2013
Aninis
August 2013

Poraus seni Fefin Chon Amwa, August 2013

Aninis

Kopwe anneani ekkei mettoch iwe, nupwen mi och, kopwe aporausa ren ekkewe fefin ka churir. Kopwe aea ekkewe kapas eis ne anisuk ne apochokuna ekkewe fefin ka churir me pwan aochu manauom ren aean Fin Anisi. Ren pwan ekkis poraus, kopwe nengeni www.reliefsociety.lds.org.

Nuku, Famini, Aninis

Ekkewe popun aninisin Mwichefen ena ne anisi chon mwichefen ar repwe tumunur pwisin, tumunu ekkewe woungaw me osupwang, me awora angang. Aninis a nom nukunapen ewe angangen Fin Anisi. Preseten Henry B. Eyring, Aewin Chon Aninis non ewe Aewin Presetensi, a aiti kich:

“[Ewe Samon] seni chok nepoputan fansoun a awora napanapen Noun kewe chon kuno ar repwe aninis. A tingorei Noun kewe semirit ne awora ar fansoun, ar tufich, me pwisin ir ne chufengen ren I non ewe angang ngeni ekkoch. …

“A tingorei me annuku ngenikich ne fiti An angang ne ekieta ekkewe ir mi namwot aninis. Sia pwon ne fori ekkei mettoch nupwen sia papatais me pwan non an Kot kewe tempel mi pin. Sia asofosefanni ewe pwon won Raninifel nupwen sia angei ewe sakrament.”1

Fan emwenien ewe pisop are presetenin pranch, souemwenin pwisin nenier repwe aninis non pekin ngun o pekin inis. Fan chommong tufichin angang a poputa ren fefin chon amwa pwe ra kutta pwarata ne sinei ifa usun ar repwe apwonueta met mi namwot ngeni emon me emon pwipwi ra churi.

Seni ekkewe Pukfel

Luke 10:25–37; James 1:27; Mosaia 4:26; 18:8–11; Doctrine and Covenants 104:18

Seni Ach Uruo

Won June 9, 1842, ewe Soufos Joseph Smith a annuku ekkewe fefin non Fin Anisi ar repwe “angasano ekkewe mi woungaw” me “amanaua ngunun aramas.”2 Ekkei mettoch sia achocho ngeni mi chuen nom nukunapen Fin Anisi me sia pwarata non itenapach “Tong ennet epwe nonnom feinfeino chok” (1 Corinth 13:8).

Nouch we nimon presetenin Fin Anisi unusan, Emmeline B. Wells, fiti fengen me noun kewe chon aninis ra efisata ei itenap non 1913 pwe achechemen ekkewe nongonong mi efisikicheta: Sia pwarata pwe popunapach … ach sipwe [kamwochannuk] ngeni ewe aurour mi murino seni ewe Soufos Joseph Smith nupwen a pwarata ewe kokkot me ren fefin repwe angei pochokun seni kokon ewe pristut ar repwe ochufengen non mwichen aninnis ne anisi ekkewe mi semwen, anisi ekkewe mi osupwang, chachari ekkewe mi chinnap, esinesin ngeni ekkewe mi tumunungaw, me anisi ekkewe semirit ese wor semer are iner.”3

Ikenai ewe mwichen Fin Anisi mi nom ekkis meinisin won fonufan nupwen ekkewe fefin ra otora tong ennet, ewe tongen Kraist mi unus, ngeni ekkewe monun unukur (nengeni Moroni 7:46–47).

© 2013 seni Intellectual Reserve, Inc. Meinisin pung mi kawor. A för non Amerika. Kapungunon non fosun Merika: 6/12. Kapungunon chiakun: 6/12. Chiakun Visiting Teaching Message, August 2013. Chuukese. 10668 901

Esinesin

  1. Henry B. Eyring, “Opportunities to Do Good,” Liahona me Ensign, May 2011, 22.

  2. Joseph Fielding Smith, non Daughters in My Kingdom: The History and Work of Relief Society (2011), 63.

  3. Daughters in My Kingdom, 63.

Met Ua Tongeni Fori?

  1. Ifa usun ua ammonata ne tumunu pwisin inisi tori pwan chon ai famini non pekin ngun me pekin inis?

  2. Ifa usun ua tongeni tapweno ewe nenien appirun ewe Chon Amanau nupwen ua aninnis ne apwonueta met mi namwot ngeni ekkewe fefin ua mamasa?

Printini