Pweng sin Prestuhnsi Se Met, Ohkohs 2013
Akihlen, Esam, ac Sang Kuloh
God El siyuck sesr in sang kuloh nuh Sel ke mwe insewowo nuh kewa kuht eis Sel me. Fihsrwacsr nuh sesr in muhtwacwacack in tiac puhlakihn ke pruhe in kulohkihn lasr, kwacna kalweni kahs inge tuh tiacna fahk ke inse pwacye in sang kuloh lasr oacna sie mwe sang ke insiac nuh sin God. Kuht enenuh in sang kuloh ke Nguhn (liye D&C 46:32) na kuht kuh in puhla tarilacna na pwacye ke ma God El use nuh sesr uh.
Kuht kuh in esam ip se ke ma nuh kwewa God El orwaclah kacsr uh fuhkah? Mwet Sap John el suhmuhslah ma Mwet Lahngo el luti kuht ah ke mwe sang luhn esam ma tuhkuh ke mwe sang luhn Nguhn Muhtahl: “Nguhn Muhtahl el fah tuhkuh ac kahsrwekowos, mweyen Papa el fah suhpwacma inek, el fah luti kowos ma nuh kwewa, ac oruh kowos in esamwack ma nuh kwewa ma nga fahk tari nuh suwos” (John 14:26).
Nguhn Muhtahl ahkacsmakihnye kuht ke ma God el luti kuht ah. Ac sie ohiyac God el luti kuht pa ke mwe insewowo Lal; na, fin kuht sulaclah in ahkpwacyei luhlahlfongi, Nguhn Muhtahl fah use kuhlwacng luhn God nuh ke esam lasr uh.
Kom kuh in srihke ma ingacn in pruhe mihsenge. Kom kuh in ukwe masap se ma fahk muh kom enenuh in sang kuloh nuh sin Leum God lom ke ma nuh kwewa (liye D&C 59:7).
Prestuhn Ezra Taft Benson (1899–1994) el fahk lah pruhe uh orwaclah pacl wowo se in oruh kac. El fahk: “Mwet Pahluh Joseph el fahk ke sie pacl ah lah sie ma koluk yohk ma Mwet Luhlahlfongi ke Lwen-sahflah uh kuh in puhla suhfal pa ma koluk ke tiac sruikihn. Nga muh inkaiyacsr tiacna nuhnkuh kac lah ma koluk yohk se. Pacl puhkantwen ke pruhe lasr ac ke nguhsr lasr nuh sin Leum in siyuck ke mwe insewowo sahyac. Tuh kuhtuh pacl uh nga puhla lah kuht enenuh in sang kuhiyacsr ke pruhe lasr in ahkkahlwemye tarilacna ac sang kuloh ke mwe insewowo kuht eis tari ah. Kuht engankihn yohk.”1
Kom kuh in puhla ma se inge ke mwe sang luhn Nguhn Muhtahl mihsenge. Kom kuh in muhtwacwacack sie pruhe in muhkuh ke sang kuloh. Kom kuh in muhtwacwacack in oek mwe insewowo lom na tui kihtin pacl. Fin kom ahkpwacyei luhlahlfongi, ke mwe sang luhn Nguhn Muhtahl, kom ac konwacack lah mwe esamyac ke mwe insewowo sahyac uh fah nwacklah nuhnak lom an. Fin kom muhtwacwacack in ahkkahlwemye kulohkihn ke kais sie seltahl, pruhe lom an kuh in loesaclihk liki met ah. Kom ac esamwack, ac kom ac puhla tarilacna.
Kom kuh in srihke ma sacn pacna ke kom sihmihs sie ma lun ma sihmlac nuhtum an. Nguhn Muhtahl kahsruh mwet uh ke ma ingacn ke muhtwacwacacyen pacl uh. Ke puk lal Moses fahk lah sie puk in esamyac karihngihnyuck ke kahs lal Adam ac lun puk sacn sihmlac lah kuhtwena mwet suc pruhe nuh sin God in kuh in sihmihs ke nguhn luhn mokleyuck sang nguhsr lalos an (liye Moses 6:5).
Prestuhn Spencer W. Kimball (1895–1985) el ahkuhtweyac lah ohiyac in eis nuhnak luhn lucng: “Mwet suc orekmakihn puk luhn esam fah esam Leum ke moul lalos. Ma sihmihsyuck uh pa sie inkacnek in oek mwe insewowo lasr ac kahsruh sucu lasr uh in akihlen mwe insewowo kuht eis uh.”2
Ke kom muhtwacwacack sihm uh, kom kuh in siyuck sum sifacna, “God El ahkinsewowoyeyuc ac mwet nga luhngse mihsenge uh fuhkah?” Fin kom oruh ma se inge pacl puhkantwen ac oasr luhlahlfongi, kom ac konwekomyak sifacna in esamyac mwe insewowo uh. Ac kuhtuh pacl uh oasr mwe sang utuckot nuh ke nuhnak lom uh ma kom tiacna akihlen ke lwen uh tuh kom ac etuh na lah poun God puhsrallah moul lom an.
Nga pruhe tuh kuht in kampare ke kuhiyacsr ke luhlahlfongi in akihlen, esam, ac sang kuloh ke ma Pahpah tuhmwacsr Inkuhsrao ac Mwet Lahngo lasr orwaclah tari ac oruh in ikacslah inkacnek in fohlohk nuh Yohrohltahl.
© 2013 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/13. Ahkkweyeyucklac ke lweng: 6/13. Lwenglah luhn First Presidency Message, August 2013. Kosraean. 10668 868
Luti ke Pweng Se Inge
Ke pweng lal, Prestuhn Eyring el suli kuht in esam kuhlwacng luhn Pahpah Lucng ke pruhe lasr uh. Sramsramkihn nuh sin mwet kom luti an ohiyac pruhe ke kulohkihn uh kuh in kahsrwe kuht akihlen poun God ke moul lasr uh. Motko in sikuck muhtuhnteyak in pruhe yurin mwet kom luti an ac siyuck sin mwet se ma pruhe an in sang kuloh muhkwena.
Kom kuh in lutlut pac ke yohk srihpaciyen kulohkihn in riti fuhs inge ac fuhs sahyac ma Prestuhn Eyring el fahk ah: Psalm 100; Mosiah 2:19–22; Alma 26:8; 34:38; Doctrine and Covenants 59:21; 78:19; 136:28.