Etop eketode First Presidency, Ofiong Itiaita Isua 2013
Diongo, Ti, ndien Nno Ekom
Abasi oyom ete nnyin ino Enye ekom ke mme edidiong emi nnyin ibode ito Enye. Emem ono nnyin ndikabare nno ekom ke mme akam nnyin, ndifiak nting ukem-ukem iko oro edi idige ke uduak ndino mme ekom nnyin nte iyak ke ofuri esit ino Abasi. Nnyin inyene “ndino ekom… ye Spirit” (D&C 46:32) man nnyin ino ata ekom ke nkpo se Abasi okonode nnyin.
Didie ke nnyin iditi ekpedi ubak ke ofuri se Abasi akanamde ono nnyin? Apostle John ekewet se Andinyanga ekekpebde nnyin abanga eno nditi nkpo emi otode eno Edisana Spirit: “Edi iberedem, kpa Edisana Spirit, emi Ete edinode edi ke enying mi, enye eyekpeb mbufo kpukpru nkpo, onyung anam mbufo eti kpukpru se Ami nketingde nno mbufo” (John 14:26).
Edisana Spirit esifiak anwam nnyin nditi abanga nkpo se ikebede emi Abasi ekekpebde nnyin. Ndien usung kiet emi Abasi esikpebde nnyin edi ke mme edidiong esie; ndien nko, edieke nnyin imekde ndinyene mbuotidem, Edisana Spirit eyenam nnyin iti ediwak mfonido Abasi.
Mbufo emekeme ndidomo oro ke akam mfin emi. Mbufo emekeme ndinam item emi “Mbufo enyene ndikom Jehovah Abasi mbufo ke kpukpru nkpo” (D&C 59:7).
President Ezra Taft Benson (1899–1994) okono ekikere ete ke akam esiwut ini man enam oro. Enye okodoho ete: “Prophet Joseph eketing ini kiet ete ke kiet ke otu akamba idioknkpo emi mme Latter-day Saints enamde edue edi idioknkpo eke unana esit ekom. Ami nse nte ke ediwak nnyin isikereke ete ke oro edi akamba idioknkpo. Odu akwa udong ono nnyin ke akam ye ebenge nnyin ndibup Jehovah nyom mme edidiong efen. Edi ediwak ini Ami nkere nte ke nnyin ikpesin idem okposong ke akam ndiwut ekom ye eno-ekom ke mme edidiong emi ikebemde iso ibo. Nnyin imedara kabanga ediwak.”1
Mbufo emekeme ndinyene oruk ukpeb emi ye eno eke Edisana Spirit mfin emi. Mbfuo emekeme nditongo ke akam ekom. Mbufo emekeme nditongo ndibat edidiong mbufo ndien etre ke esesit ini. Edieke mbufo enyenede mbuotidem, ye eno eke Edisana Spirit, mbufo eyeti nte mme edidiong eken ofiorode oyoho ekikere mbufo. Edieke mbufo etongode ke ndiwut ekom nno mmo kiet kiet, akam mbufo eyebighe esisit akan nte ekeside. Nditi eyedi, nko ye ekom.
Mbufo emekeme ndinam ukem-ukem nkpo oro nte mbufo ewetde esin ke ntongo journal mbufo. Edisana Spirit esinwam mme owo ye oro totongo ke editongo ini. Mbufo emeti ke nwed Moses eting ete, “Ndien ema enim nwed editi, emi ekewetde, ke usem eke Adam, koro ekeno adanga ibat owo ekeyomde Abasi ndiwet ke odudu spirit.” (Moses 6:5).
President Spencer W. Kimball (1895–1985) eketing owut usung ndiwet nkpo oro: “ Mbio ekenimde nwed editi eyekeme nditi Jehovah kpukpru usen ke uwem nmo. Mme journals edi usung kiet ndibat mme edidiong nnyin ye ndiyak nwed ibat eke mme edidiong emi inim ino ndito ini iso nnyin.”2
Nte mbufo etongode ndiwet, emekeme ndibup idem mbufo, “Didie ke Abasi okodiong mi ye mbio eke ami mmade mfin emi?” Edieke mbufo enamde oro awak ye mbuotidem, mbufo eyekut nte etide ediwak edidiong. Ndien ediwak ini mbufo eyenyene eno eke edifiakde idi ekikere mbufo emi mbufo miketighe ke edem edi oro ke mbufo edifiok ete ke ekedi ubok Abasi ke uwem mbufo.
Ami mbenge nte yak nnyin ikaka iso ye mbuotidem ndidiongo, nditi, nnyung nno ekom ke se Ete nnyin ke Heaven ye Andiyanga nnyin ekenamde enyung enamde ke ndibere usung nnyin ndinyong ufok ntiene Mmo.
© 2013 eketode Intellectual Reserve, Inc. Emenim kpukpru mme unen. Ekeming ke USA. Enyimme eming ke Iko Mbakara: 6/13 Enyimme Ndikabare: 6/13 Ndikabare Etop eke First Presidency Message, August 2013. Efik 10668 553
Ukpeb nkpo eketode Etop Emi
Ke etop esie, President Eyring oyom nnyin ete iti mme mfonido eke Ete ke Heaven ke mme akam nnyin. Nneme ye mbio emi mbufo ekpebde kabanga usung ndibong akam ye ekom ekemede ndinwam nnyin ndikut unwam Abasi ke uwem nnyin. Kere banga nditong edong mbong akam ye mbio emi mbufo ekpebde ndien doho owo eke edibongde akam ete enye obong akam ekom kpot.
Mbufo nko emekeme ndidungo ufon ekom ke ndikot mme ufang nwed emi diana ye mme ufang eke President Eyring akasiakde: Psalm 100; Mosiah 2:19–22; Alma 26:8; 34:38; Doctrine ye Covenants 59:21; 78:19; 136:28.