Talofa! O a’u o Enkhjin A.

mai Monokolia

O le a lau mea e te fiafia e fai faatasi ma lou aiga? E fiafia Enkhjin A., e 8 tausaga, mai Monokolia e asiasi i nuu maotua faatasi ma lona aiga ma tau vine vao ma strawberries.

E leai ni a’u fagafao, e ui lava ou te manao lava i se tamai maile. O nisi taimi matou te asiasi ai i nuu i tua, lea ou te vaai ai i povi, mamoe, kamela, solofanua, ma oti. I le taimi o le taumalulu, ou te fiafia e fai tamaloloa aisa iina. O lea matou te iinei ma lo’u tuagane ma se uo i le Turtle Rock i le Terelj National Park.

Ou te lagona le fiafia pe a mafuta faatasi lo’u aiga. Matou te fiafia e fai afiafi faaleaiga ma o i le lotu i vaiaso uma lava. Matou te faitau foi i le Tusi a Mamona ma tatalo faatasi i aso uma. O mea nei e fesoasoani e faamalosia ai lo’u aiga.

Matou te nonofo ma lo’u tina, tama, ma tuagane e toalua i Ulaanbaatar, le laumua o Monokolia. E tasi miliona tagata e nonofo i le matou aai! Matou te nonofo i le fogafale lona 12 o se fale mautotogi.

I le ata lenei, o loo o’u faitauina se tala i lo’u tuagane. Ou te fiafia tele e faitau tusi! O loo o’u i ai i le vasega tolu. Ou te fiafia foi i le matematika ma le tusiata. O se tasi o a’u uo i le vasega e le o se tagata o le Ekalesia, ae sa ou aoaoina o ia e uiga i le Upu o le Poto ma fai atu ia te ia e inu le susu nai lo le kofe po o le lauti. Sa ou aoaoina foi o ia i le ala e tatalo ai i le Tama Faalelagi, aua sa ia le iloaina. Sa ou valaauliaina foi o ia i le afiafi faaleaiga i lo’u fale.

Ata mai faaaloaloga a le aiga o Enkhjin; ata na tusia e Brad Teare