Naan in Katak an Kōrā, Juļae 2013

Katakin im Ekkatak Ko̧jpeļ eo

Lukkuun ekkatak katak in im, n̄e ekkar, kōnono kake ippān kōrā ro jeim ak jatim kwoj loļo̧k. Kōjerbal kajjitōk ko n̄an jipan̄ eok kōkkajoorļo̧k kōrā ro jeim im jatim, im n̄an kōm̧m̧an bwe Doulul eo an Kōrā en m̧ōttan eo emourur an mour eo am make. N̄an meļeļe ko reļļapļo̧k, etal n̄an reliefsociety.lds.org.

Tōmak, Baam̧le, Deeor

Jisōs Kraist eaar juon rūkaki m̧aajta. Eaar kwaļo̧k waanjon̄ok eo n̄an kōj āinwōt E “eaar katakin kōrā ro ilo jarlepju ko im barāinwōt kajjojo, ilo iaļ eo im pārijet, ilo aibōj laļ eo im ilo m̧ōko m̧weer. Eaar kwaļo̧k iakwe jouj ņae er im kōmour er im ro uwaan baam̧le ko aer.”¹

Eaar katakin Martha im Mary im “karuwaineneik er n̄an erom rikaļoor ro An im bōk m̧ōttan lo̧mo̧o̧r’ [Luk 10:42] im jāmin bōkļo̧k e jān e.”²

Ilo jeje ko ad rekwojarjar rainin, Irooj ej kakien kōj n̄an katakin doon katak eo an aelōn̄ in kiin̄ eo (Lale D&C 88:77). Jen katakin im ekkatak katak eo, Cheryl A. Esplin, rikakpilōklōk eo kein karuo ilo būreejtōnji eo eutiej an Būraimere eaar ba, “Ekkatak n̄an likio in meļeļe katak ko an ko̧jpeļ eo ej juon jerbal an juon tōre im ej itok ‘lain im bar lain, naan in kain̄i im bar naan in kain̄i, ijin jidik im ijuweo jidik’ (2 Nipai 28:30).”³

Ilo ad ekkatak, katak, im jar, jenaaj katakin kōn kajoor eo an Jetōb Kwojarjar eo, eo enaaj bōkļo̧k ennaan eo “n̄an buruōn ro nejin armej” (2 Nipai 33:1).

Jān Jeje ko Rekwojarjar

Alma 17:2–3; 31:5; Doctrine and Covenants 42:12–13; 84:85

Jān Bwebwenato eo Ad

Rikanaan ro ad etto raar kakeememej kōj āinwōt kōrā ro bwe ewōr juon ad eddo eaorōk āinwōt rūkaki ro ilo m̧weo im Kabun̄ eo. Ilo Jebtōm̧ba 1979, Būreejtōn Spencer W. Kimball (1895–1985) eaar kajjitōk ippād “sister scriptorians.” Eaar ba: “Erom rijeļāļo̧kjeņ kōn jeje ko rekwojarjar—ejjab n̄an lelaļ ļo̧k ro jet, ak n̄an lelōn̄ ļo̧k er!” Ālkin men otemjej, eo eļap aikuj ippān n̄an ‘kaorōke’ m̧ool eo an ko̧jpeļ eo (eo emaron̄ in kūri ilo iien aikuj ko aer) jān kōrā im m̧am̧a ro eļap aer kaajriri im katakin.”⁴

Kōj rej aolep rūkaki ro im rikatak ro. N̄e jej katakin jān jeje ko rekwojarjar im naan ko an rikanaan ro remour, jemaron̄ jipan̄ ro jet itok n̄an Kraist. N̄e jej pād ilo jerbal in ekkatak jen kajjitōkin kajjitōk ko ewōr tokjāer innām ron̄jake, jemaron̄ lo uwaak ko rej uwaak aikuj ko ad make.

Ta Eo Imaron̄ Kōm̧m̧ane?

Ekōjkan aō m̧aanjebpopo n̄an erom juon rūkaki em̧m̧an?
Ij aikuj ke kwaļo̧k naan in kam̧ool eo aō ippān sister ro ij kōjparok er?

© 2013 jen Intellectual Reserve, Inc. Aolep Jim̧we ko rej pād ippān. Jeje ilo USA. Kōmālim ilo kajin Pālle: 6/12. Kōmālim an ukook: 6/12. Ukook eo an Visiting Teaching Message, July 2013. Marshallese. 10667 874