke Ami mmekene ndifiak nkenyene Edisana Spirit man anwam mi ndikere se mme mbet Obong andikesit ekenyenede kini Enye enyimede ono ikoot mmo ndika ufok mmo nnyung ye nkedang ye mmo.

Ami ndikot mbanga oyoho usen ita ke ema ekekong Enyenke Cross enyung ebuk Enye. Mme nti iban ye mbio efen edikut nte ke ema ewere itiat esio ke udi enyung ekut ete ke ikpokidem Esie iduhe do. Mmo ekedi ke ntak ima emi mmo ekenyenede eno Enye man edifiongo aran ke ikpokidem Esie.

Me angels iba eda ekpere enyung ebup ntak emi idem enyengde mmo, ete:

”Nsinam mbufo eyomde Enyen emi odude uwem ke otu mme akpa-mkpa?

”Enye iduhe mi, Enye emeset: eti nte Enye eketingde ono mbufo kini Eye okodue kanga ke Galilee,

”Ete, eyeda Eyen Owo esin mme idiok owo ke ubok, eyenyung ewot Enye ke Cross, ndien ke oyoho usen ita enye eyetongo ntak eset.”⁴

Kiet ke otu mme angels oro ono ndausung nte Gospel Mark ewetde ete: “Edi eka, ekedoho mbet Esie ye Peter, ete Enye ke ebem mbufo iso aka ke Galilee: mbufo edikut Enye do, nte Enye okodohode mbufo.”⁵

Mme Apostles ye mbet ema eboho ke Jerusalem. Nte ekedide ono nnyin, mmo ema enyek idem enyung ekere nte mmo enemede oto kiet ebanga se mkpa ye etop ediset ke mkpa Esie oworode ono mmimo.

Mme mbet iba ekesanga uwemeyo oro eto Jerusalem ke usung emi akade Emmaus. Chrsit andikeset ke mkpa obiongore ke usung oro onyung asanga ye mmo. Jehovah ama edi etiene mmo.

Nwed Luke anwam nnyin ndisanga ye mmo:

”Edikem, nte, mmo enemede ntre ebup kiet eken mbume, Jesus ke idem Esie asanga ekpere mmo, onyung asanga ye mmo.

”Edi ebop mmo enyin ete ekudiongo Enye.

”Ndien Enye odoho mmo ete, Nso oruk nneme ke eneme ntem ke isang mbufo ndien mmo etuak eda enyung etie mfuho-mfuho?

”Edi owo mmo kiet, emi ekerede Cleopas, oboro Enye ete, Nte afo kpot edi esen owo ke Jeusalem, ndien ufiokke se ikotibede do ke usen ifang emi?”⁶

Mmo eketing eno Enye kabanga mfuho mmo nte Jesus akakpade kini mmo ekedoride enyin ete ke Enye edidi Andifak Isreal.

Ekeme ndidi mbom ama odu ke uyo Christ andikeset ke mkpa nte Enye eketingde iko ono mme mbom-mbom ye ofuho-mfuho mbet iba emi:

”Ekem Enye odoho mmo ete, O ubon emi enanade ibuot, emi misopke ndinim kpukpru se mme prophet eketingde ke akpaniko:

”Nte inanga nte Christ okut mme ukut emi, ndien ebe oduk ke ubong?

”Ndien Enye otongo ke Moses ye kpukpru mme prophet, asian se eketingde ebanga Enye ke idem Esie ke ofuri nwed Abasi ono mmo.”⁷

Ndien edikem ini emi ekenemde mi esit tongo nte Ami nkedide ekpri eyeneren:

”Edi mmo esanga ekpere obio-inwang, emi ekade do: ndien Enye anam nte nkpo eke Enye oyomde ndibe nka iso.

”Edi mmo eyire Enye, ete, Dang ye nnyin: koro ke ekpere mbubreyo,ndien eyo omong okut. Enye oduk akadang ye mmo.”⁸

Andinyanga ama enyime ikoot okoneyo oro ndiduk ufok mbet Esie oro emi ekeperede obio-inwang eke Emmaus.

Enye ama etie ke itie udia ye mmo. Enye emen uyo, odiong, obung, ayak ono mmo. Enyin mmo atara, mmo enyung efiok Enye. Ndien Enye onyung osop mmo ke enyin. Luke ewet ono nnyin abanga se mme mbet iba oro ekekere eting: “Ndien mmo edoho kiet eken ete, Nte esit ikofiopke nnyin, ke ini Enye enemede nneme ye nnyin ke usung, onyung asiakde iko Abasi ono nnyin?”⁹

Kpa ke idaha oro, mbet iba oro efiak enyongo ke Jerusalem nditing nno Mbet duopekiet se ikotibede ino mmo. Ke ata ukem ini oro Andinyanga afiak obiongore.

Enye afiak eting kpukpru mme prophecy se ekewetde ebanga utom Esie man awa idem osio isop ke mme idioknkpo eke kpukpru mme ndito Ete Esie onyung obung eduat mkpa.

”Ndien Enye onyung odoho ete, Ekewet ntem, ete Christ enyene ndikpa, ndinyung ntongo ntak nset ke mkpa ke oyoho usen ita:

”Enyung enyene nditongo ke Jerusalem nkworo erikabare esit ye erifen mme idioknkpo ke enying Esie nno kpukpru mme idut.

”Neien mbufo edi mme ntiense ke nkpo emi.”¹⁰

Mme iko Andinyanga edi akpaniko nko ono nnyin nte ekedide ono mme mbet Esie ke ini oro. Nnyin idi mme ntiense kabanga mme nkpo emi. Ndien nnyin ima inyime akwa ubiong emi kini nnyin ikenade batism iduk ufok Abasi Jesus Christ eke mme Latter-day Saints nte ekenamde anwanga nnyin oto prophet Alma ke ediwak mme isua ko ke mben mmong eke Mormom ete:

”Ndien edikem enye odoho mmo ete: Sese, emi edi mmong Mormom (koro ekekot enye ntre) ndien idahaemi, nte mbufo enyenede udong ndibe nduk ke eboho eke Abasi, man ekot mbufo ikot Esie, man enyime ndibiom mbiomo kiet eken, man mbiomo mmo ayaha;

”Nko, enyung etua ye mmo eke etuangade, ntre, edong mmo eke eyomde idongesit esit, enyung edi ntiense eno Abasi ke kpukpru ini ye ke kpukpru nkpo, ye ke kpukpru ebiet eke mbufo edude,; tutu osim mkpa, man Abasi edifak mbufo osio, enyung ebat mbufo esin ke akpa ediset, man mbufo edinyene nsinsi uwem —

”Idahaemi Ami ndoho mbufo nte, edieke emi edide udong esit mbufo, nso ke mbufo ebet akan ndibo baptism ke enying Jehovah, ndidi ntiense nno enye ete ke mbufo emenam enwongo ye Enye, man enam nkpo eno Enye enyung enim mbet Esie, man Enye anwanga Spirit Esie ofuk mbufo?

”Ndien kini otu owo ekekopde mme iko emi, mmo ekwak ubok ye idara, enyung efiori ete: Emi edi mme udong esit nnyin.”¹¹

Nnyin idu ke idak ediomo nko ndinwam mbio ekedude ke unana ye ndidi mme ntiense nno Andinyanga ke adanga ini nnyin idude uwem.

Nnuyin iye keme ndinam oro ofon ama kini nnyin imade Andinyanga inyung likop ima eke Enye anade nnyin e, man Enye anwanga Spirit yin iyekeme ndinam oro ofon ama kini nnyin imade Andinyanga inyung ikop ima eke Enye amade nnyin. Nte nyin inande mme enwongo emi nnyin ikenwongode, nnyin iyenyene ima ino Enye. Ima oro eyekpon koro nnyin iyekpo odudu Esie nte Enye ekperede nnyin ke utom unwam Esie.

president Thomas S. Monson esima nditi nnyin kabanga enwongo emi Jehovah okonwongode ono mme nti mbet esie.” Owo eke enyimede mbufo, Ami nko nyedu do, koro Ami nyebem mbufo iso ndu do. Ami nyedu ke ubok nnasia ye ubok ufien mbufo, ndien Spirit mi eyedu ke esit mbufo, ndien mme angels mi ekanare mbufo ekuk, ndikpeme mbufo.”¹²

Usung efen odu eke Ami ye afo isikopde nte Enye asangade ekpere nnyin. Nte nnyin isinde ifik inam utom unwam ino Enye, Enye asanga ekpere mbio emi nnyin imade ke mme ufok idung nnyin. Kpukpru ini nte esikotde mi ete nka utom Abasi ye ndikpong ufok idung mi; Ami mmedikut nte ke Jehovah ama odiong nnwan ye ndito mi. Enye ono ndima isung utom Esie ye ufang ndida mbio ufok idung mi mkpere Enye.

Mbufo emesikop ukem edidiong oro ke uwen mbufo. Ediwak mbufo emenyene mbio emi emade eke eworode ekpong usung emi adade aka nsinsi uwem. Akpa fi idem se ekpekemede ndinam man ada mmo afiak edi. Afo emekeme ndibereidem ke Jehovah man ada fi ekpere mmo nte afo anamde utom anwam mmo ke mbuotidem.

Mbufo emeti enwongo emi Jehovah okonowongode ono Joseph Simth and Sidney Rigdon kini mmo ekekpongde mbio ufok idung mmo eka utom Esie. Mme ufan mi Sidney ye Joseph, idem osong mbio ufok idung mbufo; mmo edu ke eka ubok mi, ndien Ami nyenam se mmade ye mmo; koro Ami mmenyene ofuri odudu.”¹³

Ukem nte Alma ye Edidem Mosiah, mme nti ete ye eka ema enam utom Obong ebighe ndien nko mmo enyene ndito emi ekeworode ekpong usung ekpedi nte mme ete ye eka mmo ewade idem ke utom Obong. Mmo enam kpukpru se mmo ekekemede edi ufon iduhe, ekpedi mme ndima ye nti ufan ekenode unwam.

Alma ye ikot Abasi ke eyo esie ema ebong akam ebanga ndito esie ye ndito eke Edidem Mosiah. Angel kiet ama edi. Akam mbufo ye akam eke mbio emi enyenede mbuotidem eyeda isungutom Abasi ndinwam mbio ufokidung mbufo. Mmo eyenwam mmo ndimek usung ndinyong ufok ntiene Abasi, ekpedi nte Satan ye udim esie enwanade ye mmo, emi ntak mmo edide ndibiat mme ufok idung ke uwem emi ye ke nsinsi.

Mbufo emeti mme iko emi angel eketingde ono Ekpri Alma ye ndito Mosiah kini mmo ekenwanade ye obio, “Ndien nko, angel oro odoho ete: Sese, Jehovah ama okop akam ikot Esie, ye akam eke isung-utom Esie, Alma, emi edide ete fo; koro enye okobongde akam ye akwa mbuotidem abanga fi man afo edifiok akpaniko; ke ntre, ke ntak emi ke ami ndi man ndinam fi ofiok ukeme ye odudu Abasi, man mme isung-utom Esie ebo iboro akam mmo eto ke mbuotidem mmo.”¹⁴

Enwongo eke Ami nnode mbufo emiebongde akam enyung enamde utom eno Abasi ididighe ke eyenyene kpukpru edidiong eke mbufo eyomde eno idem mbufo ye ufok idung mbufo. Edi Ami mmonwongo nno mbufo nte ke Andinyanga eyesanga ekpere onyung odiong mbufo ye mbio ufok idung mbufo ye nkpo eke ofonde. Mbufo eyeneyene ndongesit ke ima Esie enyung ekop iboro nte Enye ekperede kini mbufo enyande ubok ndino mbio eken unwam. Nte mbufo eyode ke unana mmo enyung enam Uwa Usio Isop Esie enyene ufon ono mmo emi ekedude ke idioknkpo, odudu Abiis eyesongo mbufo idem. Ubok Esie ye eke mbufo anyanare man anwam onyung odiong ndito eke Eke nnyin Heaven, adian ye eke mbio ufok idung mbufo.

Odu enyene ubong idara ekebengeke enim eno nnyin. Nnyin do iyekut enwongo emi Jehovah okonwongode ono mbio eke nnyin imade nto oworode osu. Edi Enye edida nnyin isin ke nisinsi uwem ye Enye ye Ete nnyin ke Heaven. Jesus Christ ekeme emi owut ke usung emi

”Yom ndimen nwut nnyung nsiak Zion mi. Enim mme mbet mi ke kpukpru nkpo.

”Ndien, edieke mbufo enimde mbet mi enyung eyo esim utit mbufo eyenyene nsinsi uwem, emi edide nkponkan ke otu mme eno Abasi.”¹⁵

”Ye mmo eke edidade isong inyene, ye mmo mi ekpade ebo nduok odudu ke kpukpru utom mmo, ndien utom mmo eyetiene mmo; ndien mmo eyebo anyanya ke akamba ufok eke Ete mi, eke Ami nkenimide nno mmo.”¹⁶

Ami nting iko ntiense nte ke Spirit ekeme ndinwam nnyin itiene ikoot eke Ete ke Heaven: “Emi edi Edima Eyen Mi. Ekpang utom eno Enye!”¹⁷

Ke iko ye nwutnkpo Esie, Christ ama owut nnyin danga ikpesanga ikpere Enye. Kpukpru ndito Eke ke Heanven emi ekemekde ndibe nduk ke usung baptism nduk ufok Abasi Esie eyenyene ufang ke uwem emi ndibo ukpeb gosepel Esie nnyung nkop ikoot Esie nto mme isung-utom emi Enye okootde, “Edi etiene Mi.”¹⁸

Kpukpru mme anam ediomo isung-utom Esie ekedude ke obio ubong Esie ke isong ye ke Spirit world eyebo ndausung Esie eto Spirit nte mmo ediongde enyung enwamde mbio efen eno Esie. Ndien mmo eyekop ima Esie enyung enyene idara ke nidsanga nkpere Enye.

Ami ndi ntiense kabanga Ediset ke mkpa Christ ke akpaniko nte nkpo eke Ami nkedude do ke mbubreyo oro ye mme mbet iba oro ke ufok ke usung-inwang Emmaus. Ami mmodiongo nte ke Enye odu uwem ukem nte Joseph Smith okodiongode kini enye okokutde Ete ye Eyen ke unwana ediye usenubok oro ke mbak eto oro ke Palmyra.

Emi edi akpaniko ufok Abasi eke Jesus Christ. Edi ke mme ukpohore itie oku emi President Thomas S. Monson akamade kpot ke odudu odu ndidian nnyin nte mme ufok idung ke nsinsi ye Ete nnyin ke Heaven ye Obong Jesus Chrsit. Nnyin iyeda ke Usen Ikpe ke iso Andinyanga, iso ye iso. Enyedi ini idara ono mmo emi ekesangade ekpere Enye ke utom unwam Esie ke uwem emi. Idara eyedu nte idikopde mme iko emi: “Amenam ofon, afo eti asanga utom ye owo akpaniko.”¹⁹Ami nting iko ntiense nte ntiense kiet kabanga ediset ke mkpa eke Andinyanga ye Andifak nnyin ke enying Jesus Chrsit, amen.