Fal’ Yangren
Pining’ngaen niyib ko Mich
Facha ni yoloy fare babyor e ma paer u North Carolina, USA.
Dabgu pagtilin ni gube sayanyan u rom u Winter Quarters, Nebraska, USA, ko gin ni paer boch e pioneer riy’ kafram. Ma rigi’nem ea gu thamiy nib thothup, wad ni gube yan nga ba temple nibay u waen.
Mesug owcheg ko lu’, nibe athath ea sap rog. Kugguy ba statue machane daryog ni ngug guy ko ba ya’an bamang. Nap’an nigu fi’king e lu’ rog, mugguy ba pum’on nge bee nib bpin nib kirbaen owch’row. Nap’an nug sap nib chuchugur boch, mugguy ya’an ba bitir u lane loew u but’ u charan ayrow.
Ra sap nam e suguyeg ko boch e thamtham nib yo’or: kirbaen, domomuw, magaer, nge falfalaen’. Gu athpeg ni ngug chuweg e amith nibe thamiy e pi Gidii’en Got nam, machane gu pining e magaer ngay ko chingiyal nam ko nen nikar maligach nag nifan fare gospel.
Nen ni buch rog u Winter Quarters e ke ayuwegeg ni ngug guy ni Chitmangdad nu Tharmiy ea ma pi’ fare gospel ngak pifak me pagrad ni ngar fanayed fare puf mat’awoy I dugliy a nuy ni ngan rin ngay u rogon niyad ba’adag. Fare galilabthir kore tir nam ea rayog ni ngar melegew reb e kanawo nib mom boch. Lak fare profet nga fol ko fare gospel e t’uf rok fapi pioneers ni ngar piyed nga m’on dariy’ fan fa’anra fan e ngar keyaged e bitir rorad. Machane kar meleged ni ngar feked fare gospel nga lane yafos rorad ere kar feked fapi magawon rorad. Kug fil ni yul’yul’ ko fapi Gidii’en Got ko fare gospel nge dugil u wun’rad ni ngar piyed nga m’on ea be yan u rogon e mich nge athap—athap ko reb e rran nga m’on nib mangil nge mich ni manangrad Somoel ma rayog ni nge mom nag e kirbaen rorad.