2013
Nsongidem
August 2013

Etop eke Visiting Teaching, Ofiong Itiaita ke Isua 2013

Nsongidem

Bong akam kpeb nkpo emi ndien, nte odotde, nneme emi ye mme ndito eka iban emi mbufo ekesede mmo. Da mme mbume ndinwam fi osongo mme ndito eka iban mbufo idem nyung nnam mboho Nka Iban enyene eti idaha ke uwem mbufo. Ke oyomde ndifiok awak, ka ke reliefsociety.lds.org.

Mbuotidem, Ufok Idung, Unwam

Ntak emi enamde utom nsongidem ke Ufok Abasi edi man enwam members ndida-ke-idem, ndise mme ubuene ye mbio unana enyin, nnyung nno unwam. Utom Nsongidem edi ata akpan utom eke Nka Iban. President Henry B. Eyring, Akpa Ono-item ke First Presidency; ekekpeb ete:

“[Jehovah] ke editongo ini ama owut usung eke mbet Esie edinwamde. Enye ama asian nsito Esie ete eno ini mmo, inyene mmo ye idem mmo man ebuana ye Enye ke ndinwam mbio efen. …

“Enye ama asian onyung eteme nnyin ete inam utom Esie ke ndimenede mbio unana. Nnyin ima inam ediomi ndinam oro kini inade baptism ye ke mme ndisana temple Abasi. Nnyin ifiak idemere ediomi oro ke kpukpru usen Ederi kini nnyin idiade udia Obong.”1

Ke idak ndausung eke bishop ye branch president, nyobio owo enwam ke utom nsongidem eke ukpong ye ke obukidem. Mme ufang ndinwam esitongo ye mme visiting teachers ekeyomde ifiok spirit ndidiongo usung nte ekpenwamde ke mme unana eke ndito eka iban kiet kiet emi mmo ekesede.

Emi oto ke mme Nwed Abasi

Luke 10:25–37; James 1:27; Mosiah 4:26; 18:8–11; Doctrine and Covenants 104:18

Emi oto Mbuk Eset Nnyin

Ke June 9, 1842, Prophet Joseph Smith eketeme mme ndito eka iban ke Nka Iban ete “enwam mme ubuene” enyung enyanga mme ukpong.”2 Mme uduak emi osuk edidi ata utom eke Nka Iban ndien emen ewut ke iko ibuot nka oro, “Ata ima isikpaha mba” 1 Corinthians 13:8).

Ada ibuot Nka Iban oyohio ition nnyin, Emmeline B. Wells, ye mme ono-item esie ekedemere iko ibuot emi ke isua 1913 nditi kabanga edisiak ndaha nnyin: Nnyin ibiere ete ke edi utom nnyin ndi …..[mum] nti ukpeb eke Prophet Joseph Smith nkama kini enye akayarade uduak emi iban edibode odudu eto ikoot eke itie oku ndidiana ke mme nka eke odotde man ese mbio udongo enyin, enwam mbio unana, edong mme nkani owo esit, eduat mme andiyoyo, enyung ebook ndito akpa.”3

Mfin emi Nka Iban esim ofuri ererimbot kini ndito eka iban enode ata ima, edisana ima eke Christ, esok mme mboho idung mmo (kese Moroni 7:46–47).

© 2013 eketode Intellectual Reserve, Inc. Emenim kpukpru mme unen. Ekeming ke USA. Enyimme eming ke Iko Mbakara: 6/13. Enyimme Ndikabare: 6/13. Ndikabare etop eke Visiting Teaching Message, January 2013 Efik 10668 553

Nkpri Nwed

  1. Henry B. Eyring, “Mme Ufang Ndinam Eti Nkpo,” Liahona and Ensign, May 2011, 22.

  2. Joseph Fielding Smith, ke Ndito Iban ke Obio Ubong Mi: Mbuk Eset ye Utom eke Nka Iban Ufok Abasi (isua 2011), 63.

  3. Ndito Iban ke Obio Ubong mi, 63.

Nso Ke Ami Mkpenam?

  1. Didie ke Ami mbengeidem ndise idem mi enyin ye mbio ufok idung mi ke spirit ye ke obukidem?

  2. Didie ke Ami ndikeme nditiene uwutnkpo eke Andinyanga kini Ami nnwamde ke ndiyo mme unana eke ndito eka iban eke Ami nsede enyin?