iTabagone

Dikeva Lesu

E cavuta o Peresitedi Eyring na vosa nei Peresitedi Spencer W. Kimball (1895–1985) ena nona a kaya “na ivolaniveisiga e dau toqai kina na veivakalougatataki eda ciqoma kei na biu tu mai ni ivolatukutuku ni veivakalougatataki oqo vei ira na noda kawa.” Ena koniferedi raraba ni Okotova 2012, a wasea kina o Peresitedi Thomas S. Monson na nona ivakadinadina ena volai ni ivolaniveisiga. A wasea okoya eso na ka a sotakaya ena nona bula ka kaya vaka oqo, “na noqu ivolaniveisiga, ka maroroi tu mai ena veiyabaki oqo, e sa vukei au ena vakarautaki ni so na ka matalia ka’u kila ni’u na sega ni nanuma rawa kevaka au a sega ni vakavola taumada. E a veivakasalataki, “Dikeva lesu na nomu bula ka vakaraica vakatabakidua na veivakalougatataki, lelevu ka lalai, ko sa ciqoma oti” (“Vakasamataka na Veivakalougatataki,” Liaona kei na Ensign, Nove. 2012, 86). Vakamuria na nodra ivakasala na parofita oqo ka navuca mo dau volavola ena ivolaniveisiga.