Etop eke visiting Teaching, eke Ofiong ITIABA ke isua 2013

Ndikpeb nkpo nyung Mbo Ukpeb iko Abasi

Bong akam kpeb nkpo emi ndien, nte odotde, nneme emi ye mme ndito eka iban emi mbufo ekesede mmo. Da mme mbume ndinwam fi osongo mme ndito eka iban mbufo idem nnyung nam mboho Nka Iban enyene eti idaha ke uwem mbufo. Ke oyomde ndifiok awak, ka ke relief society.lds.org.

Mbuotidem, Ufok Idung, Unwam

Jesus Christ ekedi akwa andikpeb. Enye ama ono nnyin uwut-nkpo nte Enye “ekekpebde mme iban ke otu owo ye ke idem mmo kiet kiet, ke efak ye ke mben inyang, ke obube mmong ye ke ufok mmo. Enye ama owut mmo ima-mfonido onyung okok mmo udongo ye mmo emi edude ke ufok mmo nko.”¹

Enye ama ekpeb Martha ye Mary onyung “okot mmo ndidi mbet Esie ndinyung ntabi erinyanga ukpong, ‘emi edide eti udeme’ [Luke 10:42]emi owo midiboho mmo mfeb.”²

Ke nwed Abasi eke ukpere edem ini nnyin emi, Abasi ono nnyin ibet ete “ikpeb kiet eken ukpeb nkpo eke obio ubong.” (D&C 88:77). Ke ndifiok nyung mkpeb iko Abasi, Cheryl A. Esplin, udiana ono-item iba ke Primary general presidency, eketing ete “Ndikpeb man enyene oyoho ifiok abanga iko Abasi edi nkpo ofuri eyo uwem nnyin ndien edi ‘ke nde ke nde, ibet ke ibet, esisit mi, esisit ko ‘(2 Nephi 28:30).”³

Nte nnyin ikpebde, inyung ibong akam, nnyin iyekpeb ke odudu Edisana Spirit emi edimende etop “emi isin ke esit ndito owo, eren [ye iban]’ 2 Nephi 33:1.

Emi oto ke mme Nwed Abasi

Alma 17:2–3; 31:5; Doctrine and Covenants 42:12–13; 84:85

Emi oto Mbuk Eset Nnyin

Mme prophets emi ekebede ema eti nnyin ibiongutom emi inyenede nte iban ke ndikpeb nkpo ke ufok idung nnyin ye ke ufok Abasi. Ke Ofiong Usukkiet ke isua 1979, President Spencer W. Kimball (1895–1985) ama odoho kpukpru iban ete edi “mme ofiok iko Abasi.” Eyen okodoho ntem “Mbufo edi mme ofiok iko Abasi—idige ke ndifik mbon efen, edi ke ndimenere mmo ke enyong! Ke nditim nting, anie enyene akwa ufon ke ndifiok akpaniko emi odudu ke iko Abasi (emi mmo ekemeke ndida nnam nkpo ke ini unana mmo) akan mme iban ye mme eka emi utom ukama ye ukpeb odude mmo ke ubok?⁴

Kpukpru nnyin idi mme andikpeb ye mmo emi eyomde ukpeb. Kini nnyin ikpebde nkpo oto ke Nwed Abasi ye iko mme odu-uwem prophets, nnyin iyenwam mbon efen nditiene Christ. Adanga ini eke nnyin iyomde ukpeb nkpo ke edibup eti mbume nyung nno mkpangutong, nnyin iyebo iboro ke nkpo eke afinade nnyin.

Nso Ke Ami Mkpenam?

Didie ke Ami nnyene mbengeidem ndidi eti andikpeb?
Nte Ami mmebuana iko ntiense mmi ye iban eke Ami nsede nkpo mbanga?

© 2013 eketode Intellectual Reserve, Inc. Ekpeme kpukpru mme uneen. Ekeming ke USA. Enyimme eming ke Iko Mbakara: 6/13. Ndikabare: 6/13. Ndikabare etop eke Visiting Teaching Message, July 2013. Efik. 10667 553