Lamharon

Listaha

Si Pangulong Eyring nagasambit kay Pangulong Spencer W. Kimball (1895–1985) nga nagasiling nga “ang mga journal isa ka paagi sa pag-isip sang aton mga bugay kag sa pagbilin sang isa ka listahan sining mga bugay para sa aton mga kaliwatan.” Sa general conference sang Oktobre 2012, si Pangulong Thomas S. Monson naghatag sang iya panaksihon parte sa pagsulat sa journal. Nagpaambit sia sang pila ka mga eksperiyensya gikan sa iya kabuhi, nga nagasiling, “Ang akon adlaw-adlaw nga journal, nga ginatipigan sa sulod sining mga tinuig, nakabulig sa paghatag sang mga detalye nga [kon wala ko ginsulat] daw halos indi ko gani madumduman.” Naglaygay sia, “Binag-binaga ang inyo kabuhi kag pangitaa gid ang mga bugay, dalagko kag magagmay, nga inyo nabaton” (“Consider the Blessings,” Liahona kag Ensign, Nob. 2012, 86). Tinguhai nga sundon ang laygay sining mga propeta kag maghimo sang goal nga magsulat sa inyo journal.