2013
Luti ac Lutlutkihn Wosasuc uh
July 2013

Pweng ke Forfor Luti, Julahe 2013

Luti ac Lutlutkihn Wosasuc uh

Lutlutkihn kuhfa inge ac, ke pacl fal, sramsramkihn yurin tahmtahel ma kowos muhtwacta nuh yohroh an. Orekmakihn kihsen siyuck an in kahsrwe kowos ahkkweye tahmtahel wiyowos an ac in oruh Rilif Sosaiti in ip utuftuf se ke moul lowos sifacna an. Nuh ke kuhtuh pac ma in etuh, som nuh ke www.reliefsociety.lds.org.

Luhlahlfongi, Sucu, Kahsruh

Jisus Kraist pa sie mwet luti yohk etuh la. El akiyac mwe srihkasrak nuh sesr ke El luti muhtwacn puhs ac kais sie, inkacnek uh ac ke pe kof uh, ke lohf in kof ac lun lohm selos. El ahkkahlwemye luhngse-kuhlwacng nuh selos ac onweloslac ac mwet ke sucu lalos uh.”1

El lotwel Martha ac Mary ac “solwacltahl in oruh mwet tuhma lutlut Lal ac eis ke molwelah, ‘ma se ma wo uh’ [Luk 10:42] suc ac fah tiacna itucklac luhkwel.”2

Ke ma suhmuhslah nahtuhsr ke lwen-sahflah uh, Leum El sapkihn nuh sesr in luti sie sin sie mwe luti luhn tohkohsrahi uh ( liye D&C 88:77). Cheryl A. Esplin, mwet in kahsruh se ahkluo ke prestuhnsi luhlahp ke U luhn Tuhlihk Srihsrihk uh, luti ke lutiyac ac lutlutkihn mwe luti uh in fahk, “Lutlutkihn in etuh wo mwe luti ke wosasuc uh pa sie ohiyac kalweniyuck ke moul lasr nohfohn ac tuhkuh ip nuh ke ip, nuhnak nuh ke nuhnak, kuhtuhsrihk ngwe ac kuhtuhsrihk ngoh ( liye 2 Nephi 28:30).”3

Ke kuht etuh, lutlutkihn, ac pruhe uh, kuht ac luti ke kuh luhn Nguhn Muhtahl, suc fah suhpwaclihk pweng “nuh insiyacn tuhlihk nuhtin mukul [ac muhtwacn]” ( liye 2 Nephi 33:1).

Ke Ma Suhmuhslah uh

Alma 17:2–3; 31:5; Doctrine and Covenants 42:12–13; 84:85

Ke Sramsram Mahtuh Lasr

Mwet pahluh somlah lasr ah ahkacsmakihnye kuht muhtwacn uh lah oasr kunohkohn yohk srihpac se lasr in oacna mwet luti lun lohm ac Alu uh. Ke Septempuh 1979, Prestuhn Spencer W. Kimball (1895–1985) el siyuck sesr in ekihn“tahmtahel lutlut ke ma suhmuhslah uh.” … In yohk etuh la ke ma suhmuhslah uh—tiac in oruh mwet sahyac puhla koluk, tuhsruhk in kahsrwelos!” Tukun ma nuh kwewa, suc oasr enenuh yohk la in ‘sekoi’ ma pwacye ke wosasuc (ke ma elos kuh in pahng ke puhlan pacl enenuh lalos) liki muhtwacn ac ninac suc oruh arlac yohk tuhfweyac ac lutiyac uh?4

Kuht nuh kwewa mwet luti ac mwet lutlut. Ke kuht luti ke ma suhmuhslah uh ac ke kahs luhn mwet pahluh moul lasr uh, kuht kuh in kahsruh mwet sahyac uh in tuhkuh nuh yurin Kraist. Ke kuht eiskuhtyang in lutlut ke in siyuck kihsen siyuck oasr kalmac uh na lohng uh, kuht kuh in sokwack top ma sun enenuh lasr kais sie uh.

Meac Nga Kuh In Oruh Uh?

  1. Nga ahkolah fuhkah in sie mwet luti wowo?

  2. Kuh nga fahkwack luhlahlfongi luhk nuh sin tahmtahel nga karihngihn uh?

© 2013 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/12. Ahkkweyeyucklac ke lweng: 6/12. Lwenglah luhn Visiting Teaching Message, July 2013. Kosraean. 10667 868

Mwe kahsruh

  1. Daughters in My Kingdom: The History and Work of Relief Society (2011), 3.

  2. Daughters in My Kingdom, 4.

  3. Cheryl A. Esplin, “Teaching Our Children to Understand,” Liahona and Ensign, May 2012, 12.

  4. Spencer W. Kimball, ke Daughters in My Kingdom, 50.