Luti ke Pacl Lasr uh

Lesin luhn Melchizedek Pristut ac U luhn Muhtwacn in Kahsruh ke Sacnri ahkahkosr uh tuhfah orek ke “Teaching for Our Time.” Kais sie lesin kuh in ahkoeyucklac ke soko sramsram kuh in puhs liki ma orek ke toeni luhlahp ma tuhfahna tari ah. (liye atacn tahk se ten an). Prestuhn luhn stek ac tisrik kuh in sulaclah sramsram ma in orekmakihnyuck uh, kuh elos kuh in sang kunohkohn se inge nuh sel pisap ac prestuhn luhn pracns. Mwet kol uh enenuh in ahkkahlwemye yohk srihpen mukul ke Melchizedek Pristut ac tahmtahel ke U luhn Muhtwacn in Kahsruh lutlutkihn sramsram sacpacna ke Sacnri sacpacna.

Elos suc wi lesin ke Sacnri-ahkahkosr ah ahkkweyeyuck in lutlutkihn ac use nuh ke kuhlahs mackuhsin ke toeni luhlahp ma tuhfahna orek uh.

Ma tohuyak nuh ke ahkoeyacn Lesin se ke Sramsram uh

Pruhe tuh Nguhn Muhtahl fah wi kowos ke kowos e lutlutkihn ac luti sramsram (uh). Kowos kuh in srihfucsryuck in orekmakihn kuhfa sahyac in ahkoo lesin an, tuhsruhk sramsram ke toeni uh pa ohiyacn luti se ma ahkkweyeyucklac uh. Kunohkohn lowos an pa in kahsruh mwet sahyac in etuh ac moulkihn wosasuc uh ke lutiyuck ke toeni luhlahp luhn Alu uh ma tuhfahna orek uh.

Sifil liye sramsram (uh), liye ke ip yohk ac mwe luti ma sun enenuh luhn mwet ke kuhlahs an. Suk pac ke pohloh sramsram, ma kahlwem ke ma suhmuhslah, ac pohloh fahk ke sramsram uh ma ac fah kahsrwe kowos luti ma pwacye uh.

Oruh sie tahk an ke ohiyacn luti ke ip yohk ac mwe luti uh. Nuhnkuh in sang kihsen siyuck ma kahsruh mwet ke kuhlahs an:

Suk ke ip yohk ac mwe luti ke sramsam (uh).
Nuhnkuh ke kalmeyac lalos.
Akacsruhi ke etuh, mwe nuhnak, ma puhlakihnyuck, ac fahkwack luhlahlfongi an.
Orekmakihn ip yohk inge ac mwe luti uh ke moul lalos an.

Mahlwem Ma Lesin uh Lutiyuck	Kuhfa luhn Lesin ke Sacnri-Ahkahkosr
Eprel 2013–Ohktohpa 2013	Sramsram oreklac ke toeni luhlap ke Eprel 2013*
Ohktohpa 2013–Eprel 2014	Sramsram oreklac ke toeni luhlap ke Ohktohpa 2013*