Pweng ke Forfor Luti, Ohkohs 2013
kahsruh
Pruhe in lutlutkihn kuhfa se inge ac, ke pacl fal, sramsramkihn yurin tahmtahel ma kowos muhtwacta nuh yohroh an. Orekmakihn kihsen siyuck an in kahsrwe kowos ahkkweye tahmtahel wiyowos an ac in oruh Rilif Sosaiti in ip utuftuf se ke moul lowos sifacna an. Nuh ke kuhtuh pac ma in etuh, som nuh ke reliefsociety.lds.org.
Luhlahlfongi, Sucu, Kahsruh
Srihpac ke kahsruh luhn Alu uh pa in kahsruh mempucr in eis kuh in-sifacna, in karihngihn mwet suhkahsruhp ac mwet enenuh, ac in sang kuhlwacnsap. Kahsruh pa yohkiyacn orekma luhn Relief Society. Prestuhn Henry B. Eyring, Mwet in Kahsruh Se Met ke Prestuhnsi Se Met, el luti:
“[Leum] ke muhtwacwacyen pacl uh sang ohiyac puhkantwen nuh sin mwet tuhma lutlut Lal in kahsruh. El suli tuhlihk Nahtuhl uh in ahkmuhtahlye pacl lalos, ac ma oasr lalos, ac elos sifacna in weluhl in kuhlwacnsapuh mwet sahyac uh. …
“El suli ac sapkihn nuh sesr in wi ke orekma Lal uh in sruhkwack mwet ma enenuh. Kuht orwaclah olweacng in oruh ma ke kof in pacptais uh ac lun tempuhl muhtahl luhn God. Kuht ahksasucye olweacng uh ke Sacnri ke kuht ipeis ke kuhfa luhn Leum uh.”1
Ye kolyuck luhn pisap kuh prestuhn luhn pracns, kuh mwet kol ke acn an in kahsruh ke ma luhn nguhn ac mahno. Pacl wowo in kuhlwacnsap kwacna muhtwacwacack yurin mwet forfor luti suc suk mokleyuck in etuh ohiyac in topuk enenuh luhn kais sie tahmtahel elos muhtwacta nuh yohroh.
Ke Ma Suhmuhslah uh
Luk 10:25–37; James 1:27; Mosiah 4:26; 18:8–11; Doctrine and Covenants 104:18
Ke Sramsram Mahtuh Lasr
Ke Jun 9, 1842, Mwet Pahluh Joseph Smith el sang kunacn tahmtahel ke Relief Society in “kahsrwelah mwet suhkahsruhp” ac in “molwelah nguhna uh.”2 Finsrak inge srwackna oasr ke insiyacn Relief Society ac ahkkahlwemyeyuck ke pohloh fahk se lasr, “Luhngse pwacye tiacna wacngihnlac” (1 Mwet Korint 13:8).
Prestuhn ahklimekohsr lasr ke Rilif Sosaiti, Emmeline B. Wells, ac mwet in kahsruh lal an akiyac fahk se inge ke yac 1913 in oacna sie mwe esamyac ke pwelucng luhn ip yohk uh: “Kuht fahkwelihk srihpac lasr in sruokyacna kuh nuh ke mwe luti mokleyuck lal Mwet Pahluh Joseph Smith ke el ahkkahlwemye plwacn ma muhtwacn uh in fokokoi ke kalmeyacn kolyuck luhn pristut in orwaclah kuhtuh u wowo nuh ke srihpac luhn karihngihn mwet mas, kahsruh mwet enenuh, ahkpwacrye mwet mahtuh, kahsruh mwet suc tiacna akihlen mwe elyah, ac karihngihn tuhlihk tuhlac uh.”3
Mihsenge Rilif Sosaiti oasr ke acn nuh kwewa fin facluh ke tahmtahel in sang luhngse pwacye, luhngse wowo luhn Kraist nuh sin mwet tuhlan lalos (liye Moroni 7:46–47).
Meac Nga Kuh In Oruh Uh?
-
Nga ac ahkolah fuhkah in karihngihnyuc sifacna ac sucu luhk uh ke ip luhn nguhn ac mahno uh?
-
Nga ac kuh in ukwe fuhkah srihkasrak luhn Mwet Lahngo ke nga kahsruh orwaclah mwe enenuh luhn tahmtahel nga karihngihn uh?