Mulwol ni Ngan Fil ni Ngan Nang, August 2013

Welfare

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Relief Society e bang ko yafas rom nib mangil. Ra tin ni ga ba adag ni ngam nang, man ko www.reliefsociety.lds.org.

Mich,Tabinaew, Ayuw

Fan e welfare ko Galasia e ngan ayuweg pi chongin riy e ngar manged gidii’ ni rayog yad, ni ngan ayuweg picha’ nib sobut min gafgow, min pii’ e ayuw riy’. Welfare e rebe kenginn e muruwel rok Relief Society. President Henry B. Eyring, Bin Som’on e Counselor u Bin Som’on e Presidency, ke fil ni:

“[Somoel] kakrom mada’ ko chiney e fal’eg rogon ni ngan ayuweg gachalpen rok ni ngar ayweged e gidii. Ke pining pifaak ni ngar thothup niged e rraan rorad, fan rad, nge ngorad ni ngar uned Ngak ni ngan ayuweg boech e gidii’. …

Ke pining ma be yoeg ngodad ni ngad uned ko murwel Rok ni nge ayuweg e picha’an nib tu’uf ngorad. Gadad be fal’eg e m’ag ningan rrin’ e binem u fithik’ e raen ko tawfe nge lane pi temple nib thothup ku Got. Gadad be sul u dakean e re m’ag nem ko Madnom napan ni gadad feek fare sakrament.¹

U tangin e fonow ko bishop fa branch president, pi tapowiy ko galasia ma ayuweg min sap ko gidii’ ni rogon e fayleng ma rogon nu tharmiy. Rayog ni ngad tabab e ayuw rodad napan gadad be un ko visiting teaching napan gad be ning ayuw rok Got ni ngad nanged e tin nib t’uf ko pi ppin niybe sensey nag.

Ke yib ko pi Chep nib Thothup

Luke 10:25–37; James 1:27; Mosiah 4:26; 18:8–11; Doctrine and Covenants 104:18

Cheppin Rodad

U June 9, 1842, fare Profet ni Joseph Smith ke fonow nag e pi ppin u Relief Society ni ngar “ayuweged e picha’ nibe gafgow” min “thapeg e pi ya’el.”² Pi goal ney e reb e kengin ni muruwel ko Relief Society ma kan noeg ni t’abrogon ko motto rodad, “T’ufeg e dabi mul” (1 Korinth 13:8).

Bin lal’ e Relief Society general president, Emmeline B. Wells, nge pi counselor rok kar tabab niged e motto ney u 1913 ni reb rogon ngan sulaen’ dad pi kengin e muruwel rodad: “Muruwel rodad e ngan … [koel] chilen ko pi machib ni thothup rok e Profet ni Joseph Smith napan ke yog e yi’iy ko tunom ni uragon pi ppin ra gel nag udakaen e murwel rok e priesthood ni ngar mo’olung gad ko pi ulung ni ngar ayuweged e picha’an nibe m’ar, ayuweg picha’an nib nike t’uf banen rorad, ayuweg picha’an nib elal, fonow nag e picha’ ni dar nang, min ayuweg e pi bitir nikan n’agrad.”³

Fare Relief Society e daba’ e rayog ni ngar ayuweg picha’an nib t’uf u bang ko fayleng nu dakaen e bugol, fare adag nib riyul’ ku Kristus, ngak e pi bugliy yoror rorad (muguy Moroni 7:46–47).

Mange Rayog Nggu Rin?

Uragon ni gube fal’eg rogog ni nggu ayuwegeg nge tabinaw rog ko tin nu tharmiy nge tin nu fayleng?
Uragon rayog nggu fol ko wok rok Somoel napan gu ayuweg e pi ppin nib t’uf ni gube sensey nag?