Ngeasek
Ng Mlo Sebechek el mo Iikrii a Klengitelreng
A milluches a chad er a Taiwan.
A resechelik er a Brother Chen me a bechil er a lemetecholb el mo chedal a ward er kemam, eng kmal mlo ungil a renguk. Tal rak ruriul er a techolbechelid er tir, ete mlo bechiil er a templo, ea ngelekir el sechal el mlad ruchei er a bol chedal a Ikelesia a mloak el mo er tir. Ng mle klebokel el desa telungalek er a Chen el mukeroul er a chelsel ebangkelio.
A Brother Chen a mlad er a aksident er a mlai er tial mlo merek el rak. Uriul er a aksident, e tial kodellel a kmal di mlara uldesuek e ak mle blechoel lomerrous el kirel. Ak mekar e lmangel e blechoel loker el kmo, “Ngera uchul? Ngera uchul me a Rubak a mechere uai tial kerrior meng duubech? Ngera uchul me a uai tial teletael a duubech el mo er tial klebokel el telungalek?” A tara klebesei, el kmeringel lomdasu el kirel aikal ker, e ak ngiluu a hong e chiluiiu aikakid el tekingel a President Spencer W. Kimball (1895–1985):
“Alsekum e kede omes er tial klengar er a beluulechad el uaia le cherrengelel a klengar kid, ea ringel, klengitelreng, telitur, me a kedeb el klengar a mo uaia le kerior. Eng di omko kede omes er a klengar el diak a ulebengelel el merael bedul a klengar ruchei lengelakl ruriul er a kodall, ea rokui el tekoi a duubech el ngar sel ungil moktek me a osenged er ngii. …
“Kid ng diak el kired el mo chemau ongetikaik el skeng a klisiched, secher me luchul e desubii a kllouelreng, kodall me bol sebechel diak deluut el mad e bo de mekebkall?”1
Tiaikid, e ngak a tilbir el mo iikrii a klengitelreng e omes el kirel a yaksok er a ngar medad. Ak milsa er a uldesuek a Brother Chen el dmeu a rengul teloi er a telungalek er ngii. Tial ues a milskak a budech. Ak medengei el kmo a Chedam er a Babeluades a mo meskid a llomes me a klisiched sel dechebangel ongarm.