Visiting Tijing Mesej, Julae 2013

Tijing mo Lanem Gospel

Wetem prea, stadi long toktok ia, mo olsem we i stret, toktok raon long hem wetem ol sista we yu stap visitim. Yusum ol kwestin blong helpem yu blong mekem ol sista blong yu oli kam strong moa mo blong mekem Rilif Sosaeti i kam wan aktiv pat long laef blong yu. Blong kasem moa infomesen, go long reliefsociety.lds.org.

Fet• Famle • Help

Jisas Kraes i wan masta tija. Hem i soem eksampol long yumi taem hem i “tijim ol woman long ol bigfala grup mo wanwan, long rod mo kolosap long solwota, long wel blong wota mo long ol haos blong olgeta. Hem i soem fasin blong gat lav mo stap kaen long olgeta, mo mekem olgeta mo ol memba blong famle blong olgeta, oli kam oraet bakegen.”¹

Hemia tijim Mata mo Meri mo “invaetem [tufala] blong kam ol disaepol blong hem o kasem fasin blong sevem man, ‘gud pat ia’Luk 10:42we bae i neva kamaot long olgeta”²

Long ol skripja blong yumi tedei, Lod i komandem yumi blong tijim wanwan long yumi long doktrin blong kingdom (luk long D&C 88:77). Long saed blong tijim mo lanem doktrin, Jeril A. Esplin, seken kaonsela blong Praemeri jeneral presidensi, i talem: “Blong lanem blong save gud ol doktrin blong gospel hem i wan rod blong folem long ful laef mo i kam ‘tijing folem tijing, rul folem rul,smol long ples ia mo smol longwe’ (2 Nifae 28:30).”³

Taem yumi stap lanem, stadi, mo prea, bae yumi tij wetem paoa blong Tabu Spirit, we bae i karem ol toktok ia “igo long ol hat blong ol pikinini blong ol man [mo woman] (2 Nifae 33:1).

I Kamaot long Ol Skripja

Alma 17:2–3; 31:5; Doctrine and Covenants 42:12–13; 84:85

I Kamaot long Histri blong Yumi

Ol profet blong yumi blong bifo oli mekem yumi, olsem ol woman, yumi tingbaot se yumi gat wan impoten diuti olsem ol tija long hom mo long Jos. Long Septemba 1979, Presiden Spensa W. Kimbol (1895-1985) i askem yumi blong kam ol “sista blong skripja.” Hem i se: “Blong kam wan man blong stadi long saed blong skripja—!i no blong putum ol narawan daon, be blong leftemap olgeta! Long en, hu i gat eni nid blong ‘kipim gud’ ol trutok blong gospel (blong oli save lukluk long hem long ol taem blong nid) bitim ol woman mo ol mama we oli lukaotem moa mo tijim moa ol pikinini.”⁴

Yumi evriwan i ol tija mo man we i stap lan. Taem yumi tij wetem ol skripja mo ol toktok blong ol profet blong yumi we oli stap laef, yumi save helpem ol narawan blong kam long Kraes. Bae yumi stap long rod blong lanem samting taem yumi askem ol kwestin we i gat mining, mo afta, taem yumi lisin, yumi save faenem ol ansa we oli stret wetem ol nid blong yumi.

?Wanem Mi Save Mekem?

?Olsem Wanem Bae Mi Rere Blong Kam Wan Gud Tija?
?Mi mi stap serem testimoni blong mi wetem olgeta sista we mi stap lukaot long olgeta?

© 2013 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/12. Oli letem translesen: 6/12 Translesen blong Visiting Teaching Message, July 2013. Bislama. 10667 852