Mwet Fuhsr
Mokleyuck ke Luhlahlfongi
Mwet se ma suhmuhslah uh muhta North Carolina, USA.
Nga fah tiac muhlkuhnlah ke nga forfor rauni acn se fin acn Winter Quarters, Nebraska, USA, acn se ma payonir ah muhta we ke yac puhs somlah ah. Infohk sac muhtahl, apkuhran in muh nga muhtwacta ke sie lihkihnum ke tempuhl.
Muhtuhk sesseslah ke sronin muhta, ohkohk ngetngwetuhk. Nga liyacack sie ma srolwaclah tuhsruhk tiac kuh in liye wo lah ma fuhkah se. Ke nga elah sronin muhtuhk ah, nga liyacack mukul se ac muhtwacn se suc muhtahltahl sesseslah ke toasr. Ke nga lohacng nuh kac ah, nga liyacack sie ahwowo oan ke sie kuclyuck ke niyacltahl.
Acn se nwekyuclac ke puhla pucspucs: ahsor, kasrkuhsrak, sruikihn, ac engan. Nga ke eislah ngal ma elos Mwet Luhlahlfongi ah puhla ah, tuhsruhk nga tarilacna pac kac ke ma elos kihsackuhnlah ke wosasuc uh.
Ma nga puhlakihn ke Winter Quarters uh kahsrweyuc akihlen lah Pahpah Lucng El sang wosasuc uh nuh sin tuhlihk Nahtuhl ac lwelah nuh selos in sukohsohk in oruh kac ke luhngse lalos. Pahpah ninac kiyacn ahwowo sac kuh in sulaclah in eis sie inkacnek fihsrwacsr. Ukweyacn mwet pahluh ac moulkihn wosasuc uh enenweyuck payonir inge in ahkwot nuh met finne kalmeyac uh pa in pihkihnyac tuhlihk nahtuhlos uh. Tuhsruhk elos sulaclah in eis wosasuc uh nuh ke moul lalos uh ac inseselac ke ma upac lalos uh. Nga etwaclah lah moniyuck luhn Mwet Luhlahlfongi nuh ke wosasuc ac oaru lalos in ahkwot nuh met uh mokleyuck ke luhlahlfongi ac finsrak—finsrak nuh ke sie pacl kahlwem tok ac luhlahlfongi lah Leum El etwacltahl ac kuh in ahkfihsrwacsrye ngal lalos.